[poem=font="Simplified Arabic,5,black,normal,normal" bkcolor="transparent" bkimage="../backgrounds/11.gif" border="double,5,white" type=2 line=0 align=center use=ex num="0,black"]
ياطيري اللـي للمقانيـص حنيـت=واشتقت للطلعه وصيـد الحبـاري
لاتحسـب انـي ساهـيٍ ماتمنيـت=للعشب والصحرى وجـو البـراري
ورفقة اللي في المقانيـص خاويـت=والهيل والدلـه وزيـن الطـواري
لوشفتنـي ياطيـر مـره توانيـت=غصبٍ علي ياطير ماهـو قـراري
أي والله اني ماعن الوعـد قفيـت=وني على خبرك محـبٍ وشـاري
اعـد واتقصـى جميـع المواقيـت=والشوق يسبق قبـل ليلـي نهـاري
شوقي لزولك لي فقدتـك ورديـت=ولهفة اشواقـي وطـول انتظـاري
لكن ظروف الوقت جارت وهميـت=كني طريـدٍ تالـي الليـل سـاري
احسب سنيني واكتب البيت باليـت=والدمع ياطيري على الخد جـاري
حسبتهـا حسبـت فقيـر وعديـت=وضاعت الحسبه وضاع اعتبـاري
لاتحدني ياطير اسولف بما اخفيـت=ويبان ضعفي للعـرب وانكسـاري
ياطير خبري فيك لي ضقت هديـت=وتغار لي من صار لي اي طـاري
رفيقـي اللـي للملمـات خلـيـت=ون صابني مكروه تاخـذ بثـاري
ون كنت فيني يوم ياطيـر شكيـت=اسف على ظني وسـوء اختيـاري
دام الرفيق اللـي هقيتـه وظنيـت=دربه تغير وانحرف عـن مسـاري
الله يعوضني وحسبـي اذا اخطيـت=عن طيري اللي صار صيد الحباري [/poem]
مواقع النشر (المفضلة)