ليش نزلتي عيونك إرفعيها وطالعيني
ولا يعني انحرجتي يوم جاوبتي سؤالي
ليش قلتيلي أحبك ليش كنتي تخدعيني
ليش قلتيلي حبيبي ليش قلتي لي يا غالي
كان ممكن ما أحبك كان ممكن تتركيني
كان ممكن من البدايه تخدعي غيري بدالي
ليش أنا بالذات يعني ليش قولي جاوبيني
بعد عذرك خبريني وقولي بس شلي بقالي
والله إني ماجرحتك ليش انتي تجرحيني
هنت على قلبك حسافه وأنقضت أجمل ليالي
والقهر للحين أحبك وأدري إنك ماتبيني
والمحبه من طرف واحد نهايتها زوالي
كان عمري بيدينك قولي وش كان بيديني
أذكر أنه كان من غلاتك كان قدرك فوق عالي
كنت أتجاهل وأطنش يوم نغزاتك تجيني
وكنت اقول الحب أكبر من تصرف لا مثالي
أبغى من وقتك دقيقهوليت إنك تمنحيني
بس انا بقول لك ثلاث أشياء وأروح أمشي لحالي
أولا..فعلا أحبك كنتي قلبي وعيني
وكانت الدنيا بوجودك شئ روعه خيالي
ثانيا..على اللي بدر مني سامحيني
يمكن انه زلة لساني وقلت إنك راس مالي
ثالثا..اسالك بالله وأطلبك لا تذكريني
إحرقي كل القصايدوإنسي اشواقي ووصالي
المهم إني بأبعدو إنتي روحي وأتركيني
إرجعيله ومثلي دور البريئه اللي تبالي
وفي النهايه قبل مانسى بقولك كلمتيني
ترا هذا اللي تحبينه هو محمد ولد خالي
اتمنى تعجبكم
ملتوووووووووووووش
تحياتي/ جوووووووودي..........
مواقع النشر (المفضلة)