خــــــــــــــــــتام رحـــــــــلة اندونيســـــــــيا ~

[حيران في عالم النسيان]

السلام عليكم


آسف على التاخير ظرفٍ وراه اظريف= صعب الطريق وطال والخير يزدادي

^
ماهوب لي


اللي اتصاله ضعيف يسوي تحديث او الصوره اللي ماتطلع له يضغط عليها يمين ثم يضغط على اظهار الصوره

رابط الجزء الثاني



http://www.al-zen.com/vb/showthread.php?t=154083


عوده لكم مجدده بأخر جزء بالرحله والمعذره على التأخير لضيق الوقت وكثرة الاشغال
لكن الله يعين على كثر الصور <- يقول التوبه بعد هالورطه
صحينا الصباح وكانت النيه إلى ثلاث مناطق البراشوت + حديقة الزهور
ووجبة الغداء في بحيرة الليدو طبعاً السواق مارحنا معه لأنها بالسياره يبي لها يومين
من شدة الزحمه انا استغرب زحمة طريق الملك فهد عندنا لكن هم حتى الدبابات من كثر
الزحمه توقف
وهذي اول صوره من بداية الانطلاق

من موقع الفله
وكان الاتفاق مع السواقين البراشوت 80 الف كل دباب والزهور والليدوا 100 الف كل واحد

صوره بعد الانطلاقه الصراحه انا احس حركة الاندونيسي ذي ماهيب طيبه
اذا شفتها اتذكر اليهود بس ما ادري وش معناها ؟
اثناء المساقط او على قولة البعض المجاكر

اتجهنا للبراشوت بما انه اقرب شي لنا

طريقه شوي وعر بعد مانفرق له

طبعا كالعاده ما احد يسوي شي الا بعد ما انا ابدا <- يبون كل شي يصير في وجهي الاول
البراشوت ماصمل الا محمد معي تالي الوقت تحمس بعد ماشافني احلق احلق احلق





واخر صوره لي اثناء الاستعداد الطيران لكن كان من افضل شي مر علي البراشوت
تمنيت اني صقر عشان اطير

بعدها اتجهنا لحديقة الزهور طبعا مشوار والصراحه الدباب يقطع الوقت لكن
يتعب الواحد


اثناء الدخول بالحديقه
التذكره الصراحه ما اذكر كم دخلنا




صور من داخل الحديقه














بعدها اتجهنا إلى بحيرة الليدو تبعد عن حديقة الزهور ساعتين على الدباب
لكن السياره يبي لها ست ساعات تقريبا او اكثر

وجبة الغداء مثل ماتشوفون استاجرنا الزورق الخشبي مدري وش اسمه بالضبط
بـ300 الف والغداء كيلو السمك بـ100 الف وكيلو الربيان بـ230 الف
كل مية الف اربعين ريال سعودي اخذنا ثلاثه كيلو سمك وكيلو ربيان





الصراحه كان المنظر من اروع ماشاهدت وسط البحيره ترد الروح
بعدها اتجهنا للموقع السكن وكنا نقول الله يكون بالعون على طول المسافه
لأن الدباب متعب مرررره والمسافه حسب توقعاتي 40 كيلو طلعنا من البحيره
قبل المغرب ووصلنا الفله بعد صلاة العشا تقريبا او مع الصلاه بس تعب
لضيق الوقت اخذنا دبابات مع العلم ان السواق جالس عند الفله ماعنده شي بس بالسياره يبي لنا يومين
بعدها ضبطنا العشاء




لا بد من صوره تثبة ان القدر مافيه شي محترق لاسمح الله

طبعاً السلطه قضينا عليها لأن الصباح بنطلع منطقه ثانيه عشان كذا مانستفيد من ابقاءه
بعد وجبة العشاء الخلود إلى النوم لشدة التعب
وعند الصباح قمنا بتسليم الفله واتجهنا إلى منطقه اسمها باااندووم المياه البركانيه او البراكين

مشينا على الساعه 8 تقريبا وصلنا لها تقريبا على دخول العصر


صوره لتذاكر طبعا الجوال عليه تذكره عشانك سعودي لابد ياكلونك
التذاكر مثل ماتشوفون والسياره عليها فلوس بعد


طبعا المياه ذي بركانيه وفي نفس الوقت حاره تنبع من الجبال وكانت النيه
نسبح فيها يقولون انها علاج

[حيران في عالم النسيان]

بعد الدخول اتجهنا لوجبة الغداء


طبعا
لفة انتباهنا المنيو كاتبين اسم الاكل لكن بعضه غلط
سوربه / أدم لحم ودجاج < يعني ايدام ههههاي
سلطة بيطجان احمص : سمك مسوي << هذا اللي اذكره لأني ما ادقق بالصور حيل حاليا




وبعد الغداء اتجهنا نبي نسبح في المياه الحاره لكن بعد ماشفنا اختلط الحابل بالنابل
هونا كان التوقعات ان مافيه احد غيرنا بعد ماشفناها كذا قلنا بلاش سبوح






بعدها طلبنا من السواق الاتجاه إلى منبع المياه الحاره وكان المشوار تقريبا نص ساعه
وصلنا قبل المغرب ساعتين ونص طبعا الحراس منعونا من النزول من السياره لأنهم
بيقفلون اذا نزلنا تحت طويله المسافه مايمدي على الخروج
قلنا لهم ماعندك مشكله ماحنا نازلين لأن حنا فوق جبل طويل القامه <~ صار رجال
والمياه الحاره تحت الجبل
كان الجو بارد هنا مررره

طبعا نزلنا سحبنا على البوابه نبي نشوف ماجينا نسمع كلام احد

المسافه تحت كيلو مايقارب نزول نص ساعه او اكثر بشويات والوقت ضيق بعد





واخيرا وصلنا





طبعا المياه حاررره مررره كأنك تغليها على نار يعني بعض المواقع ماتقدر تمسك الماء
لكن سبحنا في مياه حاره بس حراره يتحملها جسم الانسان بـ50 الف يحطون عليك من الكبريت ما ادري وش اسمها بالضبط
لكن بعد التعب تحس بالراحه ويرجع نشاط الجسم وحيويته من جديد


طبعا الحلو هذا اللي انتم تشوفونه مرشد كنا نازلين مع الدرج من الجبل تحت
عشان المياه قال انا مرشد بوديكم قلنا بكم قال 300 الف قلنا لا تبي 50 الف قال لا
ورجع وحنا نمشي نازلين وكل شوي يخفض لنا ويلحقنا وحنا صاملين على الخمسين
اخرتها وافق بعد ماجلس يمشي ورانا تقريبا 300 متر او اكثر مع انها ماتحتاج إلى مرشد بس اخذناه عن الشكه

طبعا هم الحدائق والمنتزهات 5 العصر بالكثير 6 وهي مقفله ويفتحون الصباح
نظامهم يختلف كليا عنا لروعة اجوائهم
قبل المغرب بساعه اتجهنا إلى جاكرتا صور من الطريق




وصلنا إلى جاكرتا على الساعه 10 او 11 بالليل تعبنا مررره من الصباح
مشي طبعا المسافه كلها ماتجي 500 كيلو لكن الزحمه والسواق اذا تهور مشى 100
يعني مايوصلها من 90 إلى 20 هع وسواقته تجيب المرض كأنها سواقت بنت <- يعني لاتحلمون بالسواقه
تعشينا بالطريق ثم اتجهنا إلى الفندق اللي انتم خابرينه الاولي اوسيس الامير

الساعه 6 الصباح ركبنا مع السواق ثم اتجهنا إلى المطار محمد رحلته إلى السعوديه
طبعا الرحله الساعه وحده الظهر ومن زود الحرص جاي بدري

راح عطيناه العزبه لأنا معاد نحتاجها
بعد ما اقلعت الطايره وكل الامور سليمه اتجهنا إلى المطار الداخلي
ثم حجزنا إلى جزيرة بالي وكانت التذكره بـ500 ريال وتزيد شويات عليها
طبعاً الثلاثه بخمسميه



بعدها اتجهنا لناخذ قليلاً من القهوه


بعد قص البوردنق والانتظار والملل بدة تطلع المواهب والفرفشه
طلعوا الفوارق هع <- بالصوره ذي مايقصد شي ترا

صوره لطايره اللي رحنا عليها


لابد من دغدغة اعضاء الرحله عشان نمشي بسرعه




ركبنا درجه اولى وكانت الوجبه هذي اللي تشاهدون في الصوره
اما الدرجه الثانيه يخلونه يشوف الوجبات هذي من بعيد بس يشم ريحتها وهو مايذوقها
هههههههههاي <~ يعني اركب درجه اولى ولا مت جوع
طبعا انا ما ادري كيف تجي كيكه مع ماء ؟ بس لظروف احكام

استمرت الرحله تقريبا ساعتين من جاكرتا إلى بالي سكان بالي هناديس <~ جمع هندوس ههههههههه

[حيران في عالم النسيان]

وصلنا العصر تقريبا الساعه 4 ونص ثم ااخذنا سواق
واتجهنا إلى حجز فندق بعدها اخذنا كم لفه حولك حواليك لحد العشاء
ثم اتجهنا إلى المطعم الهندي لوجبة العشاء


بعد العشا اخذنا كم لفه بالموقع

في الصباح اتجهنا إلى المواقع السياحيه



ركبنا ذي اللي تطير ما ادري وش اسمها لكن روووووعه بمعنى الكلمه
والدبابات البحريه الدباب معك مرشد بـ500 الف بدون مرشد 700
واللي تطير ذي بـ500 اتوقع ناسي كم بالضبط طبعا يسحبنا لنش مع السرعه والامواج
تطير مثل ماتشوفون اثنين اللي ركبناها والثالث المرشد








بعدها اتجهنا إلى برنامج سياحي ثاني نركب باخره من الساعه 9 الصباح إلى الساعه 5
العصر جزيره وسط البحر ووجبة افطار ووجبة غداء تقريبا الواحد بـ800 الف
طبعا هذي اليوم الثاني بس هنا القينا نظره وحجزنا




تماثيل اعجبتني




بعدها اتجهنا إلى الشاطي قريب جدا من الفندق



هنا نشاهد الاندونيسيين مع ان بالي قليل تشاهد سايح اندنوسي



واحد يحفر والثاني يدفن اللي يحفر هههههههههه



حتى غروب الشمس اليوم الثاني ركبنا الباخره واتجهنا الى الجزيره لكن
للأسف من الاستعجال لاتفوتنا نسينا الكام بالفندق رجعنا اتجهنا اليوم اللي بعده
إلى المطار وحجزنا بس كانت التذاكر اغلى من الجيه لبالي الرجوع كانت
بـمليونين وشوي رجوعنا طلع بـ1000 وزياده هذا اللي اذكره على نفس الطايره

بجزيرة بالي الاجواء حاره شوي وفيها رطوبه تختلف اختلاف كلي عن جاكرتا والجبل الاخضر
هناك بارده
بجزيرة بالي شفنا السواح اشكال والوان اجسام الناس اللي تطلع في المصارعه
شفناهم اجسام تروع الواحد من كبرها ومن عظلاتهم كأنك ما انت في ديرتك اذا شفتهم <-
صرنا عصافير عندهم
بعدها اتجهنا إلى جاكرتا

صوره احترافيه <- ايه هين
من مطعم الجزيره شاهدنا مبارات السعوديه والكويت

نمنا بالفندق الساعه 8 صباحا اتجهنا إلى دنيا فنتازي وكان الدخول الشخص بـ120 الف
بعد قص التذاكر لابد من الختم علينا عشان تلعب اي لعبه بقيمت الدخول


الاجواء خياليه تفتح النفس




وليتني ماركبتها سريعه وتفتر بجيمع الاتجاهات وتونا متغدين

اما اللعبه هذي قسم بالله اول ما تحركت وارتفعت بنا فوق اني احسب معاد ارجع للأرض
من سرعتها وطول ارتفاعها المشكله اول ما ارتفعت ما اشوف الا البحر
ومن سعرة نزولها احسب اني بغطس تحت ارتفاعها انا بظمن لكم ارتفاع عماره 8 طوابق عشا ما ابالغ
تقريبا 300 متر ارتفاعه ماهيب مثل اللي عندنا بالسعوديه وسرعتها تروع
يكفيكم كم رقمي ادري ان اللعبات خطره لكن اقول لا بركب
العيال جالسين يتفرجون بس <~ للي مايطلع له هذا المقصد فيه الفيس الاخضر




لتحميل مقطع الفديوا اضغط هنا

ؤ.mp4 - 4.3 Mb

اضغط على انشاء رابط تحميل بعدها على تحميل وبس

[حيران في عالم النسيان]

هذي زحمة قطار الموت


كان دوري اكون الاخير بس قلت لبندر لا حلاة القطار يا انك تكون قدام او لاتركبه
<~ ما ابي ادخل في قلبه الخوف
بس انا رفضت قلت لاأندونيسي لا بنجلس للدور الثاني عشان نركب قدام

صوره وبندر مبسوط تونا مادعس بنا

هنا لقط الكام لي صوره بس مو واضحه انا اللي طالعه يدي قدام يسار

طبعا هم مثبتين كاميرات وصورتنا بس كانت لقطه حلوه وحنا نضحك
بس حظنا حلو انا صورناها بالكام لأن للأسف نسينا الصوره بالفندق


بعدها لابد من القرمشه

بس الذره مو مثل الذره عندنا حنا احلا بكثير


بعدها اتجهنا إلى الفندق ثم اتجهنا اليوم الثاني إلى السينماء



تابعنا فلم للمصارع روك بس ما ادري وش اسمه لكن فلم رهيب
بعدها اتجهنا إلى محل الدونات


بعدها اتجهنا إلى مقهى انتر نت سعد لابد من الاطلاع على احوال الرعيه واحلى تكيه على الارضيه

اليوم الثاني اتجهنا إلى انجول <~ ج <~ ينطق مثل الكويتيين



قلنا نبي ناخذها رحله بحريه كنا نبي اللنش لكن للأسف ماعرفنا مكانها
مع انها كانت جنبنا بس للأسف ما انكتبت لنا قلنا نبي نروح للجزيره
اخذناها بـ700 الف




اعضاء الرحله

الجزيره المقصوده

من وسط الجزيره




بعدها رجعنا
وهبت علينا عواصف وبدا المطر بالهطول وحنا نقول الله يخارجنا <~ مجهز الجوال على 998 <~ يحسب انه بالسعوديه
بعدها انكسر العمود حق الشراع وصوره للعمال وهم فوق يربطونه



الهوا كان اتجاهه مايرجعنا الا يبعدنا عن الشاطي والماطور يجيب الهم لو اسبح
سبقت زورقنا
صوره وحالة اليأس شينه

بعدها ضبطو الشراع وبدينا بالاتجاه للمقر

بس ابشركم رجعنابالسلامه رحنا الساعه 4 ورجعنا الساعه 10 مابغينا نرجع
بعدها اتجهنا للفندق ونمنا وفي الصباح اتجهنا إلى المطار
وكان سواق التكسي متهور واحد من العيال يهيضه دوس دوس وابو الشباب
يحسب انه في سباق رالي الجو مطر وجلس يهايط طيشوه ومشابنا السرعه ذي
يقول عاد هو بالانقليزي اني انا احسن سواق في جاكرتا رقم واحد ههههههاي

I am the number one drivers in Jakarta

تهيض بس من الفندق للمطار 40 دقيقه


قبل الرحله لابد ما نمر على اللي تشوفون ونعطيها حقها من الاكل

يقرون الجرايد مادرو انهم بيخلصون انواع الجرايد وهم ماوصلوا لرياض

هذي المسافه من جاكرتا إلى السعوديه


صوره بعد الاقلاع مدري ليش احسها مجنونه الصوره ذي اعجبتني حيل



وإلى هنا وصلة إلى ختام رحلتنا إلى اندونيسيا آمل ان تحوز على رضاكم واستحسانكم
والمعذره على التأخير في الاجزاء مانزلتها بسرعه لكثرة الاشغال وضيق الوقت
كلفة الرحله بالكامل من الرياض إلى اندونيسيا إلى الرياض مايقارب 30 الف ريال
وان شاءالله الاقيكم برحله إلى القمر المره الجايه <~ ايه هين ان نزلة موضوع عن رحله يذبح الواحد
محدثكم من خلف الشاشات
طامي العتيــبي

[ЯσŌ’σ7]

يعطيك إلف عآفيه ..
رحله رآئعه ,,
منهآ تعلمنآ المنآطق السيآحيه فيهآ ..
تسلم يمنآك ولاهنت /:25ar: