خـل مــن يسمـعـك يذكـرنـي ولا ينسـانـي
[poem=font="Simplified Arabic,6,black,bold,italic" bkcolor="transparent" bkimage="backgrounds/2.gif" border="solid,4,gray" type=2 line=1 align=center use=ex num="0,black"]
اخذ عن عقلي زمام الشعر يـا وجدانـي=لا تصير عن الحدث في منطقه معزولـه
عقب شيٍ شفت جا عنـدي كـلام ثانـي=اقطع قيـاد المقيـد واطلـق المعقولـه
ثر على حكم العقل والمنطـق اليونانـي=اقنعه وان ما اقتنع غيَـر نظـام الدولـه
دكتاتورٍ طاغيه معـه رسنـي وعنانـي=جسد ستاليـن لـي باشنابـه المفتولـه
حاصر شعوري ووسع دايـرة حرمانـي=اترك الي يطلبه غيـري ويـدي تطولـه
لاتطيع العقل عقلي هـو عقـال لسانـي=ممتل صدري كـلام مـا قـدرت اقولـه
جف شعري واللغه وشعوري الانسانـي=يوم طعت العقل في قوله وفـي منقولـه
الفرات من الظما لو اشربه مـا اروانـي=لي سنين اصدر يدي عن رغبتي مغسوله
كن في صدري صدى مستفـزع ينخانـي=ودي اجيب نخَـواه وقدرتـي مشلولـه
شعري اللي ما يترجم رغبتي واشجانـي=علموني بس ابا افهم هالشعر وشهولـه
سامح الله واحد فـي هالكـلام اغرانـي=عاث في صدري برغم ابوابه المقفولـه
ابتدع له مدخـل فـي مدخـل شيطانـي=واكتشف فالنفس اماكن و اوديه مجهوله
لا طلب رايي ولا استاذن ولا استفتانـي=بات فاللاوعي لين اصبح واخذ له جولـه
فجر اشياً فيَ كانـت للأسـف تخفانـي=تنتظر عشرين عام اسلاكهـا موصولـه
ما كشفها الشيخ عقل وبحثي الميدانـي=رغم تمحيصه و رغم جهودي المبذولـه
نسخه مع اصدق دعاي لمحسن الهزانـي=ما يحوس الرجل مثل الكلمه المعسولـه
واسأل اللي جـا وشغلنـي ولا طفانـي=صرت اذاعات وحواسب واجهزه محموله
سور هرجه زخرفه والفرش زل ايرانـي=وين ما ادير الشعور اشوف شي ٍهولـه
جر سكينـه علـى حلقـي ولا ذكَانـي=في تراكيـب الكـلام ولفظـه ومدلولـه
واحتوتني دوحـة ابـداع ثمرهـا دانـي=رحلة استمتاع في عرض الكلام وطولـه
عالم أخر من متع دنيا الحطـام الفانـي=وان تغير وجه تاريخي هـي المسؤولـه
عطر روحي يطرب بليـا نغـم واغانـي=مـا يقـدر لا بالاوقيـه ولا بالتـولـه
ما خرج عن شرط عبدالقاهر الجرجانـي=طول عمر الشيخ في كتبه يدندن حولـه
زلزل ارضية شعوري لين هـد اركانـي=وصرت انا والشعر تحت سيوفه المسلوله
اتصال شعور عبـر الهاتـف المجانـي=لي شهر وخطوط قلبي كلهـا مشغولـه
يعربـي فتـح جروحـي ولا داوانــي=تحت مبـدا موضـة الحريـة المكفولـه
لابسٍ ثـوب و وقـار العالـم الربانـي=كـل جـرح يبـرره بالحجـه المقبولـه
اسئله علـى طريقـة شيخنـا الالبانـي=خطوتيـن توصلـه للغايـه المأمـولـه
ايه انا المجني عليه اللـي دواه الجانـي=جيت كوم الغاز وامست كلهـا محلولـه
مير يا شعر الخيال السامـي الروحانـي=اطرب نفوس على فهم الشعـر مجبولـه
يوم بعـض الخلـق الا يالله لا تبلانـي=من جلافتها سلـوك اذواقهـا مفصولـه
خل من يسمعـك يذكرنـي ولا ينسانـي=الغزل والشعر حنا اللي نعـرف اصولـه
صغت ابن زيدون في نونيِـة القحطانـي=اخْيله وابداع في خفـة لغـه وسهولـه
تطرب الصوفي وتشبع رغبـة العلمانـي=وهي على منهاج سنَي حنبلي منخولـه
المحب المرهف اللـي فالحيـاه يعانـي=اعتقـد يكفيـه مـن ترياقهـا كبسولـه [/poem]
الباحث الشاعر الكبير تركي بن ماطر الغنامي العتيبي
رد مع اقتباس
مواقع النشر (المفضلة)