--------------------------------------------------------------------------------
عليكم كل ابوكم وكل امكم بعد وكل خيار مع ملح وعشان ما يزعلون بعض المخلوقات
المهم ما علينا من هاذا كله اهم شي الدين ثم الاخلاق ثم المكتوب في مفكراتي ( ماهوب عاقل نيوتن )
وعشان ما احذف بكم شرق واقول كل الي فيها ( 8 مجلدات ) رحت الى المكتبه وصورت ورقتين منها
يوم رجعت للبيت اثر الي صورته الفهرس والغلاف
ــــــــــــــــــــــــــــــــــــــــــــــــــ ـــــــــــــــــــــــــــــــــــ
كان اول يوم في حصة الانقليزي ... بدأ المغص في بطني << أجل في خشمك
ويسحب علي ويشتد الالم واشغل صافرات الانذار يوم شاف الدعوى جد قال لي
نو بربليم .. ومير يضيق صدري منه عقب هالبهذله كلها يقولي نو ( لا بالعربي ) واهوش عليه
واطلع من الفصل حمقان واروح الى دورات المياه ويوم راحت السكره جت الفكره وضاق صدري
اني خربتها معه وانتم خابرين ثالث ثانوي الواحد يبي معدل ونسبه زينه يعني وش ضرني لواني
ماخذ قارورة صحه فاضيه ودخلتها في الفصل ماهوب اصرف من هالبهذله الي نالها داعي ..
واروح لم الوكيل واقص له السالفه من طقطق الا السلام عليكم وخذ نصايح وراك ماتعرف معنى
الحمام بالانجليزي يا وليدي ومن هالنمونه وانت رايح ويوم شفته زودها شوي سألته عن معنى
الحمام بالانجليزي ومير يختبص ويقول وين فصلك خل اتوسط لك عند المدرس ويوم رحنا للفصل
وقبل ادخل حاول الوكيل يقدم اعتذاري للمدرس عشان يخليني ادخل وهنا جت المفاجئه الكبيره
مفاجئه كبيره جدا ...( تحذير حكومي : مالها أي علاقه بمفاجآت بنده ومحمود سعيد )
المفاجئه ان المدرس قال لي نو بروبليم ونو معنها لا وبروبليم معنها مشكله
يعني يوم طلبت الحمام قال لي لا مشكله >>> طيب ليش جبت الوكيل انت وراسك ..
الموقف الثاني :-
هذا في اختبارت وزارة المعارف الله لايضرهم
جاني واحد من صدقاني وعطاني 4 مواضيع تعبير انجلش وقال لي واحد منها يب يجي غصب في
الاختبار ...
خذت الاربع مواضيع وسويت لها قرعه وخترت موضوع واحد بس
الموضوع يتكلم عن اثنين تقابلوا بالصدفه وصار بينهم علاقه حميمه
الاول : - اسمي شلفوط
الثاني : اسمي جورج
جورج معه سياره ولزم على شلفوط يركب معه ويروح يدور به في الديره وبعد منتصف الليل
رجعه لبيتهم وواعده بكره
واحفظ السالفه مثل اسمي بالضبط ويجي الامتحان
واكتب الموضوع مثل منتوا شايفينه فوق
ويوم طلعت وانا ميت من الفرح ومستانس اول مره اسوي شي زين بالانجلش ومير
اعزم واحد من الدوافير على الفطور وبينما نحن نفطر وتجي سالفة الموضوع الي
في الاختبار واجي بكل ثقه واكع للدافور سالفتي ثم ما دريت الا والرجال منسدح من
الضحك وانا عيوني طايره ما ادري وش مضحكه ويوم خلص قال لي ان الموضوع
عن مسئول كبير في احدى الشركات جاي لم فندق فخم ( 9 نجوم ) يبي غرفه والطالب يمثل
دور موظف الاستقبال ....
تخليوا يبي غرفه وقعدت ادور به بالسياره هالضعيفim5 .. وابشركم نجحت
مواقع النشر (المفضلة)