-
][ ..شــاعــر.. ][
- معدل تقييم المستوى
- 0
آهـــــات الليــــــــــــــل
سواد الليل والجمر يتراقـص واللهب سكـران
احس اني لزوم ارحل مـع الدخـان باسفـاره
انا من ذا الزمن مليت انا من ذا الزمن تعبـان
انا اضمى لا شربت الما واحس الثلج في نـاره
اهات الليل لي سكنى وانا يا صاحبـي عنـوان
هلا واهلين بهمومي وحزنـي وقـت مسيـاره
انا عايش مع الماضي ولا ادري لو تدور ازمان
ولا اشكي والبشر يشكـي يقـول ايـام دواره
تمكن في سما عيني خيال اسود بـدون الـوان
اشوف ان السواد اضفى علـي ولملـم ستـاره
انا ما همت في حب العذارى داعجات اعيـان
ولا سافرت بدروب الغرام او تهـت باقطـاره
انا الحزن انولد يوم انولدت وبالاصح اخـوان
سكن في داخلي وامسـى خفوقـي بيتـه وداره
انا همي على خدودي رسم لي ميـزه ونيشـان
واذا جيت ارتحل لازم اعـود اسكـن جـواره
الا يا مهيج شعوري والا يـا مفجـر البركـان
نزف مني حمم واحرق رياحينه مـع ازهـاره
انا لا من عشقت اعشق همومي وادمنه ادمـان
واحاول يجرح بحده خفوقـي واطلـب بثـاره
واذا يوصل على حد الكرامة اترك اللـي كـان
وربي لتركه وانسى هـواه وعـذب مشـواره
نعم شاعر نعم جامح نعم مجنون بـس هيمـان
نعم فارس وبضلوعي اصـد القـوم والغـاره
اعيش وجنتي شعري واحس ان الشعر بستـان
ولا قكرت في روض النبات وجـاري انهـاره
الا يا قاري ابياتي تراني مـا فقـدت انسـان
ولا حرك لضى حزني صروف ايـام غـداره
يجوز الكاس ذا عيبي ويمكن ميـزة السكـران
يقول الهرج في سكرة مـزاج مضيـع افكـاره
يجوز ان زارني فجاة وانا جالس خيوط جنـان
اقول القول مـا ادري وش المعنـى وتذكـاره
يجوز انه طرف طيف لفى في نومة الحلمـان
سرى في داخل احساسه وتعدى عالي اسـواره
يجوز ان الحكي هذا طلاسم من شعر شيطـان
رسالة لوحدة تفهم وش الخافي مـن اسـراره
بـــقــــلــــــمــــــــي
-
][ شـاعــرة الزيــن ][
- معدل تقييم المستوى
- 19
الشاعر اخو هدلا
همس بوح راقي وحضور متوج بالعذوبه
صح الله لسانك رائعه من روائعك اشكرك
واشكر لك رقي تفاعلك معنا0
لك تقديري
-
][ ..شــاعــر مـمـيـز.. ][
- معدل تقييم المستوى
- 1
من اسراره
يا سلام يا اخو هدلا
جزله من جزل
صح لسانك حتى ترضا
لك
تحياتي الخالدة،،،
-
][ ..شــاعــر متمـكـن.. ][
- معدل تقييم المستوى
- 1
الله عليك ياخو هدلا
رائع
واصل الله يوفقك
احترامي وتقديري
-
أخو هدلا
رائعة بما حوت من معانٍ
صح لسانك و سلم حرف بنانك
سنكون بالمتابعة
احترامـي
:
دمع الزهر
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
مواقع النشر (المفضلة)