افتخر ويحق لي
[align=center] بسم الله الرحمن الرحيم
السلام عليكم ورحمة الله وبركاته
بدون مقدمات اترككم مع القصيده واتمنى تعجبكم:[/align]
[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الفخر للي يمر اسمي عليه ويرفعه=والفخر للي تلامس كف يمناه اليمين
افتخر ويحق لي واسمع وكني ماسمعه=من حكى فيني بلاش اقول ومن العايدين
افتخر والراس ثابت والايادي تمنعه=والرجا والخوف من ربي ورب العالمين
ماينقصني كلام اللاش والا الامعه=ولابغى يجرح شموخي ساعة اللعنه تحين
شاعر(ن) ماهان حرفه والجزاله مطمعه=والشعر لازال طيب دامني لسره امين
شاعر(ن) للشعر مبدى وحض منهو يتبعه=انسج حروف القوافي والخلايق نايمين
المراجل طبعنا والطيب حنا منبعه=لابتي من روس قوم(ن) من فعايلها تبين
لاغضبنا تغضب الدنيا وتركع خاضعه=ولارضينا نمسح الدمعه عن الخد الحزين
ولانصانا الضيف من زين المنايح نشبعه=نرخص الغالي ولانقدر نمد الا الثمين
والعدو نرميه وبنار الوقايد نصفعه=والصديق نعز مقداره ودوم مسالمين
قدرنا فوق النجوم ولاعلينا اقنعه=صفحة التاريخ تشهد فوووق والمولى يعين
هذي فكره عابره مرت وجدآ مسرعه=والا لو بكتب خذيت ايام وشهور وسنين
كل هذا عارفه والطيب مخلوق(ن) معه=والمعّرف لايعّرف شامخ(ن) وابيض جبين
بس نقطة ضعف شاعركم ومجرى مدمعه=له حبيب(ن) كل هذا الكون في بعده يشين
لابعد عني وربي كن قلبي يمزعه=له مكانه غير كل الناس واشواق وحنين
اننقش حبه بقلبي نقش حرف بمطبعه=وانكتب اسمه بدمعي فوق مجرى الوجنتين
ياحبيبي كان ماطاع الزمن والا طعه=وخل عنك عنادك وتابع دروب الغانمين
ومن شرى بالحب قلبك اشر والبايع بعه=ورّجع الماضي وخل العمر في قربك يزين
والكلام الي حفضته لي تعال وسمعه=واطرب الي دوم يتمناك تبقى له ضنين
ولم عمر(ن) بعثره بعدك وتكفى جمعه=واغتنم باقي سنيني قبل ماياتي اليقين
واخذها مني نصيحه حكيهم لاتسمعه=لا يردك عن هوى بالك كلام الحاسدين[/poem]
[align=center]وسلا متكم ،،،،،،
تحياتي:
المختلـــــــــــــــــــــــف[/align]
رد مع اقتباس
مواقع النشر (المفضلة)