تعجبني المرآة المتسترة والمحافظة على عفافها
وملتزمة بدينها
ويعجني الرجل اللي عند كلمته
3/ موقف مضحك وانت في أحد المحاضرات .؟
المواقف كثيرة بس بذكر لك آخر موقف ,,
المحاضرة كانت الساعة 2 الظهر وتنتهي 5 العصر
وجاي وانا وواحد من الشباب تونا متغدين من الرومانسيةورايقين
المهم ويبدأ الدكتور يشرح ويشرح > المادة رياضيات
وتعرفون هالمادة غثيثة شوي عاد وشلون المحاضرة مدتها 3 ساعات
المهم بنص المحاضرة ملينا شوي ,,
انا جالس وجنبي خويي اللي متغدي انا وياه
وواحد من الشباب يسأل الدكتور يقول له كييف .؟
قلت انا ,, كيف نخفي حبنا والشوق فااااضح :24ar: > غنيته اوخويي يقول وفي ملامحنا من اللهفة ملامح
والدكتور يضحك بقوة والطلاب كلهم ضحكوا :8ar:
قال ماشاء الله الطلاب رومانسيين خخخ
قلت لاوالله بس كنا سرحانين وذكرنا بالأغنية يوم قال كيف ,, والدكتور يضحك بقوةim22
4/ انت دايماً تحب تخلي دقنك كثير .. هل عندك نية التزام؟
إن شاء الله
اللي فوق مقدمة يعني لاتستانس بس كنت ابغاك تسخن ياحبيبي الدعوى باللي تحت
اخلص بس وهات اسئلتك
5/ على إنت تحب تسمع عبدالحليم حافظ .. ويقولون مايسمع عبدالحليم الا اللي يحب .. انت تحب؟
تصدق هالسؤال حلو أوله ونهايته بايخه
الفترة الحالية ,, لا ما أحب
6/ وش سر لقب أبو نورة؟
اخوي اللي أكبر مني يقولون له ابو فلان > على اسم ابوي
ويقولون لي نفس الشيء ,, الإسم صار مكرر لذلك حبيت اغير شوي وكلن يصير له لقب
واخترت ابونورة ,, نورة اللي هي أمي :24ar:
7/ هل صحيح انك لاحضرت مباراه للنصر مانخسر؟
ههههههههههههههه ايه وربي :8ar:
ولامباراة حضرتها للنصر وخسر
الموسم اللي فات النصر والهلال حضرت مباراة 2-2
والمباراة اللي فزنا فيها العصر
8/ آخر مقلب أكلته مِن من وكيف؟
من واحد من الشباب ..
اتصل علي وقال مسوين عشاء بالثمامة تعااال ويوصف لي المخيم
ويوم جيت الا المخيم فاضي
واتصل عليه مقفل جواله
عرفت انها مقلب ورحت للإستراحة الا الاقيه هناك واول ماشافني طاح يضحط
9/ علي أنت مرات تتكلم عن الجهاد وتقول لو يسمح لنا ولي الأمر رحنا .. لو تم السماح هل تذهب؟
أأأخ ياخالد تكفى لاتقهرني :(
والله لو يسمح للجهاد ويقول جاهدوا .. لأذهب
10/ هات لنا آخر مره انطقيت فيها من ابوك وليه؟
خخخخخ وش يبي هالسؤال
عاد تصدق ,, والله آخر مره ضربني فيها يوم كنت بأول ابتدائي
كنت بغيب وابوي يقول لا داوم واصيح واقول لا بغيب ,, ياولد ياعلي رح داوم وانا اقول لا .. وقسم ماحسيت بنفسي الا بآخر الدرج > حذفني حذف خخخخ im22
واول ماطحت من الدرج قمت وعلى طول للسيارة حتى ماتكلمت ههههههههه
ومن بعدها ولله الحمد ماعاد اغيب :8ar:
11/ تذكر اول ماتعلمت تسوق انت كيف تاخذ فوق تحت مع التقاطع كأنك تسوق تريله ههههههههههههههه ؟ قل لنا شوي من مغامراتك اول ماتعلمت السواقه
هههههههههههه الله يقطع ابليسك على هالأسئلة
كانت ايام جميلة وفيها أكشن ,,
أسرق السيارة ويكشفني ابوي
تدرون ليه .؟ انسى المكيف شغال ههههههههه
وش اقول ووش اخلي ياخالد ,,
اذكر انك كنت تجلس جنبي وتشجع خخخخخخ صديق سوء
12/ صفة حلوة فيك وصفة سيئة .؟
صفة حلوة : متسامح
صفة سيئة : عصبي
13/ ايام الثانوي .. انت سحبت على حصة القران وطلعت مع الصف اللي جنبا تلعب كورة .. وانكشفت وصارت سالفة فوق المشكلة الأولى وتعهداذكر السالفة؟
ههههههههههه ياخي انت ماتنسى im22
طال عمرك كانت علينا حصة قرآن والمدرس للحين ماجاء واطالع بالصف اللي جنبنا الا هم طالعين يلعبون كورة ,, وانا اصف معهم واسحب على حصة القران
جاء مدرس القرآن وبدأ يحضر ويوم وصل عند اسمي الا حاضر كل الحصص اللي فاتت الا حصته هو
قال وين علي .؟
واحد من الشباب على نياته قال يلعب كورة تحت
قال رح خله يجي ,, جاني الطالب وقال المدرس يبيك ,, قلت له طيب طيب
طبعاً سحبت عليه وكملت المباراة خخخ
لين نزل لي المدرس بنفسه وقال تعال ونطلع فوق للصف .. وادخل الصف انا وياه والطلاب كلهم يطالعون متحمسين
قال ليه تطلع .؟
قلت والله انت ماجيت واحسبك غايب وطلعت العب كورة معهم ,, قال المفروض كذا وكذا كلاام كثيرر ,,
يوم خلص قلت انا ان شاء الله المرة الجاية .. والطلاب يضحكون
قال تستهبل بعد رح للمدير وقل السالفة ,,
وانزل للمدير واقوله السالفة قال طيب الصف اللي جنبك من كان عندهم مدرس ,,
قلت فهد فشقة > فشقة طلعت معياره له موب اسم خخخخخخ وانا احسبه اسم ابوه
قال تتلفظ على زميلي قدامي ,, قلت اي زميل ,,
المدير كان عنده مدرسين وقال وش اسم المدرس عده لي .؟
قلت فهد فشقة والمدرسين يضحكون خخخ والمدير بنفسه ماسك الضحكه
قال اسمه فهد فلان فلان .. الزبده اني دريت انها معياره له خخخخخ
وقالي وقف برا بستدعي ولي أمرك ,, قلت ابوي موب فاضي لك .. تبي تدخلني الصف ولا اقضب الباب
قال وقف برا بس .. قلت طيب
واطلع فوق للصف بدخل .. المدرس رفض يدخلني > المدير اتصل عليه قال لاتدخله
واحاول فيه قال المدرس لا ,, قلت طيب عطني كتبي ,, قال اعذرني مقدر
قلت طيب فلان هات كتبي ..
واطلع واروح للبيت وانام وبكره اداوم ويعطوني تعهد لأنني تلفظت على مدرس :8ar:
14/ وش طموحك بالحياة؟
غير انك تنشب لي وغير انك تكسر الرقم القياسي وتنطق مليون كلمة بالثانية ماشاء الله عليك مدري شلون افهمكلامك انا im22
عميد جامعة الملك سعودim3
15 / تذكر اختبارات الثانوي كانت فلة صح؟ قل موقف من المواقف اللي صارت لنا في ذاك الوقت
خخخخخخخخ ياخي انت تبي تنشف ريقي وأنا صايم
والله المواقف كثيرة وريقي بينشف لو بذكر واحد منهن لذلك بقول أخفهن كلام
طبعاً كنا بالإختبارات قروب خماسي ,, محد يسوي برشامة الا يصورها ويوزعها للقروب
اذكر بإختبار الفيزياء دخلنا وكل واحد معه 20 برشامه
الكتاب كله ملخص بهالبراشيم خخخ
اللي بجد مت من الضحك اتصلت على واحد من القروب قلت ترى البراشيم
جاهزة عندي ,, قال حلوو
كم برشامه .؟ قلت بحدود 20 تقريباً
قلت صوتك وش فيه متغير .؟
قال توني صاحي من النوم
قلت ياولد هذا موب صوت فلان
الا هو يضحك هههههههههه انا اخوه الكبير ,,
انا ماعاد لي وجه خخخخخخ
ضحكت وقلت فلان وينه ,,
قال الله يوفقكم وبقول لفلان ان البراشيم معك خخخ طلع اخوه اغبر منه im22
مآبغينآ نخلص منكم , لآ تطلبون لقآء ثآني
فآصلة / مدآم الخير في شهر التمني
يآرب يكون الذنب أبعد لذآتي
نلتقي بإذن الله في ضيآفة أخرى :25ar:
[/cell][/tabletext]
مواقع النشر (المفضلة)