[poem=font="Simplified Arabic,4,black,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ياللي لك على الخلْق سلطـان
ياواحـدٍ كـل الخلايـق تهيـبـه
يا رافعٍ سبع على غيـر عمـدان
ياعالـم الدنيـا بيـانـه وغيـبـه
يابانيِن دينك على خمسـة اركـان
وأرسل رسوله للبشر تهتـدي بـه
ويا واحدٍ فوق المخاليق لك شـان
يا مْرَجعٍ يوسف عقب طول غيبـه
أرجيك حيث اللي ترجاك ربحـان
واللي رجا غيرك تـردّى نصيبـه
أسألك عفوك وامتانك و الإحسـان
وأسألك أنا عَطفٍ ولطفٍ وهَيبـه
ربي وأنا عبدك وعندي بك إيمـان
ما خش قلبي فيك شـكٍ و رَيبـه
ربي وأنا عبدك ترجّـاك شفقـان
أنت الذي مـن يطلبـك تستجيبـه
يا جاعلٍ للخيـر والشـر ميـزان
يا غافـر الـزلاّت سَتّـار عَيبـه
أدعيك وأنت مصوّر الأنس والجان
والنمل فوق القـاع تسمـع دبيبـه
أسألك في دنياي سترٍ على أيمـان
وأسألك أنا التسبيح عند المصيبـه
وألوذ بك يارب عن كـل شيطـان
وأعوذ بك عن الضَّيم هو الغليبـه
واليا خذيت الرّوح تاخذ بالإحسان
وتوسن يا صرت تحت النصيبـه
وأسألك أنا يارب رحمه وغفـران
في يوم ما ينفـع قريـبٍ قريبـه
في يوم ما ينفع قرايب ولا إخوان
يومٍ صغير السـن يغشـاه شيبـه
يومٍ عظيم فيـه رابـح وخسـران
أحدٍ سعيد الحـظ واحـدٍ بخيبـه
الناس حفيانـة شبـابٍ و شيبـان
كلٍ بنفسـه مـا يهمـه صحيبـه
من عظمة الأحداث زاغن الأذهان
كلٍ يشوف بعينـه أشيـاءٍ غريبـه
يارب ياللى خالقٍ كـل مـا كـان
تعطي ليا من العرب شـح جيبـه
أسألك أنا الجنة وطالبك رضـوان
وتفكني مـن نـار يشعـق لهيبـه
وتجعل لنا مع صفوة الخلق مسكان
يـا شافـيٍ جـرحٍ تعذرطبيـبـه
وصلاة ربي عد مـا كايـنٍ كـان
على رسـولٍ سنتـه نقتـدي بـه [/poem]
مواقع النشر (المفضلة)