ارفـــــــع مقــــــــامك

[al-shmaly]

روس ٍ بلا شيمه عساها للآفات
يلعب بها الشيطان في كل وادي

من لا كسَب " نعم ٍ " حُسِب بين الاموات
ميّت وهو حيّ ٍ بها ما استفادي

ومن طاب فالأقراب جَو له عوانات
ساروا على دربٍ يسرّ الفؤادي

الوصل فالأقراب عدل ومواسات
طولة عمر يبراه عنبر وكادي

ومن رافق الطيّب صعَد للمنيفات
بالصدر دايم له غزال الشدادي

ومن لا تحلى بالصبر عند الازمات
ما نال مطلوبه ولا يوم فادي

ومن طاول أطول منه عاش بمتاهات
راوح محله بين حلم ودوادي

وترى الكريم معان ما فيه شكـّات
يبذل .. ويخلفها عظيم ٍ جوادي

ومن لا يعرّب منسبه شاف ويلات
شاف الردا فالخال وابن الزهادي

ومن لا خذا بنت الرجال المسمّات
ما جا بصِيبه من يردّ المعادي

ومن لا برَك للحمل ما فقـد لا مات
قالوا له ربوعه : مَراح الجرادي

ومن وخـءذ حقه غصب ماهي مروّات
وَلا طرَد به ...لبّسوه السوادي

المرجله صبر ٍ حميدٍ وفزعات
لا جاك ضيف الليل حاديه حادي

ومن لا يشاور فالأمور الصعيبات
أفلس ولا يمكن يحقـّق مرادي

ومن غرّته دنياه صكـّتـه لوعات
تقفـّـته غبر الليالي عوادي

ومن لا يداري في زمان المدارات
تسهجه بقعا والتوابع هَجادي

ومن ساءت أخلاقه على الناس .. هيهات
يُرفع مقامه بين حضـر وبوادي

ومن يرضي الشيبان يبشر بجنات
وعدٍ من الرحمن ربّ العبادي

وأخـَير من هذا عباده وطاعات
للي خلق سُودٍ قفاه جدادي

[حفـــ الزيرــيد]

[align=center]بسم الله الرحمن الرحيم
الله الله يالشمـالـي
صح السانك ولاهنت يالغلا ونعم فيك

ونعم بالجمـــــيع

أبيات بقمـة الروعه تسلم يمناكـ

ويسلم بوحكـ وقلمــكـ على تسطير هذي الحروف المضيئة

في سماء المعـــــــــــــــــــنى الراااااقي والعذب

وتقبل تحياااتي

أخوكـ

حفـــــــــــــــــــــ الزيرــيد[/align]

[لحن ألمشآعر]

أخوي
shmaly




الله عليك يالغالي وعلى هالإبدااااع
تسلم يمينك ياتاج راسي لاعدمتك ولاعدمت وجود حرفك المتميز


تقبل تحيتي وتقديري مع إنتضار جديدكـ ألمتميز



أخوكـ



سلمان المطيري ( لحن ألمشآعر )
دمـتـ لـنـا
بـخـيـر

[نواف السعدوني]

اخوي الشمالي لاهنت ولاهاان نقلك

تحياتي

شــاعر مشاعر

[!¦[ssسعــــــودss]¦!]

لاهنت يآ الشمـآلــــي .. صح لسانك وذووقك المميز في النقل


تحيـآتـي