الضلع العـوج
أليكـن جميعـا يابنـات حـواء
شوف دامك في نظر عيني صغير
مايكبـرك التغـلـي.. والغـنـج
واستثير ان كان قصدك..تستثيـر
الشعـور اللـي نويتـه ماخلـج
واعتبرني فـي تقاليـدي اسيـر
لـو تسميهـا.. تقاليـد الهمـج
صرت عندي مثل تعذيب الضميـر
كل ما أرقابـك درج..تنـزل درج
كنت اشوفك خير..لكن مانت خير
والصراحه..ماورى وجهك فـرج
كني الشاهد علـى جـرم الاميـر
كـل ماقلولـه: اهرج..مـاهـرج
خايفً يجلب لـه الشـر الكثيـر
شي في قلـب المواطـن مـدرج
خايفً بكره علـى راسـه يطيـر
وماعلـى فعـل الكباريـه حـرج
والله اني معك طايح وسـط بيـر
زجني لك حظـي المقـرود..زج
ما اقدر اتكلم واشوفـك ماتجيـر
فيك بـرد الكـون كلـه ممتـزج
انت ورده.. بس ينقصك العبيـر
ومن كثر ماطولت..لونـه سمـج
كيف اعدل فيـك يالسـم المريـر
وانت مخلوقً من الضلع العـوج
ايه اعرفك لكن اللي فيـك غيـر
شـي خارجلـي وشيً..ماخـرج
صح فيك الزين منقطـع النظيـر
والحرير اللي على ردفـك زلـج
ووجهك المستور بالخام الغزيـر
كيـف بتحمـل جمالـه لا بـرج
وجبهتك فيها من النـور المنيـر
والحجاج هلال..وعيونـك دعـج
دعج عين وحور والخشم الشطير
والخدود اللي بها الخوخ انتسـج
وشامةً بالخـد الايسـر تستديـر
شفت فيها اللون الاسود مندمـج
والشفايف بالكرز روح ومصيـر
ورصت اللولو على اللولو..وهج
فلسفه مع سحر صوت وعنق طير
مخلبه لافج..صـدق انـه يفـج
والصدر رمانتيـن وشـد سيـر
والخصر منحوت وردوفـك تـرج
وساق يوزن خطوتك لامن تسيـر
ماتميل وفـوق هـذا بـك رجـج
وليلة ماكنت اشـك انـه تصيـر
مدري الله يغفره لاجيـت احـج؟؟
ورغم هذا هيئتك فـي زمهريـر
تنصلـي بالنـار ماتقـدر تهـج
مانقول انك كفـرت ومت..ميـر
للاسـف مـن قولنـا لا تنزعـج
الحمير الوحـش معروفه..حميـر
والعرج بين على مشيـه عـرج
والسلام معطر بالعـود والعنبـر
فـصــيــل الـصــعــب
تك تك
رد مع اقتباس
مواقع النشر (المفضلة)