السلام عليكم ياشباب ويا بنات
والله وربي يشهد احس انكم اصدقاء اخوان زملاء...
لذلك حبيتكم تشاركوني كلام جال بخاطري البارح....
وحبيت تفكرون فيه زي ما فكرت فيه وانشالله اكثر بعد وتستفيدون منه يارب...
البارح دخلت غرفتي وكأن سمعت احد يناديني...
والتفت يم الصوت لكن مافي أحد...
مافيه غير وجهي بالمرايه... واستغربت وجهي ...... احسه متغير...
دققت في وجهي اكثر واكثر وكأن فيه واحد في نفسي قاعد يكلمني يقول...
ضيعت عليك أحلى أيام الدنيا وأعظمها عند الله..
كنت ناوي تحج ومرضت وماقدرت بس ليش ضيعت يوم عرفه وصيامه؟؟
ياحليلك اول مع جدك تروح للمسجد وتصلي وانت صغير وتصوم معه وتفطر معه وتتعبد معه....
يعني عشان جدك مات ....تضيع الي تعلمته منه؟؟؟؟!!!!
اقسم بالله ياشباب ان هذا الشي صارلي البارح وكأن فيه واحد فعلا يكلمني....
بس انا فكرت وقلت ماضيعت صيام عرفه...
بالعكس انا صمته... ومتأكد اني صمته ....
وبعد طول تفكير تذكرت اني صمته صيام أكل وشرب بس هذاك اليوم كنت جالس اتفرج على مسلسل مصري كله رقص وكلام فاضي قبل الفطور بشوي...
ماكان على بالي هالشي...
خفت والله خفت....
فكرت أكثر في أيام الحج الي راحت ...
ياربي وش سويت انا بذيك الايام؟!!!!!!
على طول مشغل ام بي سي اف ام.... وعلى الدش ...... ومايخفاكم الدش وش فيه من اغاني وفيديو كليب ومسلسلات....
لهالدرجه صرت فاهي وماني منتبه ولا مركز؟!!!!!!!
لهالدرجة تعودت الاشياء هذي وماصارت تفرق عندي في أيام فضيله الا ايام عاديه؟!!!!!
لهالدرجه صار الدين بارد بدمي ؟؟؟!!!!
يعني أصلي وأقول انا مسلم؟؟؟؟؟؟؟؟!!!!!!!!!!
طيب وين حقوق ربي علي؟؟؟!!!
وين حقوق الاسلام علي؟؟!!!
وين حقوق نفسي علي؟؟!!!!!!
وين.. وين....وين...وين!!!!!
يالله طيب ورمضان قبلهم وين كنت وقتها قبل الفطور اطالع الدش احتريه يأذن....
كنت اقرا قرآن الحمدلله ومحافظ على التهجد والتراويح...
بس وين بعد رمضان؟؟؟؟
اصلي وبس؟؟؟؟؟
حنا بآخر الزمان والشي هذا مايخفى على احد... بس ليش ما احاول اجمع شوية حسنات توقيني من نار جهنم؟؟؟!!!
شباب بكل أسف انا ضيعت سنتين من عمري من توفى جدي وانا صرت بارد في الدين طيب لييييييييييييييش؟!!!!
لهالدرجة انا اعتبر نفسي مسلم وانا بس اقرا قرآن في يوم الجمعه وفي وسط الاسبوع (احيانا ) وأصلي الفرض واقول خلاص؟؟؟!!!!
ياويلي من ربي .....
ياكثر ماحنا مقصرين وابليس مسيطر علينا.....
كل هالكلام واكثر دار بخاطري وانا اشوف وجهي في المرايه......
وماوعيت بنفسي الا ودموعي مغرقتني والهم راكبني وعاهدت ربي اني بقدر ما استطيع ما اقصر بحقه علي...
نصيحه ياشباب كل واحد يطالع وجهه بالمرايه ويفكر وش سوا برمضان وبعده..
ووش سوا بايام الحج وبيوم عرفه وبعدهم....
راح يدري انه ضيع الي كان يجمعه بذيك الايام...
هالكلام المفروض ما اقوله لأحد بس وربي قلته لكم لأني اعتبركم اخوان واصدقاء وابي انصحكم وافيدكم....
ومره ثانيه اقول لكم طالعوا وجيهكم بالمرايه وفكروا وش سويتوا بذيك الايام وليه ضيعتوها....
ادعولي تكفون.....
وألعنوا إبلييييييييييييييييييس ألف لعنه...
تحياتي للجميع ودمتم....
مواقع النشر (المفضلة)