![][ هـــذا انـــا . . . ][ غير متصل](images/statusicon/user-offline.png)
موقف وسوال في نفس الوقت
السلام عليكم ورحمة الله وبركاته
انا طرحت هذا الموضوع والمقصد منه ان اللي في الخارج يعتنون بمقابرهم ليه ؟؟
انا مدري انا اسالكم اصلا
المهم خذو قصتي انا ووجهي كنت رايح فرنسا انا ووجهي اول مره اطلع من الديره
رايح لفرنسا لعلاج المهم هذاك اليوم كان معي واحد من اخواني
كان نايم قلت انا لازم اطلع واتفلسف على اللي برى وانا ما اعرف انجليزي بعد كيف عاد الفرنسي ما غير يبخبسون المهم نزلت ومسوي فاهم انا وجهي اني بعرف اكلمهم واسير نفسي اول شي طلعت ومتخشخ ولابس بدله ورحت لشارع اسمه
والله ما اعرف اكتبه بس بحاول اسمه ((( شانزيليزيه))) كنت اسميه انا ووجهي شنزنزيه
المهم رحت واشو العرب هناك ما كنهم في السعوديه لا فيه عبيات ولا غطاوي واذا عرفو اني سعودي تغطو واذا ماني سعودي ما يتغطون
ليه اللي برى لهم رب وحنا لا ههههههههه
المهم رحت عند مقبره وانا والله ما ادري انها مقبره والا ما فكرت ادخلها المهم انا شفت فيها الخضار اللي يسر الخاطر وافرش فرشتي واقعد انا ووجهي
واصب القهوه جايب الدله معي وقشي وغراضي المهم اليامي يغني ويجر الصوت الا وذاك الرجال الاحمر العير جاني وما غير يتكلم من الكلام غير مالوف لدي
وانا ما شفته الا وانا رابظ قلت يا بيقتلني والا بقتله المهم ربي طيحني في مصري من السفاره كان مار وشافني انا وياه هو يهاوشني وانا مدري وش يقول
جاني المصري وش فيه وش فيه وانا اقوله ابعد البليه ذا لا اذبحه
شوي قام يتكلم معه المصري وجاء يكلمني المصري يقول لي انت تدري وين انت
قلت انا وين قال في مقبره قلت اعووووووووووذ بالله
وما شاف الا غبرتي ها مقوف صار لي
فاستغربة قلت الحين هم ليه يهتمون في مقابرهم ولا يهتمون بانفسهم؟؟؟؟
ترى الحين صرت اتكلم فرنسي
بنسور .... مغسي
فيصل اليامي
مواقع النشر (المفضلة)