شباااااااب وشاباااات تعالوا وفضفضوا
بسم الله الرحمن الرحيم
السلام عليكم ورحمة الله وبركاته
هذا موضوع شفته في أحد المنتديات وعجبتني فكرته وقلت خلني أشوف بتعجبكم الفكرة والا لا :frown:
فكرة الموضوع
أي شي يصير لك في يومك تجي وتسدحه لنا هنا كل يوم
سواءاً كان محزن ،، مفرح ،، مضحك ،، مشكلة صعبة واجهتك ،، أي شي وتبغى تقوله تعال وأسدحه فيذا..
أو حتى شي كنت تتمنى أنه يصير وماصار...
بغض النظر عن جدية هالشي أو سخافته المهم المشاركة...
والفايدة من هالفكرة هي المتعة والتسلية ومشاركة الأعضاء بعضهم ببعض في أفراحهم وأحزانهم وضحكاتهم ومواقفهم وإذا واحد صار له موقف معين ومايعرف كيف يتصرف يجي يطرح الموقف هنا ويلقى الفايدة إن شاء الله
والفايدة الأهم في هالفكرة هي ترابط الأعضاء بعضهم مع بعض
هذي الفكرة وهذا الموضوع وإن شاء الله تعجبكم
وببدأ انا
اليوم انا كنت مواعد واحد الساعة 7 الصبح بضبط له شغله وراحت علي نومه وسحبت عليه
وصحيت الساعة تسع ونص مفزووووع لأني نسيت موعد الرجال،،
دقيت عليه أبي أعتذر منه على تأخري ،،
يوم رد علي الا هو نايم وانا صحيته قال : هلا والله معليش ياخي وربي راحت علي نومه وينك فيه؟!
انا عاد استغليت الموقف وسويت نفسي معصب وقلت : وش الكلام هذا تواعدني الساعة سبع وانا لي ساعتين ونص أحتريك وتسحب علي؟!! فاضيلك انا ،، ماعندي شغل ولا وراي شي الا انت؟!!
قال: انا آسف خلاص بقوم الحين وبجيك
قلت بكل نذاله وخبث : لا أشوفك الحين فقعت وجهك ،، انا معصب حدي نتقابل بعد الظهر أحسن أكون روقت شوي
قال : خلاص خلاص اوكي أبشر
قلت : يالله سلام
وأقعد شوي الا هو يرسلي رسالة انا آسف يابوعابد والله راحت علي نومه ياخي لاتصير زعول ترى النوم سلطان
وانا فاااااااااااااااااقع ضحك عليه
طبعاً هذا خويي أمون عليه مره ودايم نسوي في بعض حركات ومقالب
وإذا تقابلنا الظهر بعلمه بالصدق وبشوف وش بيسوي
لووووووووووووووول
وهذا موقف صار وحكيته لكم
عاد لا تفشلوني وأبغى مشاركات من الكل
مواقع النشر (المفضلة)