!!!... ( متنْ السفيـنـــه ) ...!!!

[عااااشق صبر]

اتمني يناال اعجاابكم ..

ياساعتي لو مات نبـض المواقيـت
وقـت الفـرح تكفيـن.. لاتنكرينـه
من عام مابيّـن ولـو بـان سجيـت
يبيـن لـي لحظـه وثـم تسرقينـه
يامـا مـن دلال التعاسـه تقهويـت
وفنجـال فرحـي لالفـى تاخذينـه
ياساعتي واللوم مَبني علـى (ليـت)
وياليـت حلـم وأعتقـد.. تعرفينـه
حلمي لقا اللي بعدهـا مـا تهنيـت
النـوم جافـي والليـالـي تعيـنـه
بنتٍ لها بيـن الحنايـا (ميـة بيـت)
يعني لها في جوف صدري ( مدينه)
سكانها من يوم راحت.. (عفاريـت)
صارت خراب ومن بَعَدهـا حزينـه
في كل بيت بجوف صدري لها صيت
( الحاكمه../ وام البلد../ والسجينه )
احيا واموت الفين مـرّه ليـا جيـت
حبلٍ معه وادعـت (متـن السفينـه)
ياما كتمت اشـواق قلبـي وهلّيـت
دمعٍ تَـرَك (صكّـات بقعـا) لعينـه
ياما بكيـت مـن القهـر ماتباكيـت
( ودمع العزيز بعين ربعه غبينـه )
الضيم مجرم والمشاعـر طواغيـت
والدمـع والـي والسعـاده رهينـه
من يوم راحـت بالهـوى ماتمنيـت
الا الحيـاة بـدون بنـت وخديـنـه
مليـت عمـري والدفاتـر ومليـت
ضحكٍ يجي من دون صدقٍ وزينـه
كن البشـر قـدام عينـي (توابيـت)
سـودٍ تنـادي للنَفَـسْ قبـل حينـه
اوحيت لكن من همومي فلا اوحيـت
عندي تسـاوى كـل زينـه وشينـه
ان غنّت الورقى على الغصن غنيت
صـوتٍ يغشّـي بالشقـى سامعينـه
الليـل (ياليلـي) تعاسـه وتشتيـت
والصبح ينهـش بالخفـوق ويهينـه
(ياساعتي) لو مات نبض المواقيـت
فرحـي فديتـك للحشـا تتركيـنـه
من يـوم راحـت غايتـي ماتهنيـت
القلـب تايـه.. والدقايـق حزيـنـه
احيا واموت الفين مـره ليـا جيـت
حبل ٍ معه وادعت (متـن السفينـه)





للشاعر
عبدالعزيز الدهمشــــي ..
__________________

[][ssسعـــــــودss][]

صـح لسـآنك وصح لسـآن شآعرهـآ ... قصيـده جزلــه ... لا هنت على النقـل عآشق ...


تحيآتــي

[عااااشق صبر]

سعود

هلابك

والله نورتني بتشريفك ..

ولاهنت