[align=center]العين تنعس لكن القلب واعي
والنار شبّت بالخفايا / شموعي
……
مليّت ابطوي بالهزيمه شراعي
اشبع قهر كان الخلايق / تجوعي
……
ماكنيّ الا بين الاوهام ساعي
في مملكة حزن المؤبد / قنوعي
……
استكثر البسمه على كل داعي
لاوقفت دون السعاده / دموعي
……
لو الذي هز المشاعر يراعي
ماكنت اواسي بالزوايا / هجوعي
……
ماكلت هميّ وانتثر كيل صاعي
إلا وروحي بالموده / تروعي
……
وماكل ضيق ٍ بالضماير يطاعي
إلا على نفس الضرير / الجزوعي
……
حيران اشكل بالدفاتر ضياعي
بااول حروف ٍ للقوافي / تفوعي
……
ارسم بها ياقمة الوصف قاعي
لاقمت اناشد بالمسافه / رجوعي
……
ياطير يالليّ ماتوسد ذراعي
ليتك تفاهم مع خلايا / طبوعي
……
تعال وصالح بالموده نزاعي
ارجوك تِـسقي بالمواصل / جذوعي
……
مادمت تدريّ في سبايب ضياعي
ياسيّديّ خلك من اليوم / طوّعي
……
مليّت ابفصخ من غرامك قناعي
يابنت مانيّ بالمذاهب / يسوعي
……
وان كانها طالت فلا فيه داعي
اشبع قهر يوم الخلايق / تجوعي
……[/align]
مواقع النشر (المفضلة)