-
... عضو مـاسي ...
- معدل تقييم المستوى
- 2
مــــاأعــــرف وش يـــعـــنــــي ســـنـــايـــدي ..؟؟
الــســلام عــلــيــكــم ورحــمـــة الــلـــه وبــركــاتـــه
لما كنت في ثاني ثانوي كان لي صديقة ماشاءالله اهي وأختها بين احدعشر ولد وبحكم كثرتهم كانت تعرف حاجات كثيرة عن الشباب وحركاتهم وحكيهم وتفهم في السيارات وكان دايما على لسانها كلمة
ســـنـــــايدي .. ؟؟
أنا ماكنت أعرف معناها وكنت فاهمه انه سبه يعني لما تقول عن شخص انه سنايدي يعني انه مش ولا بد <<<< دلخة أدري ..
ومره عصبت على واحد من اخواني وعلى بالي بقهره وبصيحه
قلت وبكامل ثقتي يا الســـنــــايدي ...
طبعا أخوي استانس وجلس يضحك ويقول الله يسلمك اني داري
أنا عصبت زيادة وقلت :: يعني مبسوط انك سنايدي يالخبل .!!
قال :: أكيد مبسوط تمدحيني وماتبغيني أنبسط
ايش مين مدحك أنت ووجهك أنا أقولك انت سنايدي أصير مادحتك
قال :: طبعاً
وبعدها اكتشفت ان سنايدي يعني انك كفو وراعيها وتكانة
اللي ذكرني بهالسالفة الكلمات الجديدة والغريبة اللي صارت منتشرة الحين بين جيل الشباب
مع اني ماني ملمة فيها وثقافتي في هالنوع من الكلمات شبه معدوم
بس اللي مر علي مثل
تلايط
دزها
مهايطي
قروشتني
مترايش
هلاس
ومو كلها أعرف معناها يعني
تلايط .. أظن زي اقلب وجهك
دزها ..؟؟؟ جاري البحث عن معناها
مهايطي .. اللي مايعرف غير الكلام ولا جا الفعل ماعندك أحد
قروشتني .. في اعتقادي يعني أربكتني
مترايش .. شايف حاله أو مغرور
هلاس .. أتوقع كذاب
في كلمة توي سامعتها من اسبوعين وصراحة تعجبت وماصدقت بعد
لما الرجال يطول شعره اللي جنب اذنه يصير مسوي
ســــــــوالف .. <<<< ههههههههه
معليش أي سوالف والله للحين مو مصدقة حتى لما قالتلي صديقتي
سألت أخوي عشان أتأكد
عليكم حركات ياذا الشباب
المهم بحكم اني بنت قليلة الكلمات اللي ذكرتها
وأكيد في غيرها كثير .. عشان كذا أطلب من الشباب تزويدي بالكلمات
اللي ماأعرفها مع بيان معناها عشان ماتوهقونا
بس عندي سؤال ..
من فين جت هالكلمات .. مين مألفها ..؟؟
انـــتــــــــهـــــــــى
ودمتم سنايدية
-
... عضو مـاسي ...
- معدل تقييم المستوى
- 2
هلا والله بك اختـــي
وانا علمي علمج والله مدري وهالكلمه اللي قلتيها
سنايدي
اول مرررررررره اسمعها بصراحه
ان شالله البعض يردووووووووووون عليج
-
? What Can I Do
- معدل تقييم المستوى
- 13
هههههههههههههههههههههههههههههههه
الله يصلح قلبك يا أنشودة المطر وربي ضحكتيني
بقولك معنى بعض الكلمات وأزيدك منها عشان تنتهبن مره ثانية
تلايط >>>>>> يعني أخرس بالمصري وبلهجتنا يقولون أنطم
دزها >>>>>>>> يعني رووووووح مثلاً لما واحد يقول لخويه ياخي ودي أسافر الشرقيه وش رايك تخاويني؟؟ يرد عليه خويه ويقول دزها يالسنايدي والله ماأردها في خاطرك
مهايطي>>>>هذا الي يتكلم عن بطولات وحاجات مسويها وهو ماعنده الا الدجة أو مثلا يعزم شلته في مطعم خمس نجوم وهو أطفر من خلق ربي
قروشتني >>>>>يعني أقلقتني وتجي أحياناً بمعنى أربكتني
مترايش >>>>>>رافع خشمه وشايف أن محد قده
هلاس >>>>>>>يعني فقااااااااش نصااااااااااب بقووووووووووه
وبزيدك من بعض الكلمات مثلاً
ترتر >>>>>> يعني ولد ناعم ومسوي زي البنات
سبهلله >>>>>> يعني على قولة اخواننا المصريين هي الدنيا سايبه
حنكش >>>>>>> يعني عربجي
شنب >>>>>>> يعني كفو
هذا الي يحضرني من كلمات اللحين
ومشكووووووووووووووووووووووورة على موضوعك الطريف
دمتي في حفظ الله يالسنايدية
-
كبآآر الشخصيآت
- معدل تقييم المستوى
- 31
ترتر >>>>>> يعني ولد ناعم ومسوي زي البنات
ههههههههههههههههههههههه
جنون انسان احنا عندنا ترتر
اللي يحطوه في الفساتين يطلع لمعة
وربي عليكم كلمات عجيبة غريبة
اول مرة اسمعها
سوولنا قاموس عشان نفهمكم
مشكوووورة انشودة المطر
اختك
نورمينــــــــــا
-
... V I P...
- معدل تقييم المستوى
- 10
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
مواقع النشر (المفضلة)