عند اللفة قهوة وهاذي القهوة انا حاط فيها
أجهزتي الخاصة من تصنت وكاميرات علشان اسمع كل شيء
<<<== خطير مايلعب ( إيه هين كثر منها بس )
المووهم ومررة كان فيها واااحد دب وواااااحد نحيييييف وشكلهم وسيعين صدر مررة
ودار بينهم كلام جذبني قلت اكتبه وانزله ::
7
7
7
7
7
النحيف: وينك يالدب سمعت انك متنكر وموقف في الشارع والعالم يدورون حواليك يحسبونك دوار ههههههههههههه
الدب: لا ياجنط أنا اللي سمعت انك متنكر وخاش مكتبه وقاعد على أساس انك قلم رصاص
النحيف: يا رجال والله لو تصبغ جوانبك اسود وظهرك اصفر صرت كانك حراثه هههههههههههههههههههه
الدب: الحين من زين جسمك والا نسيت يوم طلعنا البر ونمت على طعس بغى يدعسك ونيت يحسبك حيه ( أم جنيب )
النحيف: ابحلف بالله انت وجسمك انك لو تنسدح على جنبك اليسر وترفع يدك اليمنى صرت كانك عفريتة قلابي
الدب: قووووووية هاهاهاه لكن شكلك نسيت يوم تمرض وتروح الدكتور وقال نبي نسوي لك أشعة x قال مايحتاج وحطك على لمبة المكتب وشاف وش اللي فيك
النحيف: يارجال خلهم يشوفونك لين جيت تركب السياره دهنت جوانبك بفازلين علشان تزرق في السياره وأنا غاسل يدي منك
الدب: ايه ولين ركبت جنبي قمت أعشق فيك احسبك القير مدري الجلنط من نحفك
النحيف:أقول أها بس أهاا من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص
الدب: اقول الحين متميلح نفسك انت وعصاقيلك اجل تبيني اصير مثلك لين جاء هواء طقوا اهلك في ثوبك مسمار في الارض يخافون عليك تطير
النحيف: تدري كل ماشفتك يالنفيخه تذكرت رجال كفرات ميشلان اللي في الدعايه كع كع كع كع كع
الدب: تصدق بالله لو تمر من جنب جيب الدوريات انك تشوش على جهازهم كنك أنتل
النحيف: مسكين والله لو افصخك ثوبك وفنليتك واجلسك على الارض في الصين يعبدونك يحسبونك بوذا
الدب: ماشفت نفسك وانت واقف ترى رجليك ساق بدون ركبة
النحيف: اقول سمعت ان اهلك يروشونك في الحوش بمكانس من كبرك
الدب: انا سامع انك تتروش بالمغسلة
النحيف: انا سمعت انهم صوروك يبون يطلعون لك جواز وحطو صورتك وكتبو تحتها يتبع في الصفحة الاخرى
الدب: انا سمعتانهم صوروك 4 في 6 طلعت كلك
النحيف: انا سمعت انك اذا بغيت تركض تنسدح وتتدربا على جنبك اسرع لك
الدب: اقول رح بس وراك انت ووجهك كنه مكان بريك سيكل
النحيف: ههههه ضحكتني انت وخدودك كنها دف طقاقه
الدب: اقول شف شكلك ريال بيد بزر
النحيف:: شف سنونك كنها طلاب ثالثه جيم واقفين عند مقصف
الدب: عاد منزين سنونك كنها ضغاطات مسجل صناعه صينيه
^
^
^
^
والله انهم زاحفين منسمين بالحيل<<== حلوة بالحيل
يلا كل وااااااحد يقولي هو مع مييين
الدب وإلا النحيف
أبو شحوم وإلا أبو عصقول
أم شحوم وإلا أم عصقول <<< ههههههههاي يمزززح
وهنا سكرت الأجهزة لأنهم سكروا هالقهوة ...
هع ..هع .. هع
مواقع النشر (المفضلة)