يا ناشد عن حالتي ترى ماني بخير இ
لك وحشة
لك وحشه ماهي مثل باقي الناس
لو افقدك ساعة تذكرتك سنين
احس في حبك ولا غيرك احساس
انت الوحيد اللي ملا ناظر العين
شوقي ترى ماله حدود ومقياس
من وين أببدي سيرة الحب من وين
حبك ولا... مثله ملا العين والراس
ولا فيه مثلك يشبهك ناس حلوين
هزتني الذكرى
هزتني الذكرى لذيك الليالي
واحترت من كثر العنا والتفاكير
البارحة بالليل ياما جرالي
هم وتعذيب وجور وتكدير
أسهر ولكني وحيد لحالي
واكتب وأنا كلي حروف وتعابير
الصاحب المملوح شد الرحالي
اقفي وخلاني على حامي الكير
عقب الوفا والحب ضاع الوصالي
يا ناشد عن حالتي ترى ماني بخير
الغـايـبـه!!
حبيبتي دمعي من العين سكاب
وجروح قلبي من العنا تشتكيني
لا يابعد كل القرايب والأصحاب
مشارك روحي غلا والديني
لو الدموع ترد بالحب من غاب
سكبت دمعاتي (مطر) يا ضنيني
يفتح بوجهي باب وتتسكر أبواب
ومالي سواك أبواب يا نور عيني
احس بك طعم الفرح بين الأحباب
وسعادة اللي من الشقا منتهيني
يا غايبة غبتي وانا منك منصاب
ارجوك شوفي حالتي وارحميني
اليـــوم
يا عين لو تبكين ليلك مع اليوم
كثر البكايا يا عين ما رد غالي
يا عين هذا أمر من الله مقسوم
وكم من صديق نزحته الليالي
شخص بكا بالحب ما هو بمليوم
وهذا الهوى تمشيه كل الرجالي
الـحـــال
روفي بحال من غرامك تشقا
يا أم العيون اللي هدبها مظاليل
وش بعد صبري ياحياتي تبقا
والحب كله ياعيوني غرابيل
وإن كان تحسب مستواكم ترقا
تاقع طيور الجو ما تاصل سهيل
الـعــام
لا تجرحيني جرحك العام ما طاب
داوي بحنانك ما مضى واجرحيني
ياللي حنانك نظرة بين الأهداب
ردي علي بعض العزا ناظريني
خافي على قلب يحبك إلا ذاب
يفقد معاني لوعته والحنيني
يا قــــلـــب
يا قلب جرحك سبته من طبيبك
يا قلب ليتك بالوفا ما تماديت
تركتني واقفيت ربي حسيبك
ماتعرف الرحمة بقلب توليت
وش فايدة لاقلت عني حبيبك
وانت بحياتي يوم ما ظن حبيب
أوراق
مداد القلم والفكر والشعر والأوراق
ونزف ظهر للناس.. مع نزفي الخافي
ودمعة عنيدة ترفض تغادر الأحداق
اثربه دموع تشاف.. ودموع ما تشافي
ظـلال
غديت مثـل (العود) مشراه غالي
وغلاه لجله يحرقـونه على النار
تشوف – دخان يجي له_ ظلال
ويروح كنه مـــا تكون ولا صـار
طاح تمثالك
تغلى واجرح بقلبي وزيد الجرح وتغلى
وشوف شلون لاكثرت جروحك ويش يبقالك
عرفتك من عمر وانت بجروحي دوم تتسلى
صبرت ولا نفع صبري معاك وطال منوالك
أنا لوما غلاك اللي جبرني فيك وتحلى
بوسعة صدر خليتك على فالك على فالك
أبي يما تبادلني الغلا والحب ذا ولى
ترى ماعاد في قلب يبيك ولا يبي وصالك
مشـاعر
كن خيل المشــاعر في يدينه عبـيـد
ماوهن عزمها لعيون خيالها
في بحر حبه أرسيت الأماني قصيد
يلتطم في شديد الموج موالها
كـــلام
طالع العـشـاق ناس مـشـتقين
كل واحـد شـايل بقـلبـه شــقاه
ذاك خايف من كلام الحاسدين
وهذا متشفـق على خلن نساه
اكتشفت الحقيقة!!
الصورة اللي راسمتها بعيني
مزعتها يوم اكتشفت الحقيقه
لا واخسارة حطمتني سنيني
عيشت قلبي في عذاب وضيقه
كنت أحسبك ليه.. ومني وفيني
لا ماتوقعتك.. كذا بهالطريقه
مثلك أناني مايعرف الحنيني
لو تشتعل في قلب خله حريقه
عقله صغير وفي محبته شيني
يموت لو ماخان يوم بصديقه
ماهو كفو ينقاله ياضنيني
نشف لي ريقي.. نشف الله ريقه
والا انا مشاعري تحتويني
واملك بقانون المحبة وثيقة
والحين مابه شي بينك وبيني
كلا عسى الله... يسعده في طريقه
باب الزعل
جاك الخطى مني ولاهوب مقصود
أرجوك سـامـحني وقدر ظروفي
وباب الزعل خله على طول مسـدود
وانت الحبيب إللي بحـالي يروفي
والمشكلة حظي معك دوم مقرود
ياكثر ماحاتي وياكـثر خوفي
غـيرك لب منه غاب ماهوب مفقود
لكن فراقك يحـتـرق منه جوفـي
ما أبيك تندم لاكلا جسمـي الدود
ولا ودي تزيد الحسـايف حسوفي
وختامها ياالله يا خيـر معبـود
تحفظ لنا المجمول زين الوصوفي
مواقع النشر (المفضلة)