[mark=000000]في البدايه احب اهنئكم بحلول عيد الفطر المبارك كل عام وانتم بخير
وكل من يعز عليكم بألف صحه وعافيه[/mark].
مناسبة الموضوع مثل ماقريتو العيديه
وتعرفون اكيد ان لنا ذكريات حلوه مع العيد وخصوصا العيديه
وعلى كثر ماتروح تعيد الأقارب والأصحاب
في من يعطيك خمسه وعشره وميه ومرات اكثر
اذكر اول عيديه اخذها ولدي فيصل
من امي الله يحفظها ويخليها لي كانت خمس مية ريال والبزر دوبه مكمل سنه وكان
يلعب فيها وانا على اعصابي لايشقها قالت هذي له خلوه ياخذ الي يبي .
انا بقول لكم موقف صار معي وانا تقريبا كان عمري 16كنت رايح مع الوالد الله يرحمه
لصاحبه الي كان مره قريب من للعايله وهو عمي ابو محمد اول مادخلنا وعايدنا عليه
مد ايده لي بمية ريال قال خذ هذي عيديتك انا طالعته قلت لا عمي كبرنا على هالشغلات
قال افاااااا تردني وانا عمك قلت لا محشوم بس خلاص هذي لصغار الحين انا صرت رجال
قال طيب ورجع المية لجيبه وطلع من البوك خمس ريال قال خذ وطول ما انا عايش بتم تاخذ
هالخمسه مني بكل عيد وهذي عيديتك وتخيلو كل عيد اروح له يعطي ولدي عيديته
وانا يعطيني الخمسه وانا طبعا ساكت ولا اقول شي اخذ الخمسه واحطها بجيبي
وانا الحين متحمس اني اروح له هالعيد واعايده واخذ خمستي .
انا كتبت لكم هالموضوع الي اتمنى منكم التفاعل والمشاركه بكتابة رد لك يتضمن ذكرى
حلوه بالعيد والعيديه او الهدايا الي تتقدم لكم خلونا نتشارك افراحكم حتى لو كانت ذكرى
لأن الذكرى حلوه .
اخوكم /// فارس الشمري
I am Last Wind ... You Can't See Me .. But You Can Feel Me
مواقع النشر (المفضلة)