السلام عليكم ورحمة الله وبركاته
كيفكم ؟؟
كاتم الأحزان وبرهوم ..
أحسن صديقين فالحارة .. أربع وعشرين ساعه مع بعض وكل واحد حاط يده على رقبة الثاني متعلقين في بعض :*
مرة راحوا البقالة وصارت المحادثة ذي :
برهوم : يا الله وش ذا ما معي ريال !
كاتم : دقيقة خل اجمع النصوص اللي معي اشوف كم
ويجمعون النصوص طلع معهم ريال
برهوم انعن ام الفلة يا حسام im22
برهوم مرة ثانية : ميشنا صديقي كويتم للبقالة ..
كاتم : قدام انعن ابو صدام ..
وصلوا للبقالة .. وشروا لهم واحد ببسي ..
طبعاً كاتم هو اللي معه الميزانية وشرب اول واحد
برهوم : ياخوي بقلي يرحم امك !!
كاتم : دقيقة ياخوي خلني اشرب ..
برهوم لاصق جنبه وماد يده كنه بيخطفة : يالله اشرب وقتك خلص !!
كاتم : وش وقته انت الثاني والله لعلم ابوي
برهوم : طيب خلاص مابي شي بس عطني الغطا انا اجمع فالبيت عشان يعطوني نظارة شمسية im22
كاتم بعد ما رفع ضغط برهوم : اخذ الببسي خلصت ..
برهوم مسوي بيقهره كب الببسي im22
مرت ايام وشهور وسنوات وصاروا كبار ..
شكل برهوم ( لابس طاقية المملكة .. اكبر من طاقية الطباخ .. والقلابي مغطي نص وجهه .. ومعه ورقة لافها مسوي فيها زقارة im22 )
شكل كاتم ( ثوب اخوه الكبير .. ولابس شماغ برتقالي .. كاشخ بقلم حبر هدية من الدفاع المدني )
كانوا يتمشون بالسوق ..
قال برهوم لكاتم : وش رايك نخربها ونرقم ؟؟!! ..
كاتم : لا ياخوي اخاف تصفقنا الهيئة خل نتفرج بس ..
برهوم : وش تتفرج عليه انت يالله ياخوي ترا الطاقية اللي لابسها انا تجيب البنت على خشمها ..
كاتم : طيب لا تقول عطني القلم اخاف يعرفون اسمي من الحبر
المهم وحدة شافتهم فطست ضحك قالت : ايش هادا .. لا امزح قالت وش ذا ؟!! منين طالعين انتم ؟!!
برهوم يقول لكاتم شفت كيف خقت البنت معنا ؟؟
برهوم يرد عليها : وش رايك بالجمال الرباني ؟؟
البنت : ايه جمال رباني لحد يشوفكم بس ويعطيكم عين .. وراحت
هي راحت البنت بس المغازلجية وراها كاتم وبرهوم
البنت التفت وقالت وش تبي انت وياه وخروا عني ..
كاتم تهور وقالها : وش فيك انتي احبسسسس ..
هي سمعت احبسسس وهي اللي هههههههههههههههههه ..
قالت : طيب خلاص وانا احبكم بس طسوا فضحتوني
برهوم مسوي اسلوب : وش فيك انتي قلبي معك هاتية ..
البنت : اي قلب انت الثاني دورة داخل طاقيتك يمكن تحصلة im22
برهوم : والله ان ما ترديني .. عطيني رقمك
قالت البنت : انت اللي عطني رقمك :
برهوم : ما معنا جوال بكلمك من كبينه
البنت ضحكت وعطهم الرقم والبركة بكاتم مسجلة بقلم الدفاع المدني im22
رجعوا للحارة الثنائي المرح وكل الشلة فاقدينهم ..
واحد من الشلة يسأل وينكم والله فقدناكم الحارة من بعدكم هادية !!
كاتم : فاتكم والله قسم وحدة رقمتنا وقالت انتم احسن اثنين في السوق كله وعطتني ورده وغرستها جنب السوق للذكريات
الشلة فاتحين فمهم ومفهين im22
راحوا لأقرب بقالة بيدقون عليها .. ( تخبرون الطفرة )
كاتم اتصل : الووووووووووو
البنت : هلااااااا !
كاتم : هلا والله انتي ..
البنت : امر وش بغيت ؟
كاتم وبرهوم لاصقة اذنه على السماعه بيسمع : أحببس ..
قالت : وانا بعد احبك ..
كاتم : طيب ممكن نتعرف ؟ << انواع الدلاخة البنت تحبه وهو يبي يتعرف
البنت : ايه ممكن : < طلعت أدلخ منهم im22
طوط طوط طوط < الهندي راعي البقالة فصل السلك
وهم اللي بغوا يوقفون بطريق الملك فقد ناوين ينتحرون im22
المهم هذا اخر شي اذكرة الباقي هم يعلمونكم وش صار لهم im22
بررب :*
مواقع النشر (المفضلة)