..][..الآه في صدري غـدت كنهـا سيـوف..][..
من القهر مدري وش أكتب من أحروف
عجـزت أدون كـل حزنـي وحنينـي
بيح كنيني والحكـي يكـوي الجـوف
والقول يفضح كل صمتـي وغبينـي
نظرات عيني كلها خوف فـي خـوف
الخوف مـن باكـر ووشـو بيجينـي
سكة طريقي دربهـا صـار معـروف
أبجنـي الأشـواك وانـدب سنيـنـي
يا هل ترى باسعد بدنيـاي وأشـوف
طير السعـد مقبـل عشانـي يبينـي
والا ان دربي صار بالشوك محفـوف
من هول مابي صـار ينـدى جبينـي
الآه في صدري غدت كنهـا سيـوف
لا قلـت آآآآآه يـرد بعـدي ونينـي
كل أمنياتي صـارت أحـلام وطيـوف
أطرد وراهـا أقـول تكفـي عطينـي
والسدرة اللي هزها الطفـل بكفـوف
ياما سمعت لصـوت ضحكـه رنينـي
وينه وويني اليوم ماعاد لـه شـوف
واللي مضـى حلم(ن)دفنتـه بيدينـي
صوت الطفوله داخلي يبنـي كهـوف
ليت الزمن يسمـع لصرخـة ضنينـي
ياقلب يكفـي هـم لاتشـرح ظـروف
خبـي رجيتـك مابقـى حيـل فينـي
....
منقوول من المنتدى
مواقع النشر (المفضلة)