على طاري أنساك
--------------------------------------------------------------------------------
مبطـي يهـز الشـوق خاطـر ثبـاتـي
والعمـر غيمـك .. والربيـع يتـحـراك
من كنت اشوفـك فـي عيونـي جهاتـي
وانا اروح هناك .. وهنـاك .. وهنـاك !
مـا أرحلـك مـا دام لــي ذكريـاتـي
واذا رحلتـك .. ذكريـاتـي بتلـقـاك !
كانك تقول : شلـون تمشـي حياتـي ؟؟
إلا حياتـي شلـون تمشـي بلـيـاك ؟؟
لـولاك مـا سـال الضمـا فـي لهاتـي
والريح ذابل .. والامل يزرع اشـواك !!
لـولاك مـا كانـت صفاتـي صفـاتـي
لو قلت عطنياك ؟؟ .. انا قلت لك هاك !!
تكفـى ... ابـي تفـزع لأنـك بـذاتـي
ولا صرت انت الذات .. وشلون ابنخاك ؟؟
ودي اقـول : اي شـي وانسـى سكاتـي
واسولفك ذكرى .. على طاري انسـاك !!
قلبـك يصـك بابـه بـدقـت غـلاتـي
وقلبـي كسـر بابـه اذا حـس ملفـاك !
لكن على اي حـال ..عطنـي شفاتـي !!
عشان اعيشك صمت فـي يـوم فرقـاك
تعبـت احبـك فـي طريـق امنيـاتـي
ومـن كثـر مـا احبـك تعبـت اتمنـاك
ملـيـت اجمعـنـي لنـاظـر شتـاتـي
والحيـن يجمعـنـي شتـاتـي لعيـنـاك
مـع السـلامـه.. روح .. والله تـاتـي
مثلـي ومـا تلقـى مـن النـاس يهـواك
وسلااااااااااااااااااااااااااامتكم
مواقع النشر (المفضلة)