لي[grade="FF1493 FF1493 800080 FF1493 FF1493"]لي طويل ودمـوع العيـن مغتمّـه
ليلي لبسنـي وهـدّ القلـب بهمومـه
ليلي طويل وجروح القلـب مشتمّـه
والليـل عيـا يعاندنـي ولاالـومـه
شف دمعتي واللي خلقني لهـا ذمّـه
لو فوق ورده يموت الفـل ويشمومـه
من حرّها (نغّـازت) الخـدّ مهتمّـه
تبكي قبل دمعتـي وتقـول مفهومـه
والخد من شاف دمعي صوّت مطمّه
يعْرف دموعي منابع قلـب وكلومـه
وينك حياتي ؟ ابي منّك انـا ضمّـه
وينك عيوني ؟ قليبي كثرت صدومـه
شوفي ضلوعي داخل الجسم منزمّـه
شوفي جوارح ميتـه فيـك محتومـه
ابغى شراب الحب ونسكر على يمّـه
مثل اسقني واشرب كما قالته (ثومـه)
شوفـي بعينـك لاتقوليـن ماهمّـه
شوفي مناديلك بها العطر مـن يومـه
يوم(ن) جمعني معكْ لامست انا القمّه
ذقت الحلا من منبعه طيحـه وقومـه
انتي حياتي..أمّـي وخالـه وعمّـه
وانتي حقيقة قلبي وصافـي حلومـه
فجأه احس إنها بدمّـي وأنـا بدمّـه
وشلون اعيش بدون دمّـي وديمومـه
شكْلَه عجيب وملْمسَه ناعم(ن) جمّـه
اليا لمسـت الخـد بالكف..يانعومـه
ياويل قلبي لاطلع حرف مـن فمّـه
توّي عرفت المسامع منـه محرومـه
كل الجوارح تبيه اتصيح لـه يُمّـه
شوفي عيوني تنوم وتحضن هدومـه
يانعنبو ذاالجـوارح وجّهـت يَمّـه
مثل العروق امْعْ الثرى هذي سلومـه
تكفون يالعشّـاق قولـو لـي اليِمّـه
ثم اتركوني على وجهي ولـي عومـه
للشاعر سعود الدوسري
في انتظار ردودكم
تحياتي[/grade]
مواقع النشر (المفضلة)