سلام عليكم ..
اليوم رحت لبقرة جيراننا واحتلبتها .. والله يالصخينه انها طيبه ..
ايه على فكره .. ((الصخينه)) هي الحليب المفوح على النار ..للي ما يفهمون مثلكم ياجيل حليب النيدو
انا رجالن شايب والمصطلحات هذي ما اجيبها من عبث
اما جيل الحفاضات .. بامبرز وبامبي وبيبي جوي .. اشكال باريس والوراعين الباقين .. ديو ومسعود والبقيه المتبقيه ومن اتبع هديهم من الداجين.. فهم ما يعرفون هالمصطلحات
انا منول ايام السبعينات ما عمري لبست شي اسمه حفاضه .. حنا من جيل الخياش ..
كانو يجيبون لي خيشة شعير ويفصلونها علي وامشي بها .. لو جاني هوا صارت زي المظله وطرت ..
اما انتم ياجيل حليب النيدو .. طحتو في دجاج الساديا والكريمات والمرطبات والجبنه والقشطه .. انتم جيلن خربان الله لا يبتلينا
حنا منول كنا ما نعرف شي اسمه دجاج .. كنا ما ناكل الا الضبان والجرابيع .. والطيور
وكنت اسرح الصبح بالغنم وارضع ديس العنز .. والله مزين منه ولا عيشه ..
مانسخن الحليب ولا نفوحه ولاشي .. ابد من اثداء العنز طازج يوميا ..والله ما قوى عظامي الا هو
وكانت الناقه ما تعطف الا علي .. كانو يجون بيحلبونها ما يلقون في بطنها حليب .. والسبب كله من صرخه يجي ويحك حليبها كله ..
وكنت ما اعرف شي اسمه كريم .. كنت اتدهن من السمن
منول ما كنا نشوف شي اسمه حرمه .. من وين لوين نشوف حرمه .. واذا تبينت ما كنها الا غراب من زود الستر..
والحين الله لا يبتلينا شبابنا راح وطي عند هيفا ونانسي واليسا
الله لا يبتلينا ياجيل حليب النيدو
منول ما كنا نعرف فالدنيا الا قنوات الرادو < الراديو ..
والحين فوق 1000 قناه بالتلفزون< التلفزيون ...والورع عمره 13 معه جوالين وسياره اخر مديل وخويه
الله لا يبلانا ياباريس انت وربعك .. ياجيل الساديا وحليب النيدو
مواقع النشر (المفضلة)