بسم الله الرحمن الرحيم

قصيدة حمود جلوي في غيبتي , اشعار حمود جلوي , شعر في غيبتي , ابيات من كلمات الشاعر حمود جلوي



بين السنين وبين عين الشقا دين
لوني دريت بحالته ما درابي

ضايق وأدور في عيون البشر عين
تفهم معاناتي وتقرا كتابي

في طيحتي كثرت علي السكاكين
باع الزمن في طيحتي وأشترابي

عيت تجي وياي بالعسر واللين
المسألة فاقت تصور حسابي

ياصاحبي مال المفارق عناوين
هذا عذابي كان همك عذابي

في غيبتي نامت عيون المساكين
مدري سريت الجرح وإلا سرابي

في غيبتي قلبت جميع الموازين
حتى ثيابي كنها مو ثيابي

في غيبتي راحت عيونك علي وين
ياللي خذيت من الغلا كل مابي

ماأنت هذاك اللي أعرفه من سنين
إبذمتك منهو عرفت بغيابي ؟