- بنات المغرب الحبيب يسلمن عليكم كثير السلام -

[Clouds]

السلام عليكم
يالله صباحهم خيـر

انتم توجسون هالبرد اللي نوجسة < [ تحسون بالبرد اللي نحسة ]
قسم يالبارح اتوارى انا ونفسي اشغل المكيف والا ماشغلة اشغلة والا ماشغلة واشوى تعوذت من ابليس ونفيت
عن يساري وشغلتة ..

ماعلينا من هالبرد وهالبلبلة ..
اجي لزبدة الموضوع وهذا هو المهم

-

قبل كم يوم وصلني ايميل .. محتواة يتكلم عن فئة معينة من بنات [ المغرب ] الحبيب
فهمتوا اللي اقصدة .. مابغيت انزل المقال لانة منتشر بشكل فضيع .
بموضوعي هذا بستطرق لقصتين من ارض الواقع ومن مجتمعي :20ar:

بداية .. بذكر قصة واحد من اقاربنا الله فاتحة بوجهة ورازقة .. يعني كاش
على أيام اكتتاب شركة [ إعمار ] على ماظن اللي بدبي
أرسل ولدة لدبي عشان يكتتب .. الولد ذا عمرة يتراوح بين 24 و25
الولد قمة بكل شي .. دين محترم مهذب شهادتة ماعليها .. ماشاء الله من كل ناحية تمام
راح لم دبي بيكتتب .. الولد غط لة اربع ايام .. لاحس ولا خبر
يدقون ماحد يرد والا مقفل
مر اسبوع على نفس الحالة
اخر ماتوصلوا لة راحوا لدبي .. بحثوا عنة سألوا الفندق اللي ساكن بة قالولهم راح عنا من لة أسبوع
قالوا : ابد الذيب بالتزليب < يعني هالولد بوة البلى
أستفسروا عنة بالمطار الا طلع ماشي على المغرب من ثلاث ايام تقريبا
رجعوا للشرقية .. فكروا فكروا قالوا مالنا الا نلحقة للمغرب مصيرنا بنلقاة
مشى الابو للمغرب ..
شف سبحان الله الصدف لقاة عند محل قريب من المطار
ويمسكة على كتفة ويلتفت الا هذا هو ولدة
تفاهم معة بهداوة الولد ارتبش وطارت بوهتة
قال الولد السالفة لأبوة من - الى
تفهم الابو الموقف وقالة لازم توديني لهم واتعرف علية وعلى اهلة
قال اوك .. اتفق معهم وراح الابو وتعرف عليهم ..
رجع الابو للشرقية وعرفوا بقية اهلة بالسالفة زعلوا علية اول كم شهر وعقب لانت روسهم
عاد الصدز والله انة للحين طايح من عيني < عسى مايروح ينتحر بس im1
المهم هالسالفة تقريبا لة سنة ونص
الحين صار عندة ولد منة بس رفضت الحكومة تطلعها < [ زوجتة ] من المغرب بفيزة زوجة لانة تحت السن القانوني للهجرة
قالوا مالك الا انك تطلعها بفيزة عاملة < هذا حتسيكم يالحكومة المغربية
وتنح يالولد قال لو على قص رقبتي ماطلعة بفيزة عاملة
هذا هو سردادي مردادي علية .. الغبن انة شفطت ماوراة ودونة غربلتة حاسة مريرة وشرالة نص المغرب والنص الثاني اقساط < im1
ولازال يروح ويجي وناسف اهلة وراة
الله يستر من السنين الجاية وش بيسوي !
نرجع شوي قدام .. بالله تتوقعون خذتة عشان سواد عيونة والا عشان الكآش اللي بيساهم بة ؟

هذي خلصت ..

نجي للثاني اللي هو من محيط العائلة
ايام ماكنت بالابتدائي قدر الله على هالولد وراح يدرس بكندا ..
راح وقعد سنة هناك ماجانا نزهم علية بوقت الاجازة هاة ماودك تجي ؟
لا والله بضغط نفسي عشان اخلص بسرعة وارجع قبل ..
زين الله يقويك ويفتحة لك
مرت السنة الثانية
هاة ماودك تجي ؟
مادري على شهر شهرين ان شاء الله اجي .
زين ا ن شاء الله
ومرت خمس شهور وماجا
بعد هالمدة سنتين وخمس شهور تقريبا
رجع لنا ..
ياهلا ويامرحبا ويااااااااااااااااااا :rolleyes: < هنا بلمنا
نراعي الا معة شيفة وولد صغير
سلمنا وقعدنا وحنا لا زلنا هاتس
هاة ياولد وش السالفة .
وعلى بلاطة
هذي روزيندا سيلفا زوجتي برازيلية وهذا ولدي منة
اللي جتة حالة غثيان واللي انشدخ واللي غطاة الغاطي ..
واللي زوّد الحمى مليلة انة ركبة .. شين فلاق وجهة كنة ربعة اللهم لا شماتة
شلون عجبتة مدري !! المشكلة تزوجة وهو عمرة 20 وهي عمرها 28
بالحالات تقبلوها العائلة الا انا احسة واقفتن لي بالبلعوم
اني جيت اكل الا بجنبي ان جيت عند تلفزيون الا بجنبي لا انا احبة ولا تحبن
وكل مالتفتت علية الا تقول لي [ديم استيد] < على فكرة تكلم اسباني بحكم انة عاشت اكثر طفولتة بأسبانيا
اكتفي بقول [ انلدمي ] ..
الحين تقريبا لة 10 سنوات معنا ..
صحيح ماتأقلمت ولا أسلمت ولا تعلمت عربي بس كافة خيرة وشرة ولدنا ولله الحمد ماتغير علينا ولا استنكرنا منة شي

اللي بوصل لة من هالموضوع كلة
لا أقف صف ذي ولا اقف صف ذي خلك على بنت بلدك استرلك وتحفظ لك حلالك وقريشاتك

ذكرت هالصنفين .. لشرح مدى المأساة اللي يعيشونة اهل الولد من ورى هالزواج ..
لو تيسرت حياتة ومشت الا مايلقى عوائق

موضوع طويل بس مسكت معي

خلصت :25ar:

[لولوة]

يالقهر بس

الأولى شوفي واضحه وضوح الشمس والا بثلاث ايام يشوفها وخلاص يقرر يتزوجها!! مافيها غير س ح ر تعرفين هناك عندهم مثل سلام عليكم عندنا

الثاني يعني ماقدر اقول غير اللــــه يعينك بس

[أحلى حلوة]

جبتتتتيها ع الجرح انا اكرررررررررررررره هالمواضيع وعاد اعمامي وكذا يعرفوني اعصب واقلب وجه ثاني اذا جاه هالطاري يقعدوا يستهبلوا ويضحوا وكل واحد يوم يتكلم علي بلغة يعني انو بيتزوج وحده من البلد الي يتكلم لغته << اسوي مؤدبه ما ابي اسمي بلدان :cool:

المووهيم انا تعبت وانا اقولها ترااااااااااهم مايبوا الا ع قولك "" الكاااااااااااش ""

الا من رحم ربي طبعا ..

يعني بالله عليكـ واحد عجوز وعنده احفاد واحيانا اولاد احفاد وكرش وجلده مكرمش << أبو الوصف:9ar:

وغني مره فجاة يتزوج وحده من بلده فلانيه وتكون حلوة وصغيره هيا قووووووووولي لي ايش السبب؟؟

انا شفت حالات كثير كذا للاسف هذولي ولاعدت من جمبهم المرجله هذي الصغيره اللي دوبو متزوجها مخليته خاتم في اصباعها كلمه منها توديه وكلمه منها تجيبه وساحبه كل اللي في جيبه وياحرام زوجته ام عياله راميها ولايدري عنها شي ..
وانا تماما ضد انو الشاب يتزوج من بررررررا من كثر المشاكل اللي تصير والي يروحوا فيها .. الاولادgif22

شوفي اغلبهم يدوروا الكاش واللي عندنا امخاخهم طااقه بعيد عنك مايصدقوا على الله و.........

وغير كذا فيه واحد بابا يعرفه تزوج مـ...... ومتجنن عليها ومايطلع من البيت ولما جاته بنت سماها على اسم زوجته كل الناس مستغربه جات مره وقالتها قدامنا كلنا "مش نقولك نعرف نربط ازواجنا " احنا اغمي علينا لا وتضحك وهي تقولها تعترف انها ساحرته وكثيييير والله نسمعها ويعترفوا ولايخافوا من احد .. اااه بس ..

وفيه ناس نعرفهم عيله راقيه ومعروفه ولدهم سافر اسبانيا يدرس خلص الا ماشاءالله الولد راجع بزوجه اسبانيه ..
واهله انجنوا ..
الموووهيم دحين طلقها عنده بنتين وحده عمرها سنه والثانيه سنتين وشوي .. وانواااااااع المشاكل اللي مكن تتصورها .. فالبداية يعجبهم الوضع لكن ما يفكروا بعواقب هذ الشي ..

ولما سالوه هيه كيف وكذا طلعت اسبانيه من عيله طبعا فقيره و و و بلاوي !!

وطبعا شافته سعودي ومرررره غني لصقت فيه ولا بتاخذه عشان سواد عيونه !!

<<< خلاص انطمي تراك زودتيها
سوري طولت بس من القهر
الله لااااااااااااااايبلانا يارب ويحفظ الشباب والبنات ..

ميرسي ع الموضوع و ع وجهة نظركـ ياعسل ..

[ღ هـيبة مـلك ღ]

بجــد موضوع يطوول الكلام عنه لانه فعلاً ظاهره كل يووم تزيد للأسف
لهذا السبب:

((وضعت الداخلية السعودية شروطا لزواج المواطنين من مغربيات ومنها تقديم صورة من جواز السفر أو من بطاقة الأحوال المدنية كوثيقة إثبات الشخصية، وموافقة الزوجة الأولى، وأن يكون مصادقاً عليها من المحكمة، وشهادة الراتب من جهة العمل.


كما طلبت السلطات السعودية من الموظف غير الحكومي خطاب راتب مصدق عليه من الغرفة التجارية، وكذلك صورة صحيفة الأدلة الجنائية ليتم مقابلها إصدار شهادة حسن السيرة والسلوك، ولضمان عدم وجود سوابق على الشخص من قبل السفارة، وأصل فحص ما قبل الزواج،))


واذكر قريت في تقرير للجمعيه الخيريه لرعايه الاسر السعوديه بالخارج (( اواصر))
إنها ترعى اكثر من 150 أسره سعوديه في المغرب ( اطفال سعوديين من ام مغربيه )
.......................

للأسف موو بس الشباب اللي يتزوجون من مغربيات حتى الشيبان بعد متزوجين
بذكر لكم موقف صار مع صديقي راح للمغرب وهو راكب بالطياره يقول جلس جنبي رجال كبير قالي وين بتسكن بالمغرب بأي فندق ..؟ قلت والله مدري اول مره اجي للمغرب ما اعرف إذا تعرف فندق زين علمني ..!
يقوول اول ماقلتله اول مرره : قالي ياااحلييييييييييييييييييله اول مرررره ويضحك ويناادي صديقه شايب بعد مثله قال ابو فلان هذا اول مرره يجي للمغرب ويضحكوون

قال: ووش اللي يضحك
قالوا : نضحك على حالك
قال : ليه
قالوا : بتصير مدمن مثلنا رايح جااي
قال: ليه انتم كم مره ..؟؟
قالوا : انا صاارلي عشررين سنه وانا اجي للمغرب بأستمرار وخويي صارله 15 سنه يجي للمغرب بعد ما طيحته فيها << شيبانٍ ضاله

طلعوا متزوجين وعندهم عيال ولا بعد كل واحد متزوج ثنتين هذا غير اللي طلقوهن


يقول صديقي اول ما دخلت المطار شفت واحد يبكي ومتمسك بالكاونتر حق الجوازت وأبوه يسحبه بالقووه والولد يقووول ما ابي ارجع للسعوديه :161[1]:..!

قالوله الشيبان اللي كانوا معه بالطيااره ترا بكرره بيصير فيك كذا يقصدون صديقي

بس اشوى صديقي ماصار فيه مثله
بس راح هناك اسبوع يستكشف الحقائق ورجع [mark=003300]<< تزوج وحده بس طلقها عشان يستكشف بس [/mark]

فالنهايه المغربيات او غيرهن مايتزوجن من السعوديين عشااان سواد عيونهم ابداً عشان فلوووسهم بس << طبعاً هذا نتيجة استكشاف صديقي


ســوري على اللإطاله أخذت راحتي بزيااده

يستاهل خمس نجوم $222


غــيوم

[أم صقر]

غيوم يعني وشو (ديم استيد)؟
ويعني وشو انلدمي


وبصراحة الله يكون بعووونك على روزليندا


الحمدلله ماعندنا الا ولد عمره 22 ولو يطير ويوقع ماسفرناه اصلن ذ1 لو سافر لعسير فسق مابالك بكندا


دوتس