بسم الله الرحمن الرحيم

قصيدة جيت ابكتب وش بقلبي ٢٠١٤

جيت ابكتب وش بقلبي واختصر كــــل الكلام
جيت ابكتب جيت ابرسم بس وشلون ارسمه


لان لك في وسط قلبي شوق واحساس وهيام
صغت لك جزل القوافي والشعر جبت ادسمـــــه


من كثر ماشتاق لامن غبــــــت يغشانــي ظلام
والحزن فيني تمكن والكآبــــــــه لي سمـــــــــــــه


وفي وصالك عشت وقتي في تباشير وسلام
والحزن وقته ليامن جيـــت والله تحسمـــــــــــه


لو خفوقي بين حزنه والفرح عاش انقســـــــــام
انت بلحالـــك ليا منك نوويت تقسمـــــــــــه


ياكسجين اللي تنفس في هواك أزهى غــرام
عاشقك لاغبت عنًه ضاق يالغالي نسمــــــه


لو ماعرفك وادري ان السحر ودروبه حرام
احلف انك في غرامي تستبيح الطلسمــــــــه


من كثر ماهواك صار الحب لعيونك وســـــام
وكل لحظه في غرامك احلف الله واقسمــــــه


عشت في حبك سنيني بين تيهـٍ وانسجــــــام
والخفوق اللي يعاني انت طبـــــه وبلسمــــــــــه


وانت طيفـــك مايفارق صحوتــــــي ولا المنام
وانت وحدك من رسم فرحة في مبسمه



انته اول حب وانت بدنيتي مسك الختـــــام
والغرام اللي زرعته ذا ربيعه وموسمــــــــــــه


جاك كل اللي بقلبي يغنـــــــــي عن كل الكلام
جيت ابكتب جيت ابرسم قلي وشلون ارسمه