الله يرحم روان ويغفر لهـآ

[*ميار*]

بسم الله الرحمن الرحيم ..

ربّي ان ( روآن الفضيلي ) نزلت بك .. و انت خير منزول به .. و أصبحت فقيرة الى رحمتك .. و أنت غنيّ عن عذابها .. آتها برحمتك رضاك ..!!

بما انك فتحت الايميل .. فأتمنى ما تقفله الا عند آخر حرف ..

عادة .. لما أكتب ايميل أو أي موضوع .. أعتذر عن ركاكة أسلوبي ..

لكني هالمره ما راح أعتذر ..

لأن الناس الي قضيت عمري كله أهتم لمشاعرهم .. و أحرص على اني ما أجرحهم ..

كلوا لحم أختي – في الله - .. و ما حشموا ترابها الي للحين ما نشف !!

ماتت روان فجر يوم الأحد الماضي .. ماتت و ما درت انها تركت وراها ناس مكسوره و حزينه على فراقها .. و ناس ( أو مع احترامي أشباه ناس ) يغتابونها و يشوهون سمعتها ..

ناس ما عرفوا حرمة الميّت .. ناس ذممهم وسيعه .. ناس للأسف ما يخافون الله ..

ناس ألسنتهم تلوك و تلوك .. و تتكلم بكلام ماله أساس من الصحه .. و عند نهاية المجلس ..

تقول ( الله يستر عليها .. اللهم لا شمات )

لا ستر الله عليهم في الدنيا و لا في الآخره ..

ماتت روان ..

ولمن تهمّه القشور .. و يبحث عن القصص .. و الجديد .. راح أكتب القصه ..

القصه الي احنا نعرفها .. مثل ما نعرف بنتنا روان !!

روان طلعت مع أخوها في السياره ..

و في أحد الطرق العامّه .. قضى الله على سيارتهم أن تصدم في عمود الاناره ..

و صارت الضربه القويه على جانب روان ..

و هي في نزعها الأخير ..

طلع أخوها من السياره .. عشان يكلم أهله ..

و لمّا رجع .. لقى مجتمعنا الراقي .. مجتمع حولها ليحكم من النظره الأولى .. يشمت .. و يتبلّى ..

و يألّف قصه جديده في راسه .. عشان يرجع البيت و يحكيها لأهله ..

كثر الكلام عنها ..

كثر الهرج و المرج ..

قالوا أنها كانت تسوق السياره لحالها و في سرعة جنونيه ..

و احنا أعرف في بنتنا منهم .. و نعرف أن روان أصلا ما تعرف تسوق السياره بالدرجه الي تمكنها من أنها تطلع في طريق عام .. و بسرعه جنونيه بعد !!

قالوا انها علمانيه .. و منفتحه ..!!

حكموا عليها .. و نسوا ان الله أعلم بالنيّات ..

نسوا ان الي أخذ روان بالهوقت .. قادر على أنه ياخذ بنتهم و يفضحها !

مؤسف الكلام الي سمعناه أيّام العزاء ..

ناس ما احترمت أهلها الي قلوبهم مكسوره على بنتهم ..

و وصلت فيهم الوقاحه أنهم يتكلمون عنها قدامهم !!

روان انظلمت كثير ..

و حسبي الله و نعم الوكيل على من ظلمها ..

طلع واحد بأحد القنوات الفضائيه ..

بقول انه يعرف روان ..

و أنها كانت منحاشه من بيت أهلها ( منحاشه = هربانه )

يا ويله ..

تبلّى عليها ..

الله يبلاه في نفسه و يقطع لسانه .. و يفضحه في الدنيا قبل الآخره ..

و وحده تقول اننا نقول هالكلام عشان نغطّي ع الفضيحه !!

أي فضيحه ؟!

من متى صرنا نعرف الناس أكثر من أهلهم ..

زادها الله جهل على جهلها و أخلفها جهنم بما قالت ..

نسوا حرمة الميّت ..

و نسوا أنهم شهداء الله في أرضه ...

ع الأقل ..

لو انت مقتنع أنها كانت على سوء ..

امسك لسانك ..

( و هل يكبّ الناس على وجوههم الا حصائد ألسنتهم )

بعيد عن كلام أهلها .. و بعيد عن الي صار ..

هذا كلامي أنا دانه ..

يعني لو وحده بالكويت ماتت بحادث .. طلع عنها هالكلام ؟!

لو بنتك انت يالي تكلمت .. بهالعطله سارفت و ساقت و ماتت ..

بتقول انها علمانيه ؟!

مجتمع راقي ..

و أحسده على هالرقيّ ..

ما تزيدون الا ........!!

و الله اني قاعده أحاول قد ما أقدر يكون كلامي راقي .. و ما أتلفظ بألفاظ تسيء لأي أحد ..

لكن ناس مثلهم يستاهلون الرقي و الاحترام ؟!

و الله دنيا رديّه .. و ناس أردى ..

بدل ما يعزّون أبوها ..

تكلّموا عنه ..

قالوا انه ديوث ..!!

و والله ان ( ماجد الفضيلي ) أحسن منك مليون مره يالي ما تتورّع عن أعراض الناس ..

حسبي الله و نعم الوكيل ..

هذا تعليق واحد بأحد المنتديات :



الله يرحمها

لكن كلام أبوها خرط فاضي
قال ايه قال ماتعرف القيادة!!!!!

لو الشرطة والاسعاف والناس لاقين معها أخوها كان قالوا !!!

والا تبي تقول ان كل من باشر الحادث ماعندهم سالفة بس انت اللي عندك السالفة

بنتك هي اللي تسوق وانت تدري بهذا الشيء ومادام انك مستحي من الناس

ليش تعلمها السواقة بدليل انك تقول انها تدور بالبيت والاشياء البسيطة

قال ايه قال ماتعرف تسوق؟؟ يافشيلك عند الله وخلقه !!!!

كلامك خراط ومهايط وتقرير الشرطة والمستشفى اوضح من عين الشمس

اللهم لاشماتة



يا سبحان الله ..

لا انت الي تعرف السالفه ..

و انت الي ما تخربط ..

و يا سخافة عقلك ..

الله يقطع رزقك و يقطع لسانك و يفضحك في الدنيا و الآخره ..

و يعلمك كيف تتكلم على أعراض الناس ..

عساك تشوفها في نفسك يارب ..

أنا ماني حقوده .. و ماني قاسيه ..

لكن هم القاسين ..!!

لو فكروا لحظه بس ان روان ممكن تكون بنتهم ..

و الله ما تكلموا ..

على فكره ..

في السياره ..

روان لقّنوها الشهاده ..

و تشهّدت ..

لكنها ما ماتت الا في المستشفى ..

طيب ليه هذا الكلام ما نتشر ؟!

و الا لأن فيه الخير ؟!

للأسف ..

ناس مريضه ..

تدوّر الكلام السيئ عشان تتناقله ..

و والله ما قهرني الا أهل الدين الي تكلموا فيها ..

و الله ان الدين منهم براء ..

هذا الي أخذوه من القرآن و من الدين ؟!

اساءة ظن .. و غيبه ..

اللهم اجعل دينهم حجة عليهم و افضحهم يارب ..

بعد هالكلام هذا ..

اذا انت ( حمار ) و ما زلت مقتنع بكلام الجرايد ..

فما أقول غير ..

ربي يعطيك العقل ..

ربي من تكلم عن روان بسوء ..

فارنا فيه قدرتك ..

اقطع رزقه و خلفه و ذكره ..

و احرقه في الدنيا و الآخره ..

أختم بالدعاء لروان ..

اللهم يا حنان يامنان يا واســـع الغفران أغفــر لها وارحمها وعافها واعف عنها واكرم نزلها ووسع مدخلها وأغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس.

اللهم أسألك بكل اسم سميت به نفسك ، إن كانت مقصرة في عباداتها فأعفو عنها برحمتك وتجاوز عنها وتحمل عنها يا أرحم الراحمين فانك يارحمن فى غنى عن هذا العبادات ، ولكنها فى امس الحاجه لرحمتك وعفوك لأنها لا تجد من يرحمها غيرك يا الله

اللهم : أبدلها دارا خيرا من دارها و أهلا خيرا من أهلها وزوجا خيرا من زوجها وولدا خيرا من ولدها وجارا خيرا من جارها ، وادخلها الجنة و أعذها من عذاب القبر وفتنته ومن عذاب النار
اللهم : عاملها بما أنت أهله ولا تعاملها بما هي أهله.
اللهم : اجزها عن الإحسان إحسانا وعن الإساءة عفوا وغفرانا.
اللهم : إن كانت محسنة فزد في حسناتها وان كانت مسيئة فتجاوز عنها يارب العالمين
اللهم : ادخلها الجنة من غير مناقشه حساب ولا سابقه عذاب
اللهم : انسها في وحدتها وانسها في وحشتها وانسها في غربتها .
اللهم : أنزلها منزلا مباركا وأنت خير المنزلين ..

لا تنسى أن من ذبّ عن عرض أخيه المسلم ذبّ الله عنه النار يوم القيامه ..

انشرها ..

لأنك حتى لو ماكنت تعرف روان ..

فــ فيه الملايين من من يتكلم عنها و يسيء لها ..

و لا تنسَ ان روان اختك المسلمه ..

شهدت أن لا اله الا الله و ان محمد رسول الله ..!




منقول من الايميـــل

[ملهم]

الله اعلم
وهو الي عارف وشايف لانبي نظلمها ولا نظلم غيرها
هو صحيح احنا بمجتمع يحب القال والقيل
مانقول الا الله يرحم موتانا وموتى المسلمين بس

الف شكر لك اختي
اخوك /// ملهم

[عذوق الغلا]

الناس مالهم الى الظاهر

وعلى قولت المصريين عاوزين جنازه يكثرو فيهاا الطم والصياح

انا اقول انو كل الحكي الي حصل ان شاء الله تكفير لذنوبهاا اذا مو صحيح

والله كريم يمهل ولا يهمل

...

الله يرحمهااا ويرحم اموات المسلمين

[أم صقر]

الله يرحمها ان شاء الله برحمته...



بس من هي روان الفضيلي؟!

[حموٍدي]

الله يرحم جميع موتى المسلمين

ومع احترامي للكاتبه الي اسمها دانه هي الان تحاول انها تستر على البنت؟؟ مادرت انها فضحتها زوود يعني على سبيل المثال انا والاعضاء الافاضل الي سبقوني الرد ماكان عندهم اي فكرة عن هذا الموضوع ولايعرفوون انه فيه بنت اسمها روان وماتت عشان يعرفون سبب موتها ؟؟ انما الان عرفنا السالفه وعرفنا من خلال هذا الموضوع انه فيه بنت اسمها روان ماتت بحادث سياره وصار عندنا شك انه البنت هل فعلا كانت تسوق او جالسه مع اخوها وهو الي يسوق وانا عملت الحين بحث في قوقل ولقيت كل المنتديات تتكلم بنفس هذا الموضوع والمشكله الاكبر انه اميل السيده دانه هو الي منتشر في المنتديات كلها اذا هي الان كانت سبب في انتشار الفضيحه وهي ((زادت الطين بله)) ومن هنا اقولها حسبي الله ونعم الوكيل عليك ياسيده دانه انتي وامثالك الي يدعون الثقافه والرقى وهم من جنبها واذا جوو بيكحلونها عموها وهم حثالة المجتمع لانه الميت ماتجوز عليه الا الرحمه وانتي ماكنتي بيوم محاميه او مفوضه للدفاع عنها!!!!!!!

الله يرحم البنت الي اسمها روان والله يرحم اموات المسلمين جميعا ويارب يارب احسن خاتمتنا واستر على عيالنا وعيال المسلمين

اعتذر على المداخله واتمنى كل من يطلع على هذا الموضوع ان (يستر) ولايروي القصه لاحد ولاينقل الموضوع لمنتدى ثاني او يرسله في البريد لاصحابه