العجينة اللي تريحك بس هذي عجينتي اللي مستخدمتها

المقادير:

6 أكواب طحين عادي
ملعقة خميرة فوريه
3\4 كوب زيت
7 ملاعق حليب بودرة
2 ونص ماء دافي
\شوي ملح\ملعقة سكر

الطريقة:

...تذاب الخميرة الفورية مع السكر في ثلاث أربع أكوب ماء دافئ وتترك لمدة 10 دقائق.
..ينخل الطحين والملح في اناء العجن وينثر عليه بودرةالحليب ونصنع حفرة في الوسط


يضاف خليط الخميرة ويحرك قليلاً ثم يضاف الزيت مع الطحين بأطراف الأصابع ونضيف باقي الماء تدريجياً حتى تتكون عجينه ونستمر بعجنها لمدة مو أقل من 10 دقائق...
ونتركها تتخمر ويتضاعف حجمها... ونستعملها..
فطاير على شكل حلزون




الحشوات...
لبنه+خيار


لبنه+زعتر...
أو اي حشوة تختارينها انتي على رغبتك...

بيتزا لذييييييييييذة بالصلصة الشهية + بيتزا بالجبن والثوم والشبت أممم+



طريقتها يا أخواتي سهلة :

اخلطي كاتشاب + مايونيز ( ما يكون كثير ) + زعتر + بصل مفروم
وادهني بها وجه البيتزا
( هالخطوة نسيت أصورها )

وبعدين رشي على الوجه زيتون وطماطم وجبن موزيريلا

( بالنسبة للجبن الموزيريلا : أنصحكم بالجبن الغير مبشورة ، يكون ألذ ويذوب وفعلا رائع ، وأفضل من المبشور الجاهز )
نجي الآن للبيتزا اللي بالجبن السائل والشبت
مقادير الحشوة : ثومة وحده بس وشوي زبده نحطهم على النار شوي وبعدين نضيف عليهم الجبنة وبعدين الشبت ونتركه تصير دافيه شوي وندهن بها دوائر العجين وتحط عليها جبنة موزيريلا

وهذا شكلها



فطاير سبانخ تجننننننننننن وأحلى من الجاهزة والتجربة خير برهان ..



حضري حشوة السبانخ

( وللأمانة الحشوة عملتها الشغالة مش أنا )

سألت خدامتنا وهذي طريقتها :

تقطع ورق السبانخ بعد ما تنظفه ( السبانخ الطازج الفريش )
وتحطه بوعاء فيه ثقوب كثيرة من تحت
وتلبس قفاز بإيدها
وتبدأ تضغط على السبانخ المقطع وتعصر منه الماء اللي فيه

بعدين تاخذ السبانخ بعد ما انعصر منه الماء
وتضيف له بصلة مقطعة تقطيع صغيرة جداً
وعود بصل أخضر
وملح + فلفل أسود + سماق + زيت زيتون + ليمونتين
وتخلطهم زين
وتحشي بهم السبانخ