السلام عليكم ورحمة الله وبركاته
لقد فكرت ملياً و ملياً و ملياً و قلت
مالك الا الاعضااء الي يحطمونك بالحتسي < عشنا و شفنا
السالفه يا جماعه و مابه ان جاري مدري وش جايه علي
مدري هو متسلـط ., ولا ناوي شـرر , ولا وش القصه بالظبط ؟
مع العلم السلافه الي بقوله لكم يمكن مدتـه شهرين و نـص و السالفه كل مدهـ تستمررر
والسالفه كالتالي im3
""
بيوم من الايام طالع من البيت بروح اصلي العشااء
و انا طالع الا اشوفه هو بيدخل سيارته بالقراش < الكراج
وانا طلعت و صكيت الباب و اول ما مشيت و خطيت وانا رايح للمسجد
طبعا هو انا معطيه ظهري و متجه للمسجد و اانا امشي اسمعه يقول طس الله يلعنك و يلعن جدفك gif22
انا حسيت ان الكلام موجه لي 100 % و مابوهـ احد بالشارع الا انا امشي و يوم التفت شفته يناظرن :|
انا ابتسمت و مشيت و اقول بقلبي الله يشفيك بس
طبعاً استمرينا على الحال ما يقارب الشهر و هو ماغير طاقه الشـررر برآآسـه
يوم من الايام كفر موتري كان مبنشر و مالي حيل اخذ السبير و اركبه قلت يا رجال خله الفجرر ازين وقت
و انا طلعت الساعه 6.30 تقريباً و قعدت اغير الكفر و انا يوم خلصت من الكفر و اربط الصواميل
الا اشوفه طالعن من الكراج و يقول بصوت خفيف و انا اسمعه طبعاً
يقول : احسن الله يلعنك و يلعن جدفك آخ تفووووو عليك يا حـمــآار
طار مخي انا و انهبلت وقلت وش بوهـ شكلي والله انا الي بلعن جدفه
وانا والله الي اناظر مفتاح العجل الي بيدي واقول بقلبي والله على الصبحيه مسحت بوجهك الارض ازين شي
و يوم جيت الا ابلتفت عليه خلاص ناويه نيه قشرااا مطرطع منه قافلتن معي مدري وش يبي !!!!!
اول ما التفت و اشوفه مركب عياله و بناته معه بالسيارهـ انا قلت يارجال ماله داعي اني امسح بوهـ
الارض قدام بناته يعني شينه نتباقس انا و اياوهـ نطح عياله احسه قوووويه !!
قلت لعله وقتن ثاني نتواجه
و جا بعد كمن يوم وانا اشوفه و اثر نفسي طايبه منه و مرووق على الآخـرر و امشي و اسفهه
من بكرى الفجـرر توي طالع من المسجد وانا امشي بطريقي رايح لبيتنا الا اشوفه واقف قدام باب بيته
يحتررررين
انا امشي بطريقي و مالي من الشر طريق
ويوم وقفت عند باب بيتنا وبابنا قبال بابهم بالظبط و هو معطين ظهرهـ و يوم فتحت باب بيتنا
الا اسمع صوته و هو يتفل علي من بعيد انا فتحت باب البيت و يوم جيت بصكه
التفت ورا و اشوفه معطين وجهه يعني اقتلب و صكيت الباب و تعوذت من ابليس و رحت انام
صحيت الساعه 6 الصبح و قعدت أحمـي موتري و انا واقف عند باب بيتنا
و مير اكمخ لي زقارهـ وانا اتتن الا اشوفه طلع من عند الباب
طبعاً طلع لحاله ما معه احد وهو ماشي للسيارهـ انا اسرعت من ناحيته و حلت عليه الزقارهـ
ابيه يقول شي عشان محد يجي بعدين و يقول انت الي مخطي ياعلي
ادور زلـه لاني الصدز تعبت نفسياً والله منه كل شوي يجدع حتسي علي
مايصير
وقفت عندهـ قلت له : خيـرررررررررررررررررر تبي شي ؟
قال : يالله صباح خيرر سم آمر وش بغيت
قلت : أي خير و انت كل يوم تقاشرن و تتفل وتلعن علي !!
هذا وانت ابو عيال ياخي استح على وجهك والله عيب الي تسويه انا الحين اقدر اتباقس انا واياك
بس وش نبي نستفيد !!
ماحنب مستفيدين شي بالعكس الحق بيصير معك لو انك مخطي لان نص حارتنا شيبان مخرفين
وبيقولون واحد عمرهـ بالعشرينات اكيد هو الي مخطي و هات من الدعاوي ياكافي الشـرر gif22
و زبدة الكلام : انت تبي شي من طال عمرك ؟
قال : لآ مابي شي منك
رحت انا و كلمت اخوي و قلت السالفه كذا و كذا و كذا
قال اتركه عنك هو نفسيه اصلا
قلت اجل انتهينا دامه نفسيه
انا الي فاقعن مرارتي انه مسوي نفسه برييييييييييييييييء مرهـ من كل شي
حتى لا سلموا عليه الناس يحترمهم ولا يقول شي
اما لا شافن لحالي يامالك من التعلين الي يجي
انتهت السالفه و هو ما زال يتفـل من بعيد ويلعـن و آخرته امس و قبله من تاريخ كتابة الموضوع
طبعاً والله اني مادري اجمـّـع له ولا اروح انخله وانهي السالفه ولا اتفاهم معه
انا تفاهمت معه بس السالفه مابه ولا جابت أي نتيجه !!؟
وش رايكم انتم
الصدز يا اعضااء الزين ودنا تفزعون لي
لعل من بعضكم يجيب فكرهـ من عندهـ او خطه يمكن تفيد
ومنكم نستفيد
حرر الموضوع : يوم الجمعه [ يوم اني جوعان و بروح افطر بعد شوي ]
مواقع النشر (المفضلة)