{..
اليكم هذه القصيده المتواضعه واتمنى انها تنال اعجابكم
قلبي من الأوجاع طفّـى شموعـه
والكبد فيها مـن غثاهـا تمـزّاع
عيني بعينه يـوم هلّـت دموعـه
لاعادها الله لحظت(ن) هزّت القـاع
أقفى ورجلي في محلّـي جزوعـه
والعين كن في داخل العيـن لمّـاع
سهرت لين الصّبح بيّـن طلوعـه
مع خيالـه بـسّ مانـي بطمّـاع
عـزّاه لامنهـا طرتلـي اطبوعـه
أضحك ودمعي يسبق الضحك ملتاع
حكيه خفيف وفيه نفس(ن) قنوعـه
وماهو من اللي للمطافيق سمّـاع
وإليا نظرت ابعينه ألقـى دروعـه
متحاميه قلب(ن) عليه الزّمـن لاع
اقهوته الشّريـان وقلبـي قدوعـه
وصفّة فناجيلي من الويـل صنّـاع
أنا آدري إنّي ساكن(ن) في ضلوعه
وهو بعد له مسكن(ن) بين الاضلاع
حالي عقب فرقاه ياويـش نوعـه
مدري كآبة نفس وألا العقل ضـاع
وهذا الزّمن لابدّ نمشـي بطوعـه
لازم نطيعه كانه أبطـى ولا طـاع
واللحظه اللي هـلّ فيهـا دموعـه
يالعنبوها لحظت(ن) هـزّت القـاع
..}
مواقع النشر (المفضلة)