سعيد بن مانع (1407 هـ ) هو شاعر سعودي


حياته



شاعر شق طريقه إلى النجومية في وقت وجيز دون عوائق أو حواجز تقف أمامه فهو كون له قاعدة جماهيرية كبيرة على مستوى الخليج العربي وفي ساحة الشعر شعبي فهو يملك حنجرة ذهبية تطرب لها المسامع فعندما تسمع قصائدة فأنك بنهر جاري وعذب فاقصائدة مسبوكة ومحبوكة بماء الذهب وتعتبر قلائد يتزين بها عنق الشعر الحقيقي فمعظم قصائده تحمل في طياتها هموم الوطن وهموم المواطن وهموم الأمة الإسلامية وتعتبر قصائده من الذهب عيار 24 غالي الثمن فهو صاحب عقل راجح ويعتبر أبو عبدالله قدوة يحتذابه في جميع المجالات الحياة وله عدة مشاركات وكان آخرها مشاركته في شاعر المليون.
وبدأت نجومية الشاعر سعيد بن مانع بعد مشاركته في احدى الاصبوحات الشعريه في دولة الكويت وتحديداّ في كلية الحقوق بجامعة الكويت بعد أن آثار اعجاب الجمهور الكويتي والتي كانت ذات تغطية كبيرة وواسعة وصلت إلى الخليج العربي عن طريق مواقع التواصل الأجتماعية ( يوتيوب - تويتر - انستقرام ) واشتهر الشاعر بالقصائد الغزلية التي تمس وجدان الجمهور بطريقة عذبه





من قيض دنياي جيت ادور ظلالك
وارتاح من عقب ماأشقتني مسافاتي
هالك وضامي مشاعر والبدن هالك
يايبس ريق الخفوق وقل حيلاتي
واللي جعلني بلا تفكير أسعى لك
اني لأحسدك في صبرك بغيباتي
ياقو قلبك اقل القول ؟ وش حالك
شحّيت وش عاد لوني قلت لك تاتي
هبّتني اشواق لك وارسيت في جالك
وبالفعل الأشواق تجري عكس مشهاتي
لو هو بيديني أبد والله مااعنا لك
لكن شوقي فضح بقلبي بنظراتي
جيتك مجمّع حكي من يوم ترحالك
وصوّخ اذانك لصوتي واسمع الآتي:
ماأبدن سئمتك ولا ببدل إبدالك
به حي قد قال لك سئمت نبضاتي ؟
نعم أحبك ولا علي بإهمالك
وان كان حبك غلط ؟ ياحلو غلطاتي
هذا انا ياحبيبي بآترضّا لك
من يوم قفّيت وانا العله بذاتي
قفيت بالحالك ؟ ابدن ماانت بالحالك
خاوتك فرحة خفوقي وإبتساماتي




قصيدة ياقابر احساسي

ياقابر احساسي ؟ تملت مقابرك
يعني لأني مانهيتك ولا بحت ؟
للحين وانته ماتخلي مكابرك ؟
وللحين في ليلة غرورك ولا أصبحت ؟
لقّيت لكفوف المشاريه صابرك
وقفّيت لكفوفٍ تواسيك لا صحت
وأغلقت عن حوض المواصل صنابرك
وأجدت في صخر الجفا روعة النحت
تجرح وانا اللي بعد هذا ؟ أجابرك
آسف حبيبي يوم منك تجرحّت
مظاهرك لو هي مرآية مخابرك ؟
ان كان قد قفّيت منك وريّحت
ريشتك ؟ وش تسوى بليا محابرك ؟
وعيشتك ؟ وش تعني بدوني \ إذا أفلحت ؟؟
الحل بيدك وانت تعرف معابرك
وافراقنا نتايجه خايبه بحت
اروح منك ؟ كيف وانا اللي خابرك
تنوح وارجع لك برحمه اذا نحت
تروح مني ؟ رح مانيب جابرك
وياكثر مابفقد خفوقي اذا رحت

انا وش اللي بغيبتـك مستفيـده ؟
صدري وصل م.. الهم حد الشباعه
الصبح يضحك لي بضحكه جديـده
وانا الى هالحين مانمـت ساعـه
اسهر واسامر كل نجمـه فريـده
وان نمت ؟ قالت ليه هذي القطاعه
ياغايبه والليـل لا قويـت ايـده ؟
يدي ضعيفـه ماتقـاوي صراعـه
الحـب دمٍ والمواصـل وريــده
والقلب هو اللـي يزيـد اندفاعـه
غبتي وسميتـك : قريبـه بعيـده
والعين تحسد خافقـي عالقناعـه
جاعت عيوني شوفتـك ياعنيـده
ماترحمين اللي بلتـه المجاعـه ؟
بينـي واحزانـي علاقـه وطيـده
مثل العلاقه بين عقـرب وساعـه
فراقـك الله يمحـقـه لا يعـيـده
لازاد زاد الجـرح معـه اتساعـه
نسياني اكذب من كـلام الجريـده
وكتماني اعتم من عتام الإشاعـه
وأشواقي اصدق من فعايل رفيـده
وأبلغ من طعون اليدين الشجاعـه
شوقٍ هبا في القلب وسم الحديـده
والقلب لولا الصدر ؟ تم انتزاعـه
ولاجـداي الا حـروف القصيـده
عسى تزودنـي شويـة مناعـه
لك الله اصبر عالريـاح الشديـده
يالمركب اللي ضاع منه شراعـه
عسى الفرج يقبل ويهنـاك عيـده
وتبات عين اللي شقا البُعد لاعـه
وأقول للنجمـات فرصـه سعيـده
والمعذره دامي نويـت القطاعـه
ياغايبـه والنخـل يبّـس جريـده
ولا يغـرك راسهـا وارتفـاعـه
به في غيابك فايده بـس وحيـده
يمكن إنها هي العـزا والشفاعـه
تدرين وش في غيبتك مستفيـده ؟
اني اصلي الفجر ويـا الجماعـه.....