مسرحية أبو عطي راح وطي
مقلب كوميدي يعرض مشاهد معبرة عن بعض
الصعوبات التي تواجه طلاب الثانوية العامة
عند التسجيل في الجامعات !.
(المشهد الاول )
في منزل (والد عطيه ) عند مدخل الدار با لقريه ..
يجري (ابو عطي ) لااهثآ وبيده الصحيفه خائفا لائذا
بثوب..ابيه .. وهو يعلم برسوبه (حيث لم يرد اسمه
ضمن مجموعة صفحة الناجحين )
ابو عطي : يوبا ..ابوي ..ابوي.. قريتنا والحمد لله
ماتعبت ادور على اسمي وين فيه تحت عنوانها،
(قريت بس (لم ينجح احد ).
الوالد : يضربه ويركله مجرجرا ثوبه (الله لايبارك
فيك على هاالبشارة ( لم ينجح احد ) كنك جاي
تبشرني بنجاحك .
قم.. قم واذلف عن وجهي .. يامال الفلس (ويش
اسوي هاالحين .. انا ماصدقت ننتهي من هاالمدرسة
اللي اذتني باخر الدنيا .. ثلاثين كيلو روحة .. وثلاثين
مثلها رجعة .. والحين يقول ماهو بناجح ) (يحدث نفسه )
الوالد ينادي على ابي عطي : وهو يسمع بكاءه ونحيبه
( البكاء جعير عال بصوت مضحك ) :يا الاثول ياالاثول
.. يامال المصيبة .
يرد ابنه ابو عطي : لبيك يوبا .. لبيك
ابو عطي : الحمد لله .. الحمد لله .. (متلعثما ) كلهم ..
كلهم .. كلهم مانجحوا مو بس انا .. صلبوخ .. عوير
.. صوير ..
نفاخ الطير .. كلهم _ كلهم مانجحوا .. الحمد لله ..
الحمد لله .
ويستمر في البكاء .. نائحا .. صائحا .
ينظر اليه والده نظرة احتقار وحزن ويهم بضربه .
ولكن بكاؤه منع الوالد من ضربه . .
الوالد : اسكت .. انطم .. خلنا نشوف ويش بنسوي
بها المصيبة .
ابو عطي : يوبا .. ابوي .. فيه_ فيه دور ثاني
يعني باختبر مرة ثانية وبانجح انشاء الله وبادخل
الكلية ويش ويش يسمونها (انتر نت كافيه ).
^
^
^
^
^
^
^
^
في المره الجايه احط لكم المشهد الثاني
مواقع النشر (المفضلة)