[poem=font="Simplified Arabic,4,deeppink,bold,normal" bkcolor="black" bkimage="" border="ridge,5,deeppink" type=1 line=0 align=center use=ex num="0,black"]
سبع ساعات..اسولف واتكلم واستخف دمّي=وهي تسمعني وتضحك ومبسوطة ؟على الآخر؟
سبع ساعات اعلمّها ..عن أحزاني وعن همّي=وأسولف عن حكاية طفل؟كان وصار!هالشاعر
سبع ساعات..تتساقط حروف الصدق من؟فمّي=على صحرا مسامعها..سحب العشق متناثر؟
سبع ساعات..تحلف لي براس العشق وتسمّي=تقول انت الوحيد اللي ملكني؟؟حبّك الساحر؟
سبع ساعات..نادتني!!باسمه!ماهوباسمّي=تناديني؟(فهد) واسمي انا ياللأسف جابر؟
تشنّج..كل شي كان حولي ومسمعي يدمي=ركز خنجر(فهد)في مسمعي من صوتها الخادر؟
تخدر..فكري وجسمي وذاب ابداخلي عظمي=وصرت اسمع؟؟صدى صوت يردد غلطة؟الشاطر؟
يردد غلطة الشاطر!بعشرة؟وّاقعي حلمي=وتـرددّها زوايا غـرفتـي والواقـع الغـادر؟
كثير؟أصوات شقّت جلدي!اللي يحتضن لحمي=صـراخ البـاب!والـدولاب!والشبـّاك والساتر؟
وونات القلم؟والدفتر اللي يلتفت يمّي=وخايف!!وش ابي اكتب بوسطه من هنا لباكر!
وكانت؟؟ساكته..صوت النفس من خشمها وخشمي=ربع ساعة؟..؟وبحّت!صوت قالت خير وش صاير؟
وطرة في بالي..عبدالله وخالد وأحمد ونشمي=وآخرهم..(فهد)..تسعه وانا مدموغها؟العاشر
وقلت أبدن؟ماغير الخير..رجاءً امسحي رقمي=أكيد انه (فهد)..جالس سبع ساعات وهّو ناطر؟
وقالت لي:رجاءً جيت اقوله طير ياعمّي=مسوّي حضرتك؟؟في هالزمان العاشق الطاهر
وقالت لي:أقول..وقلت أنا باقول وذا ؟علمي=عجب للناس وش هالناس تخطي وبالخطا تكابر؟
أنا يابنت..؟ينثر لك حياتي واجمعي ولمي=بعضها بنثره في مسمعك هالحين ومن الخاطر؟
ترى عمري؟؟انا تسعة وعشرين وكذا؟رسمي=ولكـن عشـت أيامـي دبـلها مقبل وعـابر؟
أصيل وكل اصيل مايبي مدحي ولاذمي=وسبع أنعام فّي هالناس اخص الحامد الشاكر
أنا من نجد..وربعي هم عتيبة وخالي الدحمي=وبرقا لحمي ودمي وانا من روق ومعْــ..ناصر
انا جابر ولد هايف وسلم الطيب هو سلمي=أبـوي اللي مربّيني على الجـزلات واتفاخر
أنا راعي مجاهيم..يشع بفخذها وسمي=وراعي خيل وراعي بير..وبيت مبغضه كاافر
على الرمضا..حفت رجلي بأرض عاشقة ضمّي=وشمس تشرق وتوقف على راسي وانا صابر
عرق وجهي يصب..وامسحه بشماغي وكمي=وألد عيوني عن الناس..سرقتي يمّها الناظر
وانا شاعر ولو اكتب عجز كل فكر في نظمي=ولاني بالغـرور احكي ولكن واثق وقادر
وانا رجّال..هاوي للقمم..ويقودني عزمي=وأبي أرقا على راس الجبل وانتي مع الحادر
عرفتي ليه؟انا طاهر؟لانك همّي وغمّي=ولأن الدنـيا في عينـي جبل نرقـاه ونغامر
يابنت الناس شفتي كيف؟بليا سلاح مانرمي=ولانوقـف بوجه البنـدق المـليان ونخـاطـر
خلقنا الله بشر بعقول..وذا واقع وذا وهمْي=وكـلٍ يتبـع مـراده وفينـا رابـح وخـاسر
وقالت لي فمان الله..شعلت النار في جسمي=فمـان الله يالطـاهر..ومثـلك قلـه ونـادر
ورحت أخذ كتاب الله واحلف ليه يا أمّي=لو ان اسمي (فهد)..بالله ماكان احلا من (جابر)
.
.
.
للشاعر / جابر بن هيف [/poem]
مواقع النشر (المفضلة)