(هب البراد وبشر الوقـت بالخيـر)
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[align=center]هب البراد وبشر الوقـت بالخيـر=والغيم فـي جـوه تزبـر سحابـه
نسمع على رفحا وبلقان وعشيـر=غثاء سيلن كـل طايـف حكابـه
يالله من المنشى على (عليه) يسير=زفـول نـون إيتقـارع ضبابـه
يهل وبله مثل ضـرب المساميـر=يقطع على الشعبان بأعلى هضابه
لحيث ماتعرف عسوس ومداويـر=حوزم صدين تزبـن الـي وزابـه
وانشوف زفق العشب فيها مزابير=أتقول داخل فـي دهاليـس غابـه
خلاص مايحتاج للوضـع تأخيـر=يا لعنبو رجلن مـا يغنـم شبابـه
قررت اشيل العفش فالحال واغيـر=جاهز ولا يحتاج عنـدي حزابـه
والجيب ربعن من الامارات تصدير=يحرم عليه ماحـدن قـد مشابـه
وخوت نشامـا طيبيـن مناعيـر=أما من اقصى النـاس ولا قرابـه
يازين لا شفنا الجـوازي مدابيـر=مايسلم الـي راح ينقـل صوابـه
بمضلعن مسلوب والمخمس قصير=اتجمل القانـص وبالـي غزابـه
انزل وشب النار في حزة عصيـر=في مدركن كـن الزوالـي ترابـه
والنجر يصقع والغواري مناحيـر=تقطع وازل الفصل وأشخل سرابه
نحلق ونشرب من قنـاد المباهيـر=فنجالهـا يـدرج ونثنـي شرابـه
وسوالفن يبدابها شيخنـا الزيـر=ثـم القصايـد ثـم جـر الربابـه
والعشا من صيد حـر الصقاقيـر=اضغط وشو واحنذ ولا به غرابـه
انا أشهدن للعمره لذه وذي غيـر=اغنم شبابك قبـل يطـوى كتابـه
ما يسعدك جمع الذهب والدنانيـر=المـال ينفـد لا تحسـب حسابـه
[/align][/poem]
[align=center]م//ن//ق//و//ل[/align]
رد مع اقتباس
مواقع النشر (المفضلة)