قــرقــقـيــعــان و قــرقــــيــعــان .. بــيــن قــصــيـــر ورمــضــان
[align=center]
قرقيعان وقرقعيان .. بين قصير ورمضان
عادت عليكم صيام .. كل سنه وكل عام
من أكثر العادات التي استمتعت فيها هي (( القرقيعان )) ..
وأول مرة (( قرقعت )) يوم كنت بالكويت ..
وكانت من أجمل الليالي .. على إني كنت صغيره بس مازلت أذكر وحنا نلف على البيوت
وننشد أنشودة القرقيعان ..
ويفتحون لنا ويعطون كل واحد فينا .. تشكيلة من الحلوى والمكسرات
ومارجعنا للبيت إلا وحنا مانقوى نتحرك من كثر المشي
هنا بالسعودية هالعادة مقتصرة يمكن على سكان الشرقية يعني المناطق القريبة من البحرين والكويت .. لكن هنا بالمنطقة الوسطى وغيرها
هالعادة غير موجودة عندنا
بس فيه حاجة تشبهها لكنها اندثرت .. وهي كانوا يسمونها
(( الحوامة )) ..
والحوامة كانت أول أيام العيد .. لكن القرقيعان كان ليالي 14 و15 و16 من رمضان
وهي شبيهة بالقرقيعان كثير ..
في لبس الأطفال .. وفي لف البيوت والإنشاد
بتكلم عن (( الحوامة )) .. لكن بما إنه بدري ع العيد بأجلها
وبتكلم عن القرقيعان
(( القرقيعان )) ..
هي موروث شعبي أو عادة تكون حين ينتصف شهر رمضان
وتحديداً ليلة 14 إلى 16
وسميت (( قرقيعان ))
إما لكون الحلوى والبسكوت والمكسرات تكون مخلوطة عشان كذا سموه قرقيعان
أو يمكن لأن الأطفال يقرعون البيبان .. وأخذت من القرع
وتبدأ بعد أن ينهي الأطفال إفطارهم ويكونون لابسين ملابس جديدة في الغالب
طبعاً قديماً كان البنات يلبسون أثواب ملونة وعلى روسهم (( المخنق )) المطرز
والأولاد طبعاً ثياب وطواقي
وكلهم معلقين أكياس مصنوعة من قماش .. وأول كانوا أمهاتهم يصنعونها لهم
ويتجمعون .. ويبدون يلفون الحارة ويمكن يطلعون لفريج ثاني إذا لزم الأمر
ويطقون باب باب وبيت بيت ..
وهم يقولون ::
قرقيعان وقرقيعان .. بين قصير ورمضان
عادت عليكم صيام .. كل سنة وكل عام
عطونا الله يعطيكم .. بيت مكه يوديكم
سلم ولدهم يالله .. خله لأمه يالله
عسى البقعى ماتخمه .. ولا توازي على أمه
قرقيعان ببيتكم .. الله يخلي وليدكم
قرقيعان بسكتكم .. الله يخلي بنيتكم
ولاخلصوا قالوا :: نسوق الحميّر وإلا نوقفه .. وهذي على فكره نفس الجملة يقولونها أطفال
(( الحوامة )) عندنا وهنا يظهر الشبه بين القرقيعان وبينها
إذا قالوا لهم وقفوه .. انبسطوا الأطفال
لأنه معناه فيه حلاو ومكسرات وأوقات فلوس ويرددون
(( سلم ولدهم يالله .. خله لأمه يالله ))
وإذا قالوا سوقوه .. في الكويت يقولون (( ويص ويص كل بيتكم جعاميص ))
وصراحة ماأذكر اني قلتها يوم قرقعت .. ولا أعرف وش معناها بس أكيد انها مسبه
بس في (( الحوامة )) يقولون دعاوي تعور القلب gif22
ولما يخلصون يرجعون لبيوتهم ويبدون يحصون اللي نالوه من القرقيعان ..
ويستمتعون في أكله ..
ختاماً ..
أسوق الحميّر وإلا أوقفه
<<<< تبي قرقيعان
كل عام وأنتم بخير .. وعساكم من عواده يارب
بقلم :: أنــــشــــودة الــمــطـــر [/align]
<= الحوآمه عندنا يعني اللي يطلع كثير بس مدري عندكم وش معناها !
مواقع النشر (المفضلة)