شَبَابْ جده مَع التَحيه /..

[nothing]

السلآم عليكم ورحمة الله وبركاته ..
وشسمووه من العايدين < أتحدى أحد سبقني :24ar:

جِده وشبابهم وطموحهم :25ar:
مقدمه بسيطه أختصرتها قبل لا أدخل في الموضوع ..

ما أتحدث عنه فئتين مِن الشباب داخل المملكه العربيه السعوديه

1_ شباب يعيش في عالم الخيال :
هذي( الفئه ) تحلم بالمكانه الإجتماعيه المرموقه وحياة سعيده ومستوى إقتصادي ممتاز
وبِ المقابل تتصادم أحلامه مع واقِعه .. لايُريد بِ ذلِك أن يحُقق شيء مِن حلمه
لا لِ شيء يستحق ..!
فَ الثقه والطموح والمثابره بِ جانب العمل < يفتقدها
ويُلقي اللوم على غيره ..!
بِ أن الشباب مظلوم ومسكين وووو ........... كلام لايُفيده

2_ الشباب الطموح :
هُنا الشاب واثق بِ الله وبِ نفسه , طموح , يعرف ماهو دوره وماهي مسؤلياته
وحتى إذا كانت لديه وظيفه .....!
لايقف عندها فقط , ولا يكتفي بالأحلام كما غيره..!




ودّي نكون شوي صريحين ..
بّ أبدأ أتكلم عن الفئه الثانيه
الشباب الطموح الي ماشفت مثله (غير في شباب جده

جلست هالعطله في جده (28) يوم
وكل يوم طبعاً لازم أروح مول ..
تقريباً الي يشتغل بِ المحلات الي في بعض المولات كلها سعودين
تدخلين المحل إلا أهو شاق الإبتسامه وهذا إذا دل على أنه مبسوط في عمله ولا ألتفت لِ كلآم الناس ..
مرّه دخلت محل الجزم وأنا جالسه ع الكرسي جى السعودي وأشرت له بالجزمه الي أبيها
تخيلوا ما أعطاني اياها وأهو واقف
جلس عند رجولي وأعطاني اياها وأبتسم < أنا هنا أنصدمت
أنا قلت له معليش وقف أعطيني أياها , ترى عادي , قال أنتِ زي أختي ومافيها شي ?
يعني في محل جزم الله يكرمكم ويشتغل بإخلاص وحاب شغله ما حط أي إعتبار لشي ثاني :)
غير أنه يبي يحسن من وضعه ومستواه ولا أعطى حلمه وجه < ما أعطاه وجه يا الرياض
وغيرها مواقف مرّت كثير مافي لزوم أقولها :24ar::24ar:
غير أثنين ألفتوا إنتباهي بِ شكل كبييير ..




^
هذولا الإثنين مسوين مشروع صغير لهم
مرّه الفكره حلوه ماخذين طريقة عجينه فرنسيه
ويسوون فيها حشوات مختلفه وخفيفه
يعني بالنيوتيلا والكندر < وهذي مِن أفكارهم :24ar:
ويسونها قدامك .. والمكان وسط المول
المهم أخذنا وعطينا معهم لأن شفناهم مو مسحجين ولا هم مِن الي نص كم
محترمين بِ معنى الكلمه
قالولنا عن بدايتهم وكيف أنهم واجهوا معوقات بسس بطريقه غير يعني بِث ثقه وبِ فخر ولا هم يم أسلوب التشكي
كَ مثلاً (حسد التجار) لأنهم على كلامهم كانوا فاتحين بِ مول ثاني ولمّا نجح المشروع هذا
جاوا بعض التجار وقلدوا الطريقه ومرّه صارت مشكله في العقد وزي كذا أشياء مافهمتها مرّه :(
وبالأخير أستأجروا المكان الصغير هذا بِ مئه وعشرين ألف بالسنه وغير هذه الفرن الي يسوون عليه بِ سبعين ألف شارينه
وكل هذا ماخلاهم يتحلطمون ولاّ يقولون أحنا مساكين سوينا الي علينا ولا أحد شجعنا
ولا الناس وش بيقولون علينا لمّا نسوي الطبخه قدام الرايح والجاي ..!
وبعدين صرنا كل أربعة أيام أو يومين لمّا ندخل المول نروح نشتري من عندهم
حتى صاروا يحلفون ماياخذون بس أكيد إلا نعطيهم حقهم
المهم واحد من هالأثنين دكتور وعنده عياده وأب لأربعه وأهو تقريباً ماتجاوز 33 سنه مِن شكله ..!
يعني ماشاء الله تبارك الله وش أقول ووش أخلي :24ar::24ar:
ماحدّه شي على ها الشغل هاللي على كلام الناس مو برستيج ولا هو مِن مستواي وكلام تعبان والي يقوله متأكده أنه ماهو بالتأكيد دكتور ..!
والثاني مذيع في التلفزيون
ماقال أنا مذيع ومعي شهاده زينه .........وغيره /
لا والله الناس يشوفوني بالتي في واليوم الثاني أسوي لهم أنا كريب وأبيع
برستيجي مايسمح وخل أجلس على وظيفتي وتقديمي للبرنامج .......!


وغير الي ذكرت والله كثير يعني أغلبهم ياناس معهم شهادات أحسن منكم :24ar:
في منهم فاتح بيت وماخلّى على عياله قاصر يهج ليل ونهار يبي لهم العيشه الكريمه
بِ جانب أحلامه عمل يحققها وماحط كلام الناس الي مايودي ولا يجيب في راسه
تدرون وين فيه حاطه تحت رجله :24ar:

مو مثلكم أكبر همكم وش قالوا ولا مو من مستواي والمشكله تلقاه شهاده زي الناس مامعه
ولا أكتفى بوظيفته وكتف يديه
يعني في الرياض < خصيتهم لأني منهم وعارفتهم
أخوي يقولونا أن صديقه طفران وجالس بوظيفه راتبه فيها 7000 ريال
شاري سيارة بي ام بالتقسيط .. وأي جوال ينزل معه كل يوم جالس يغازل بِ شارع التحليه
راتبه يروح في كافيات ومطاعم وفي كشخته
وفي العطله يمشط دول أوربا
مديون لِ راسه .. وجا أخوي لأخوي الكبير يبي يتوسط له لمّا قاله
أن سكرتيره مستقيل عنده .. ويحتاج سكرتير
لو تشوفون ردة فعله بسس
ماهو أنا الي أشتغل مثل كِذا أنا قلته مو محتاج عندي وماعندي
بس أبي أحسن دخلي وكلاام تعبان < ياسلام أبي أفهم يحسن دخله على أيش
أهو أصلاً أستفدت منه شي
يعني هذا أكبر همّه وش قالوا ولاّ برستيجي( موكافي أنه مقترض عشانه ..!

ولاّ واحدن من أخواني راتبه 20 ألف ريال والله أنه مايجي على أخر الشهر إلا طفران
رايح في كماليات سخيفه وحلوف على فلان وعلاّن مهايط وكل فتره جاي لنا بسياره غير
ولا بعد ماخذ قرض مدري على أيش لامشروع ولا مسؤليات ......!

المهم ليش كِذا ياشباب ترى مايصير < لا أسلووووب مدري وش يبي
وراه ماتشتغلون ولا تبدون في مشروع صغير على قدكم حتى لو عندكم وظيفه ترى هالأيام ماتأكل عيش :(
ليش جالسين لنا بس تحلمون وتلومون ...؟!

خصّيت جده لأني شفت نماذج كثيره تشرّف وترفع الراس طموحه وواثقه < أزعجتينا بالطموح والثقه ترا :24ar:
ولاّ الرياض أهو بس كثروا الي يشتغلون لموزين وفضّحتوهم أنتبهم منهم وأنتبهوا
شافوا عشره عمّوا ألف ......!
الي بالمحلات أشوف فيهم عدم ثقه ولا حُب للي يسوونه .. < موكلهم بسس الغالب طبعاً
كلّه على أيـش ؟!

[غلا الزين]

،

روونق يآجمالك بس :24ar:

خسآآره ومير اني شآيفتتهم بردسي مول
بس وقفت عندهم ومدري وش يسوون
عبآالي من اللي يوزعون نشرات وكذآ تبع مهرجان ام بي سي اف ام
وآستحييت بجد اني آسآلهم

حتى هم وقفوآ ينتظروني انا وخواتي نجييهم ومير استحي واسسحب


ماعلينـآ :24ar:

مششششششششششششكله اهل ننجد انهم يحسبون لكلام خلق الله الف حسآب
ورآعيين مهاييطيه اغلبهم موب الكل

لو علي وانا بعطله مثلا ولاششغل ولا مشششغله ورا ما اشتغل اي شغل بسيطه
تتدخل علي دخل حلو يغنيني عن شحآذه اهلي

ولد عمتي متخرج من الكليه له 4 سنينن تقريبآ
ويقولون له اشتغل شغل بسيط مثلا سيكريورتي او بالرسبششن او بالاشيآء ذي :24ar:
صصصح انها ماتفتتح بيوت على قولة اكثر الشباب مير على الاقل تلبي طلبااتك
موب عاله على ابووك حتى خواته شآيلات انفسسهن وهو عله

اعتقد ان البطــآله ماايخلقها الا الشباب انفسسهم

طيب ايآ كانت شهاده مالله كتب لك وظيفه دوور في اشيآء ثآننيه :24ar:
حتى لو دخلها موب ذآك ميير تغننييك ، لين الله يفرجها ويووظفك وظيفه تسسد حاجتك:24ar:

ياخيي احمدوآ ربكم والله اني ودي اششتغل واضيع وقت انقرفت بالبيت في العطله
بس مجتتمع ضدنا ودآآيم يقولون لنا انثبري واقضبي ارضتس im22


بصرآآحه في مولات القصصيم انتششرت السعوده بششكل كبير:24ar:
واغلب اللي يبعوون فيها شبآآآب سعووديين :24ar:

ولله ماينقص من قدرهم ولا احترامهم:24ar:
بالعكسسس الا يرتفع قدره ويكبر بعييني والله :24ar::24ar:


يآ انا راعية طويله


وشكرا رونق
:25ar:

[شبيهة المطر]

رونق على إنك تو حشيتي فيني بس يالله نكسب فيك أجر
ونرد على أحد مواضيعك السقيمه

مانيب أعرف شباب الرياض إلَّا من عطوراتهم اللي يتسبحون فيها
والغتره المرسَّمه ! تقول بعرس ولد عمه
ولا يناظر فيك إلَّا لازم يرقم ..

وقسم شباب جده غيـر !! يالله هزني موقف الي يبيع بمحل الشوز !!
صدق تحسينهم متواضعيــن !! وجاي بكل بساطه عند رجلي يلبسني
أجل يامال الي منب قايله تروح تستاجر رنج عشان تتميلح بالتحليه أنت وأخوياك ( ياي )

يقطع أبو الطموح اللي تعرفونه

لي عودة لا أنكروا عيال الرياض >> مافيها حرش أبد :8ar:

[حيران في عالم النسيان]

شوفي الشغل يبي له شجاعه وغير كذا عزيمه
المشكله ان حنا يا اهل الرياض عزيمتنا تروح على طول
كلن يجي ويحطمك ماودي اقولكم شي ثم
يتحطمون الشباب بعد زياده

[merci]

أسوء شيء تكتبين رد طول قريح بعدين تصكين الصفحه وأنتِ متحمسه


الوكاد..,

عيالنا يا أهل نجد تسلآآآب ماذاقوا طعم الفقر عشان يقومون يكدون ويواسون..,
أكود ماعليهم لا جاك رجال طول بـ عرض ومد يده لـ أمه قال يمه أبي فلوس..,

ما أعمم لكن فيه فئه لا يستهان بها من أهل نجد كذا طبايعهم وأولهم التسلآب أخواني ..,

عندنا قناعة يا أرض إهتدي ماعليك قدي أنا فلآن ولد فلآن أسوي أو أحط كذا.., !!
يعني مدري هل هو السبب في التربية وحنا اللي نزرع الشيء هذا في دواخلهم ولا أيش ..,

القناعة هذي بدت الأيام هذي ولله الحمد هه شووي تخف إنهم مايشوفون غيرهم بـ نظرة إستحقار..,
بس تدرين قسسم بـ الله أرحم أحياناً هـ اللي يشتغلون..,
تقولي وحدة رحت لـ فيسز وكان ولد سعودي وسألته عن شغلة تقول قالي بـ صوت واطي وكله حيا وكأني ممكن بـ أي لحظة أذبحه عادي أقولك وأشرح لك عنه !!
تقول قلت أيييييي خذ رآحتك أحتس إلىآ بكرآ وش بلآك..,
قال دايم الحريم لا تكلمت يحسبوني أغازلهن ولا إني أتحرش فيهن ويهاوشن وأنا والله كل اللي أقوله شرح وكلام !!
يعني تجيك عقليآت تجيب المرّض وكل شيء سيء ويحطمون لك هـ الضعيّف اللي يدور رزقه..,
مشكلتنا ماعندنا ثقافة إن الشغل موهوب عيييييييييييب..,

واحد من أخواني هو اللي هه تسن ربي هاديه مافيه شوفه نفس من أخواني كان عندهم آخر ترم تطبيق في شركة..,
أشتغل فيها طبعاً راتبه 2500 ما ترك الوظيفة لأن المدير بـ الشغل ماكان يشد عليه بـ الشغل خصوصاً إنه طالب..,
خلص تطبيق وماترك الوظيفة يقول 2500 تكفيني قيمة البنزين علىآ الأقل ولا أمد يدي لـ أمي ولا أبوي أبي فلووس بـ أطلع أنا وأخوياي !!
طبعاً كل الخلق هبت فيه ورآك تشتغل هـ الشغلة وبـ 2500 ..,

هذا هو الوحيد من أخواني اللي مايتكلم في البطالة ولا الخرآبيط ذي..,
لا قالوا له بطالة ومدري أيش قال إلا شعب همجي يبي له كرسي ومكتب وأنا المدير بـ أتأمر عليكم..,
يعني أبي أفهم الحين ليش عندهم عيب لا قام مسك له شيء وقام يبيعه..,
موهوب أحسن من مايجي لك واحد أجنبي ويجلس يسترزق من خيرنا !!

أضيفي إليها إننا شعب جداً جداً جداً جداً مهااااااااااااااااايطي ويحب المظااااااااااهر..,

أنا فلآن ألبس كذا !!
انا فلآن أسوي كذا !!
الله وأكبر عاد وش أنتم شايفين بـ عماركم !!

واحد من أخويا خالي أشتغل في بسطة يبيع خضار وفواكه..,
والحين أكبر ثلاجات الفواكة بـ الرياض له + 3 محلات عصير مشهورة جداً بـ الرياض له..,
وهو بدايته صبّي في بسطة خضار وفاكهه !!

الموضوع ذا يسبب لي حساسية
إن كملت بـ أخنبق وأحوس

رونق..,
جعل والدينتس بـ الجنة أقضبي :25ar: