[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إن كان لي وحشةً ياللي على بالـي=وتقول ربي يحفضك يابعد عينـي ؟
مدري انا اعنيـك ولا انـه يهيالـي=بس الوكاد انت ,, كل مافيك يعنيني
مافيه داعي نـذوق المـر والحالـي=ولا فيه داعـي تباعدنـي وتدنينـي
اناجي النفس انـا بقفـاي واقبالـي=(واتخيل) انك تحـط يديـك بيدينـي
وارجع على الواقع الاقشر وغربالي=واشوف بعد المسافه بينـك وبينـي
وارجع وقول (الخيال الكاذب) اشوالي=اقل حاجـه يجـي طيفـك يسلينـي
واروح ادور لطيفك بيـن الازوالـي=احاول استرجعـه ماعـاد يمدينـي
طيفك رحل من خيالي وانت تبقالـي=حلـمٍ حلمتـه وتحقيقـه يكفيـنـي
لك مني الحب والاخـلاص ياغالـي=وانا بعد منك ابي بالحـب تعطينـي
ولك مني فراش عين وعينٍ ظلالـي=وانا بعد منك ابـي حظنـك يدفينـي
إن جيتني ياهلابـك فدوتـك حالـي=وإن افترقنـا دخيـلـك لاتخليـنـي
امانتك تحتفـظ فـي رقـم جوالـي=حتى لياابعدت عنـي تتصـل فينـي[/poem]
مواقع النشر (المفضلة)