هبـــّـاس وبنــت عمـّـــــه

[ذرب المعاني]

قصة صارت أحداثها في منطقة حائل وهي:
إنه كان في بدويه ترعى بالبل ، وكان ولد عمّها محيّرها ، لكها ماكانت راغبته وكان خاطرها بواحد بعيد عشقته وعشقها
فخطبها ولد عمها ورفضت وقالت لأبوها وحاولت تقنعه بأن مايوافق ، قال هذا ولد عمك محيرك إن قدرتي تعتقين نفسك منه روحي له..

راحت له في بيته وجلست بينه وبين النار وقالت له أنا ياولد عمي ماني شايفة فيك عذاريب وأنت ولد عم وعادّتك مثل أخوي وأبيك تعتقني . ويعلم الله ماني خابرة بنت بهالعرب ماتمناك لكن أنا ما أشوف أكره منك يمشي على الأرض وأنت تبي تتزوجين عمر لاهو يوم ولايومين ولا ّ كان أصبر..

وكان ولد عمها عارف إنها تبي لها واحد غيره فـ قالها : والله لو تطبق السما على الأرض أن قرنك هالأشقر هذا مايطويه غيري على يمينه ..
قالت البنيّه : والله الدين اللي ماهو دينك إن هالقرن ماتلمسه وأنا حيّه .. ولا السما والأرض ماهن داريات ٍ عنّا


وبأحد الايام يوم رجعت من البل وشافت بيت شعر مبني جنب بيتهم قالت هذولا وكاد عرب توهم نازلين وتعدت لبيتهم وسلمت على أبوها ودخلت الشق وقابلت الغليم وسألته عن البيت فقالها : هذا البيت لهباس اللي هو ولد عمها
وكانت مجهزة فنجال به سم .. غيبته بين يديها وراحت لأبوها وقالت له يايبه أنا طالبتك أنك تعتقني من هباس
قال لها أبوها: ارجعي يابنت ولد عمك محيّرك ولا والله لي كلمة لكن تجهزي للعرس..
فقامت وشربت السم وقالت هذا سم يايبه .. ماوالله ياخذني هبّاس . صاح الصياح وتجمعت العرب
حاولوا بها حاولوا بها مافيه فايدة البنت ماتت ..


راحوا يبون يدفنونها دوروا كفن هنا وهناك ماحصّلوا .. قال الشوير أدفنوها بثيابها
ولد عمها قبل يدفنونها طوى قرنها على يمينه ثم حطه تحت راسه وقال هذا عن يميني

ابوها مالقى عقب موتها أحدٍ يسرح بالبل العيّل صغير ، فطلب واحد من عيال العرب يسرح بها لين يحصل راعي ،
حبيبها اللي هي تبيه كان يترددعلى ابلها لكنه مالقاها فسأل الولداللي مع البل : ياولد ابنشدك عن بكرة وبعيرين ذكروا لي أن بنت طردتها ماعندك علم ٍ عنها ... طبعا قال كذا لأنه مايبى يبين شي للولد..قال الولد والله مدري لكن فيه بنت قالوا أنها شربت سم وماتت مدري هي أو غيرها.. الرجال ماصدق وقال ماوالله تشرب السم وهي تحبني لكن الوكاد أن فيه أحد شايفنا وأهل البنت ارسلوا الولد وعلموه انه يقول هالكلام (انها شربت السم وماتت) عشان أقطع الرجا..

الرجال كان له صاحب يقال له ( منير) وفي ناس تقول أنه أخوه وكان ساكن بعرب البنت ، فقال صاحب البنت للولد ياولد ابرسل معك ورقة لواحد أسمه منير عندكم بالعرب أغديه إليا لقا البل يجيبهم لي وكتبها له ، ووصل الولد لمنير وعطاه الورقة اللي فيها :





[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يا منير ما جاكم عن الترف ذكار=صحيح وان صخيف الروح غادي
صحيح والا طنبلـة علـم قمـار=او جا عنه راع العلوم الوكـادي
وكنك ضربت الكبد نطحٍ بمسمار=من يوم قيل الموت للترف صادي
وانس على كبد كما حر مخطـار=شي جرا جاللبـلا مـن فـوادي
ودك لوالدنيا تصنـت للاشـوار=والموت ياتي لـه نذيـرٍ ينـادي
[/poem]







قال منير توك تعلمنا ، هالحين البنت ماتت ولا لنا فيها حيله والبنت ، والخبر اللي جاك هو الصحيح





[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

صحيح ماهي طنبلـة علـم قمـار=وانا عنـه راع العلـوم الوكـادي
دنياك هذي ما تصنـت للاشـوار=تضرب على مشهات نفسه عنـادي
لوشاورتنا كان ما حق مـا صـار=نفدي بناسٍ عـن ظبـي الحمـادي
ياحيف ياعضودٍ كما وصف جمار=يودعهـن القبـر المهبـا سمـادي
ونهود حدر الجيب غضات الاثمار=والـدود ياكـل مغتـرات الثنـادي
وشقرٍ ضفرهن طولهن خمسة اشبار=يعبا لهن غير الرشـوش الزبـادي
وياحيف ياهبـاس للتـرف قبـار=هبس قرونه عقب ما هـن بعـادي
[/poem]


وسلامتــكم ،،

منقول

[صمت الوداع]

الله الله

قصه روعه

يعطيك العافيه

تحيتي

صمت الودااع

[ذرب المعاني]

مشكوره شيخه على المرور

هلا صمت لاهنتي على المرور وان شاءالله عجبتك القصه

تحياتي لكي

[إنكسر حلمي]

سـع ـد الخـالدي


تسلم يـدك ومشكـور يالغالي ع الـطرح الرائع

والله يعطيـك الـع ـوأفي ولآ ننـ ح ـرم منك

موضـوع حلـو لأ عدمنأك ... بنتظار جديدكـ

تحيتي لكـ -- إنكسر حلمي

[مبارك الهاجري]

لاهنت يا سعد والله يعطيك العافيه