مايصير أخدم ,, أنا رجآل ..!
مايصير أخدم ,, أنا رجآل ..!
البنت تطلب من أخوها أو من زوجها يساعدها في البيت سواء كانت الحاجة لها أو له مستحيل يساعدهآ
طيب ليش ؟ لأنه رجال
يعني موب عيب ولا هو حرام انه يساعد خواته أو زوجته يغسل ملابسه او يكويهن او يشيل الصحون بعد الاكل او يساعد في المطبخ ،
لا ما يصلح عيب طيب ليش ؟ لأنه رجال
واذا طلب قهوه او شاهي لازم تصير عنده واذا ما جهزت او تأخرت شوي يقوم الدنيا ولا يقعدها
احيان الواحد يكون مشغول وموب فاضي لك وش اللي يمنع لو تقوم وتصلح حاجتك بنفسك واذا
قلتله تعال ساعدني في شغله قال لا عيب
طيب ليش ؟ لأنه رجال
انت اكيد انك رجال
مع العلم انه اذا طلع كاشت مع اخوياه يحطهم فوق راسه من كثر ما هو حاشمهم.
مع إن الرسول صلى الله عليه وسلم كان يساعد زوجاته ويخدم نفسه بنفسه وهو الرسول اشرف الناس.
أذكر مره صحيت الصبح وشفت المطبخ معفوس , قلت ياولد خلني اعيد الذكريات يوم كان ابوي يمحطني لاصحى وشاف الحلاوه الطحينيه بالمجلس مفحوسهوالا التلفزيون على ماروكو اعلى صوت
بديت والله ارتب المواعين الوصخه على جمب .. قال كاسات قال قدور قال ملاعق ..وهلم جرا ..
وابتدي بالقدور قلت خل حيلي بالثقيل بالاول وبعدها حبه حبه لين نوصل للملاعق
غسلت وغسلت وغسلت ,, وشوي دخلوا علي أهلي يطالعون ,, طبعا النظرات بينت لي المقوله الشهيره ""حنا بحلم والا علم "" im22
وانا اقول بالله خلوني اخلص بدون أذيه << متحمس
وماوعيت الا صوت مهو غريب علي ,, التفت الا صوت تصوير الجوآل .. يصورون عن قرب وعن بعد وثلاثي الابعاد
ليييييش ؟؟ قالوا بنرسلها لموسوعة جينيس im22im22
انا طبعا >>
المهم ماصدقت وانا اخلص ,, والله ياجماعه اشفقت على البنات والوالده ,, فعلا شغل متعب ومرهق
خاصه لاصاروا معك اخوان جن مهم اوآدم الله يخلف على اهلك ..
استِفهآمآت :
1- ليش الواحد يستعيب انه يعاون اهله ؟
2- وهل هذا ينقص من الرجوله ؟
3- وهل اللي يقول هالكلام ما عنده ثقه في انه رجال ؟
منقول بتصرف
..
مواقع النشر (المفضلة)