لا تشرهـ على احد بعد اليوم ,,
سلام عليكم ,,
" بدون مقدما بسرد لكم موقف صار لي اليوم طول عمري ما راح انساهـ "
مضحكـ , مؤلم , يقهر , تحقد , عبر , درس
im3
عشت خلال ساعه كل هالشعور ,,
اليوم وانا داخل المسجد لصلاة الجمعه صليت سنة تحية المسجد وقرأت سورة الكهف
وجالس انتظر يأذن وتبدأ الخطبة جاء قدامي شخص شكله انسان محترم هندامه مرتب
بس في شي اثار استغرابي الي هو حاط جزمته بكيس ومدخلها المسجد معه وحاطها
قدامه , انا جلست افكر بعقلي الباطن واطرح تساؤلات :
وراهـ مدخلها للمسجد ..؟
يعني معقوله كل هذا خوف عليها انها تنسرق ..؟
حركه غبيه مالها داعي ..!
مو لهذي الدرجه سرقة الجزم والاحذيه منتشره بشكل يومي ..!
وش يعني اذا انسرقت حذائكـ اشتري غيرها ..!
ومو كل يوم بتنسرق ..!
حتى انا عمرها ما صارت لي وانسرقت حذائي او جزمتي ..!
المهم اني طول وقت الانتظار وانا اطرح تساؤلات وانتقد تصرف هالادمي الين اذن
وخطب الامام وصلينا " وما اخفيكم سر اني حتى بصلاتي يراودني هالموضوع "
المهم انتهت الصلاة وطلعت ادور حذائي وما لقيته انسرق
وقلت وربي انكـ احسن واحد يبو جزمه الي بكيس وعقلكـ يوزن بلد وربي ما ألومك
والوعد الجمعه القادمه ان شاء الله بحطها بكرتون ودخلها معي بالصف الأول ,,
نرجع للمعناة الصدق سيارتي موقفها بعيد عن زحمة المسجد تقربا 400 متر عن
المسجد وحرام اخذ حذاء مو لي يعني بروح لسيارتي " حافي " طبعا درجة الحرارة
اليوم 43 والارض نااااااار المهم توكلت على الله وانواع الحرارة والعذاب برجلي وانواع
الحروق واللسع والله ياني حقدت حقد مو طبيعي ,,
خلاصة الحكي " لاتشرهـ على احد بعد اليوم "
واسترو ما واجهتو ,,
images11
المشاركة الأصلية كتبت بواسطة ح ـــآلــيــهـ~
مواقع النشر (المفضلة)