الله يسعد اوقاتكم بكل خير
::
::
::
::
::
ربما لاأجيد مهارة المقدمات كثيرا
ولكن هذه الورده اليانعه هي من تقدم
نفسها لكم ... وهي بين ايديكم
إأإأإأإهــــــــــــــــــــداءالى ....
ولاماهو لازم لأن المهداه له ليس موجودا
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سولف عليّه علومك تشرح البالي = ياليتني طول عمري جالس قبالك
عسل لسانك ينقّط سكرٍ حالي = تشفي عليلٍ قضى بلحيل متهالك
اللّي يهرجك يصبح دالهٍ سالي = والهرج كلّه يضيع بشوفة ظلالك
واليا ضحكت اضحكت دنياي يالغالي = من ثغرك اذوق حلو الشهد في جالك
فيك الحلا يفتخر في كل الاحوالي = هذي حقيقة غلا ماهي يورّالك
الشعر : كنّه سواد الليل ... لامالي = بعد الشفق مطلعه موجه تهيّا لك
والعين : عين اشقرٍ ووساع وكحالي = غطّى هدبها سواد بليلها الحالك
والخشم : سيفٍ غدى بتّار ... قتّالي = من حدّه يجظّ قلبي جظّة الهالك
والجيد : ريميّةٍ ... باقفاي واقبالي = تلعب بوسط الفلا في مرتعٍ سالك
لاشفت زولك اخفّ بكل مثقالي = وتطيح بي عزّتي وانته ولا بالك
حتى ولو باتصالاتك في جوّالي = يفز قلبي لاشاهد رقم جوّالك
ياويل حالي ليامن قلت وش حالي = حالي ليا غبت ميّت يرتجي وصالك
حتى (( الالو )) من شفاتك شي وخبالي = ماهو طبيعي ولحنه صوت موّالك
والدرب يمك يمين .. يسار .. طوّالي = من وين ماروح درب الشوق يسعالك
قصيدةٍ فيك تكتب عقد سلسالي = على مقام الغلا ... وورود تزهالك
خلّ السوالف تناثر موج شلاّ لي = والله ماملّك وعمري جالس قبالك[/poem]
وسلامتكم
نواف المطيري
مواقع النشر (المفضلة)