صَبَآحُ../.. مَسَآءُ الصَّفَآءْ
..*..
..*..
أبد ماكنت أظن في يوم.. شعري في عيوني يشين
ولا كنت أنتظر لو لحظه فيها.. تخونني الأبيات
تبيني عقب ما صغت الحروف.. في حبي لك كل حين
أصيغ في عرسك بـ غيري.. قصايد يالغلا وزفات..؟
أبعرف انتِ وش قصدك.. دخيلك انتِ وش تبغين..!
أبعرف بين هـ الشعراء.. ليه يعني أنا بـ الذات..؟
لأجل تتجدد جروحي.. لأجل أرجع ورى السنين..!
أبي أطمّن قليبك.. ترى جرحك أبد ما مات
غرامك آآآهـ منه .. ما تركني بسبته تطرين
كـ أنه حالف يسهّرني.. وهو في جروحي يبات
تبين الصدق.. انتِ من كثر ما في خيالي تجين
أحس بـ كل ما حولي.. يرجّع كل ما هو فات
إذا إنه أحد ناداني.. كـ أنك انتِ تنادين
وإذا إن أحد زعلني.. طرت في أيامك الزلات
وإذا هلّ القمر.. شفتك وكـ أنك بليلك تهلين
يذكرني سكونه يوم ألومك.. والردود سكات
صراحة.. كل شي خلاك ويّا طيفك تمرين
قصايد.. أمكنه.. نكته.. مسلسل.. أغنيه.. شلات
أنا وش بيدي غير إني أقول في قلبي.. " الله يعين "..!
قسم بـ الله مو ناقصني.. إلا تجيني في الصلوات
أنا حاولت أسوي كل مايمكن.. لأجل ترضين
بغيت أتقرب لـ قلبك حبيبي مره.. ومرات
والمعروف إن الشخص لو سلم.. يمد يمين
أنا لو قلتِ أسلم بـ اليسار.. بـ أقلب العادات
أجي مني أجي مناك.. ما أدري أجي من وين..!
إذا إنها في الخريطه أربعه.. ويّاك عشر جهات
دلع بكثر ما أدلع.. حسبتك بنت ست سنين
غزل من كثر ما أتغزل.. مخلص معجم الكلمات
رومانسية بها مذوب حجر.. وانتِ ولا تذوبين
حتى قمت أحس إني غلبته قيس أنا.. في أوقات
مزعل ناس من عقبك.. ما هي وحدة ولا ثنتين
أنا يللي مزعلهن عشانك.. والله بـ الميات
أنا ما أقصد أنقص في قدر.. يللي له تميلين
ولكن ودي أعرف.. وش من أفعاله علي فات..؟
وأنا اللي قلت من قدي.. طلعت بـ قصه المسكين
بـ كل اللي يصير.. أنا معذب في أحسن الحالات
حسبت أقدر على موجك.. إذا إنك بـ الهوى تهيجين
مع إنه مو كل من غاص البحر.. يرجع معه دانات
تبيني بعدها أكتب قصيده.. فيها تنزفين..!
أقول إلآ تبيني أسطر في رثاي.. أبيات..!
لِـ [ رَبِيعِ القَلْبِ ]
لِـ ذَوَآتِكُمْ مَحَبَّة
مُحِبّكًٍَِمًٍِ / ســ م ــوي
مواقع النشر (المفضلة)