السلآم عليكم و الرحمة
توديع الأهل كآنت أصعب مرحلة أمر بهـــآ ...
المكآن / ماليزيا / دمنسآرا / صآلة منزلي المظلمةالنآس هنآ تنآم السآعة 10 الليل ( 5 العصر بتوقيت السعودية ) تصحى السآعة 6 الفجر ( الوآحدة ليلاً بتوقيت السعودية )
نآس مرتبه جداً محترمة للوقت واهم شيء عندهآ الوقت ( عكس مجتمعنا تماماً )
( ماليزيا الإسلآمية ) مآ شفت الإسلآم عندهم إلآ قليل للأسف حتى المحجبآت في ضوآحي قليلة و صغيرة
بما إن نصف المجتمع صيني و نصفهم هنود و نصفهم ماليزيين إختلطت اللغآت و العآدآت
الغربة علمتني أشيآء كثير حتى شخصيتي تغيرت صرت حسآسة + جريئة + المجآملة نسيتهآ من فآرقت مطآر جدة
اليوم إللي أتعب فيه أفتكر إنه محد يطبطب علي و يجيب لي شيء حآر مآفي أمي تحسسني بخوفها إهتمآمهآ
تعلمت أطبخ و صرت سنعه ,, تعلمت أرتب بيتي بنفسي بدون إعتمآد على الشغآلآت
تعلمت أغض نظر عن كل شيء مآ يعجبني إلا الشيء إللي يضر ديني , صبرت على نظرآت الشعب على حجآبي :24ar:
و إستهزآئهم بي , لآني مو من النوع إللي يخلع الحجآب أو يكشف الوجه في السفر
( ربنآ موجود في كل مكآن ) كلآم أمي الله يطول بِ عمرهآ ,, :24ar:
الغربة قوّت إيمآني بالله أكثر و أكثر :24ar:
أعطتني و علمتني أشيآء كثير لكن سلبتني حضن أمي و لمة الأهل و الأخوآن ...
يوم الجمعه و السبت بعد مآ كنت أنآم على صوت الحرم المكي أو صوت السديس على التي في ,, صرت أنآم على صوت الكآزينو و المرآقص للأسف يطولون لدرجة أأخر صلآة الوتر لمآ يخلصون مرآقصهم
منطقتنآ قلة المسلمين فيهآ مجبورين نعيش فيهآ لقربهآ من منآطق درآستنآ ,, أفرح و أنبسط لمآ أشوف الشعب العربي بكثرة في شآرع العرب ....
مشتآقة لمكة و ريحة أهل مكة .. إشتقت لحوشنآ و هبآلنآ فيه حتى مطآعم السعودية تفتح النفس مآك مو نفس الوجبآت ولآ كنتآكي ولآشيء وأنآ صرت أدور دوآرة لآي شيء يربطني في السعودية ..
ذات حَنين سألني أحدُهم عن الغُربة !
فتلوتُ عليه ماكَتبتُ بالكالندر ذات وجَعٍ وقُلت :
( الغُـربَة غيَابْ مَوتُه سُنّه وحضُورهُ واجِبْ ) !!
شوق الأهل حدّث ولآ حرج , كل يوم أكلمهم و أحسهآ مآتكفي , كل يوم أبكي أبغى أجلس و سطهم أسهر معآهم ..
أسهر الليل أفكر فيهم على أمل إن أمي تدخل علي تقول لي كلمتهآ المعتآدة ( يكفي سهر / إتركي الجوآل و نآمي )
إشتقت لِ طبخهآ و ريحة أنفآسهآ ,, صرت أدور شيء يشبه طبخهآ بس أفرّح نفسي
كم تمنيت ان اعود طفلة بين يديك ،،
حتي لا ابتعد عنك ولا يفارق انفي رائحتك ،،
عندما يزداد حنيني لها افكر كثيرا بان اترك كل شئ واعود لحضنها !!
ولكن سيدتي اول من تقف ضد الفكره ،،
احبك امي :24ar:
أختي / توأم روحي وكآتمة أسرآري لحظآت شقآوتنآ و مرآهقتنآ مآتغيب ولآ لحظة من بآلي
مشتآقة لِ أبوي و إخوآني ,, جدتي و جدي إللي هلكه المرض كل مآكلمته يقول ( ألو ) و يبكّي و يبكيني معاه ّ
لآني كنت الوحيدة إللي مهتمة فيه بدون مآيكمل المكآلمة ..
أكيد تقولون هبلة في غيرك كثير يتمنى يغترب و يهج من هالبلد لكن مآيحس بالتعب إلآ إللي عآيش فييييه ..
مآليزيآ كنت بحبهآ وكآنت بتعجبني لو إني جآيتهآ شهر عسل ولآ أسبوع مو سكن و درآسة و غثى
الموضوع مجرد فضفضة لآتدخلون في السيآسة و الدين وكلآم بعض الإعضآء المعتآد..
ملآحظة / الموضوع كتبته من أول يوم غربة و كملت عليه هذي اليومين
والحمدلله هآنت بآقي لي شهر و كم يوم
وأدخل و أنوّر الأرآضي السعودية
كل شخص بجنبه أمه يروح يقبّل يدهآ و رآسهآ نيآبة عني ..
لكم حرية الرد و التعليق :24ar::25ar:
مواقع النشر (المفضلة)