السلام عليكم
كيفكم ! اكيد طيبين
المهم موضوعي اليوم
هو قصة صارت لي يوم الخميس الماضي
وقلت لازم اسدحها هنا عشان الكل يعرف
القصه وما فيها
ان الاهل يوم الخميس قرروا
اننا نروح القطيف نزور ولد خالتي اللي صار عليه حادث
وهو منوم بالمستشفى المركزي
عاد طبعاً اهلي عارفين اني اكرهـ الشرقيه
فقالوا لي تخاوينا قلت لهم ان كان بنزور ونرجع خاويتكم
واذا بتنامون لا ماني برايح معاكم
المهم اهلي وافقوا اننا نرجع بنفس اليوم
ومشينا وزرنا ولد خالتي وطلعنا من المستشفى
المهم الاهل قالوا نبي نتعشى عالبحر
قلت لهم اوكي نتعشى ونمشي
المهم شرينا عشانا ونقزنا لكورنيش القطيف
وتعشينا وخلصنا
وجااني اتصال من واحد من الشباب اللي بالمنتدى معانا
واقوم اسولف معاهـ وانا امشي عالبحر
المهم يا حلووين وانا اكلم وما اشوف قدامي الا ثلاث دبابات
واحد منهم متجه علي كانه بيدعسني ويوم قرب مني رفع ايدهـ
قلت بس الولد يبي جوالي
وانا اللي اثبت يدي على الجوال زين
وابعد عنه ويجي الوصخ يمسك الجوال يبي يزرفه
بس وين يابو شكله ماعرف اهل الطايف بعد
المهم انه بيسحب الجوال من عند اذني وما قدر وسحب نظارتي بداله
وانا عااد ما اشوف بدون النظارهـ
وامسك الدباب من ورى << قال له بيقلبه
المهم انهم انحاشوا يوم شافوا اخواني الاثنين وابوي قاموا
شوي ونشوف جيب يدور على الرصيف قلنا بس اكيد مباحث
ويوقفه ابوي ويقول له الموضوع
المهم انه قال والله مانقدر فيهم هذولي
يقول انا اخاف منهم !!!!!!!!!
ويقول بعد انهم يوم الاربعاء دعسوا بنت على الكورنيش !!
عاد انا دقيت على الشرطه وقلت لهم الموضوع
ورد علي واحد متخلف
يقول احد قال لك تروح كورنيش القطيف !! كان رحت كورنيش الدمام !!!!!!
عاد يا انا شرشحته هالشرطي
المهم بالاخير صكيت التلفون في وجهه
المهم يوم ركبنا السيارهـ
ومشينا شوي والا الدباابات يدورون عند دورة المياهـ [ تكرمون]
لا وشوفوا وش مسويين
على كلام ابوي << مايشوف مرهـ النظارهـ مو معاهـ
يقول ان الدباب راكب فيه اثنين واحد يسوق
والثاني يدور على اللي بيزرفه
يعني فيه تخطيط ما شاء الله
عاد الوالد قال خلووهم ومشينا الرياض
لابوها لا ابو ابوها من شرقية
المستفاد من القصة ::
× لا تطب القطيف وكورنيشها ابد ..
× لا تكلم بالجوال وانت على البحر وفي الشرقية
× اذا شفت دباب والا سيكل وانت في القطيف .. انتبه منهم يمكن حراميه
-----------------
× سؤالي للشرطة ..
معقولة دولة عندها جهاز امن عالي
ماتقدر على شوية متخلفين !!
لو انهم منعوا الدبابات على الرصيف في الكورنيش
واي شخص يتعدى على هالقرار يمسكونه ويجلدونه
كان ما شفنا ولا سمعنا بحوادث الدهس والسرقه على كورنيش القطيف
لكن لما يقول لك رجل الامن انا اخاف منهم
ويقول بعد وش وداكم كورنيش القطيف هذا معروف بالحرامية ..
بصراحه ما عاد ترجي من الامن شئ
ماهم فالحين الا على شباب الرياض
هذا مظلل سيارته تعالوا خالفوهـ وهذا مو رابط حزامه صكوهـ بقسيمه
وهذا يدور في سجلوا بيناته وهذا وهذا وهذا
عاد تدرون وش قلت للبحث اللي عالبحر
قلت له انا مستعد اجيب من الرياض اخوياي وعيال عمي
بس انتم اسمحوا لي اسوي معاهم اللي ابي
ومالكم الا اسدحهم لكم عند قسم الشرطة
رد علي وقال ليه مافيه حكومة !! <<<<
والله من بعد ما قال كذا
ان غسلت يدي بقـوهـ
الله يخلي لنا الحرس الوطني
ما ركد الشرقية الا هم ولو يفلتونهم على حقين القطيف
وربي ليعلمونهم كيف يمشون سيدهـ
وبس خلاص انتهت الحتوووته
بــيــسـ ..
مواقع النشر (المفضلة)