وين انت يامشفي جروحي
يامن بوسط القلب حليت
لو كنت تعلم كثر نوحي
ماكنت يالغالي تغليت
><><><><
دخيلك راجع حسابك
غيابك ساقني للموت
دخيلك ماهو وقت
الفرفشه والمزح والتمثيل
رحيلك هز وجداني
وبني في داخلي تابوت
فراقك ياغلا الغالين
قسم بالله يهد الحيل
><><><><
انت يااغلى من عيوني وحياتي
الفرح غايب في بعدك ياغناتي
انا مو عاشق ولاني حيل احبك
انا ميت فيك يا اغلى من غلاتي
><><><><
شلون اكتب عن غيابك وانا في غيابك غايب
ماني قايل عذاب شي اشد من العذاب
شي مثل الاكتئاب
شي مثل الاغتراب
شي مثل الاضطراب
باختصار تقدر تسمي غيابك
موت في عز الشباب
><><><><
وش يقول اللي تعود يلتقيك
يوم عمره مالقى عقبك غلا
ماقدر في بعدك الا يحتريك
وماعرف في غيبتك غير الولا
كم تمنى بالوفا لو يحتويك
في خفوق باصدق الود امتلا
لو بيديه بس لو يقدر يجيك
مايحول الوقت دونه والملا
><><><><
ادري انك بعت في لحظة جنون
وطيب قلبي لك تناسى مابدر
وتدري انك لو تزيد الكون..كون!!
ماتلاقي مثل قلبي في البشر
><><><><
لاتظن إن طال البعد بينا إنا أنتهينا
لا وربي ماينتهي حبنا دامنا حبينا
لقربي ولقربك سنين كم تمنينا
كم أبيك وتبغيني وكم تعذبنا
إن كنت القدر فراقنا ماهو بيدينا
><><><><
انا عايش مع العالم وكل الهم في صدري
احاول اخفي دمعي عن اللي يحبوني
اجامل من يكلمني وضحكي كله من قهري
ولامنه خلا جوي هلت دمعة عيوني
انا ماقتل قلبي سوى غالي رحل عني
عطاني الحب بالاول وتالي الامر خلاني
><><><><
مدري ادين الوقت والا ادينك
ودي اشتكي له مدري اشكيله بعتاب
ودي اطيح من التعب في يدينك
اصبحت اشوف الناس من حولي اغراب
><><><><
وشلون بينساك قلبي وانت خابرني
طاري الجفا لا طرالي ترجف عظامي
مواقع النشر (المفضلة)