((عـادي ... طـاح الحطب.. وأنت الحطب ))
مـــراحــب
:25ar:
.. ..
][المشهد الاول][
وحدة مزيونة بالحيل.......و حبيبة ...
بس تخـون..!
وش اسوي بجمالها..؟
بياخذها الزمان و تبقى عجـوز
عادي.......طاح الحطب.......... و حلوة الحياة
.. ..
][المشـهد الثـاني][
ملتزم ......
يصلي كل الفروض........
و إذا تعب..... فـوت صلاة الفجـر
وإذا شبع راحت صلاة العصـر......
و عنده دشـ .......و يكذب كثير
و إذا صحى الصبح .....مشط اللحيـه
عادي.........طاح الحطب.......... و حلوة الحياة
.. ..
][المشـهد الثالث][
غني و ظالم .........
يطـرد المساكين......و يستغل الضعوف
مغرور و فاسق......
و مجلسه عامـر.
كلن يبهر له
و مع ذلك يجمع حسنات.......من كثر اللي يسبـونه
عادي.........طاح الحطب.......... و حلوة الحياة
.. ..
][المشهـد الـرابع][
يكد يدرس و يشتغـل.........
لاجـل يبني مستقبله.
تزوج و جاب عيال......ثم تقاعـد
صار يسكن في مكان.....و أم عياله في مكان
والسبب العيال..
صار دار المسنين بيتهم....
عادي.........طاح الحطب.......... و حلوة الحياة
.. ..
][المشـهد الخـامس][
مرفــوع الكفن أبيض
وصاحبه وسط البياض.
بعضهم يبكي.......و بعضهم عادي
دفنوه.....و تبكبكوا شوي
و آخر الليل سكـارى. ..
عادي.........طاح الحطب.......... و حلوة الحياة
.. ..
][المشهــد السـادس][
سيارة مســرعة........
و تدعس لها واحد
مسكين هندي..
و العسكري صديق الطايش
والخطأ نصه على الهندي......
والباقي على أبو الطايش.
و في الليل.....الطايش يلعب بلوت
عادي.........طاح الحطب.......... و حلوة الحياة
.. ..
][ المشهــد السابع][
قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
وإذا اجتمع مع الشباب قال:
متى بنتحضر...؟ّ!
عادي.........طاح الحطب.......... و حلوة الحياة
.. ..
][المشهــد الثامن][
اهم شي الثوب نظيف.......و الشماغ مكوي.
و القلم ماركة......والساعة تضوي
و الجزمة جلد.......والسيارة عجب
و تلفونه ما يسكت.
اما بنــاته
أو البنوك تبي فلوسها...
. عادي........طاح الحطب.......... و حلوة الحياة
.. ..
][المشـهد التـاسع ][
فتح الكمبيوتر...
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه
بس يبي يزيد المواضيع موضوع
ويزيد همومنا هم
علشان يصير صاحب الألف موضوع
و يتميــــز
والمشكلة انه يتميـــز
عادي.........طاح الحطب.......... و حلوة الحياة
.. ..
][ المشــهد العاشـر][
الكذب اثم.........ومع ذلك نستخدمه
و ندري ان هذا حرام........و مع ذلك نجربــه
نتذكر السهرة و الفرح و السفر
و ننسى الجالسين على كتوفنا
و نتناسى ان معهم كتاب يسجل افعالنا و نياتنا.
كل شي محسوب
حتى النظــــر .
نسينا ان ورانا يـوم.....علاماته قربــت
ومع ذلك كلنا ناسين...!
أن بقيت على حالك تتناسى .......لازم تعرف
إن ذاك اليوم مهوب عادي
وأنت الحطب و ما به حياة
.. ..
خــــالص تحــياتي
مواقع النشر (المفضلة)