:+: فرمت جهازك بنفسكـ:+:
::
+
:
صباح\مساء الخير
كثير مننا بين فتره فتره يودي جهازه لأحد محلات الصيانه يفرمته ...
فحبيت اني انزل طريقة الفرمته علشان الكل يستفيد ..ويصير يعتمد على نفسه ويفرمت جهازه بنفسهim3
وبما أني انسانه ما اعرف اشرح فلطشت قصدي نقلت لكم شرح جاهز im3
اخليكم مع الشرح :
بسم الله الرحمـن الرحيم
أولا : ماهية الفورمات .
الفورمات يا أخي الكريم أو يا اختي الكريمة .. عبارة عن مسح كامل للقرص الصلب او القرص المرن المراد العمل عليه .. والفورمات نوعان :
1. مسح البيانات كلها فقط .. ويكون سريع جدا حتى مع القرص الصلب .. وهذا النوع لا يؤثر على القرص اية أضرار ولكنه كذلك لا يحل مشاكل القرص ...
2. فورمات كامل ... وهذا النوع يعيد تهيئة القرص من البداية ومن ثم ينسخ عليه ملفات النظام .. وهذا النوع ممتاز جدا لانه يحل جميع المشاكل الموجودة في القرص ما عدا اذا كان القرص معطوب ولكن هذا النوع من الفورمات لا يستحسن بكثرة لانه من الممكن ان يضر القرص ...
ثانيا : كيف تعمل الفورمات ؟؟.
في البداية لا بد من توفر عدة اشياء لكي نقوم بتهيئة القرص ومن ثم تحميل برنامج الويندوز من دون اية مشاكل ...
أولا:الان أحضر قرص مرن ( ديسك ) ومن ثم فلنذهب سوية الى لوحة التحكم ومن ثم (أضافة و ازالة برامج add remove program/) .. ومن ثم (انشاء قرص التشغيل (start up disk /
الان ضع القرص المرن داخل السواقة ومن ثم اضغط على زر انشاء قرص .. (creat disk) .. تمام
بعد ان ينتهي الويندوز من انشاء القرص أخرج القرص المرن خارجا .. وهكذا نحن قد اوجدنا المفتاح الذي سيوصلنا الى الفورمات ...
ملاحظة هامة جدا: انشاء قرص بدء التشغيل لن ينجح الا في ويندوز 98 فاذا كان عندك ويندوز من نوع اخر يجب عليك ان تحضره اما من صديق او من أي بائع في السوق ( لا يضخك عليك ترى بـــ 5 ريال وبس ).
الان فلنتابع .. بعد ان اوجدنا قرص اعادة التشغيل يجب علينا ان نتاكد من وجود سيدي الويندوز المراد تحميله على الجهاز .. وكذلك ملفات التعريف للاجهزة والكروت التي على الجهاز ( هذه الملفات تكون في سيديهات اول ما تشتري الجهاز يعطوك اياها ... نفترض انها مو معاك ؟؟؟ ايش تسوي ؟؟؟
خليك معي .. ادعس كليك يمين على جهاز الكمبيوتر .. تمام .. ادخل على خصائص وبعدين ادارة الاجهزة .. Device manager ... وبعدين ادخل على كرت الشاشة وشوف نوعه وكذلك الصوت وكذلك المودم .. تقريبا يكفي ما هنحتاج اكثر .. انظر الى الصورة ..
مثلا نوع كرت الشاشة هنا :
ATI Rage 128
والمودم :
Motorola SM56 fax modem
والصوت :
Cmi8738
بعد ما عرفنا نوع الكرت ...
نروح على أي محل ونقوله اعطينا دسك او سي
دي حق التعريف تبع هذا الكرت وهذا وهذا ..
ملاحظة : حاول انك تجيب تعريف للكرت الي عندك
لكل انواع الويندوز عشان اي ويندوز تبغاه تنزله من
غير أي خوف ..
واحنا بدورنا ما نضيعها ابدا .. عشان لو كان فيه مرة ثانية J ...وان شاء الله انو ما في ..
ثانيا : الان لو عندك ملفات تبغاها على القرص الصلب c :/
لازم تنقلها على القرص الصلب d:/ او أي قرص ثاني عندك على الجهاز غير الي عليه الويندوز او بمعنى اصح غير الي تبغى تفرمته ... مجرد Copy و Past
تمام .. الان القي نظرة اخيرة او نظرة الوداع على الويندوز الي عندك عشان ما راح تلاقيه بعد كذه L
بعد ما تخلص سوي اعادة تشغيل وخلي يدك على زر Delet اضغط وفك اضغط وفك .. تمام
راح تفتحلك شاشة يسموها شاشة بدء التشغيل المهم ما علينا .. راح تحصل عندك خيار لما تدعس عليه يكتبلك تحت ... boot , boot sequince المهم تشوف فيه كلمة بووت ..
ادخل عليه بجيك مجموعة خيارات راح تحصل وحدة اسمها Boot Sequince
غيرها بزر الزائد والناقص خليها A وبعدين ادعس زر F10 وبعدين حرف الواي وبعدين انتر . اوكى ( يعني المقصد من هذا كله انه يحمل الجهاز من القرص المرن تمام ...في اجهزة ما تحتاج انك تسوي كدا تحصلها اوتوماتيك .. وبعضها تكون معمولة اصلا جاهزة فانتا جرب في الاول اذا ما حمل من الديسك فانتا مضطر انك تسوي الي قلتلك عليه .. ومش شرط تكون بنفس الي انا قلتلك عليه بس انتا خليك فاكر كلمة Boot اوكى .
.
ثالثا : الان اذا حمل عندك من الديسك راح تسمع صوت الديسك عندك لما يشتغل استنى عليه شوي بجيبلك خيارين الاول انك تحمل من السي دي روم والثاني من دون سي دي روم .. اختار الاختيار الثاني ..
وبعد كده استنى كمان شوي بس هيطول المرة بزيادة الين ما يجيك
A : \
الان راح نبدا عملية الفورمات ..
لنفترض انو القرص الي تبغى تفرمته هوا السي C : \ فراح نكتب الان :
Format c:/s/q
انتبه لازم تكتب المسافة بعد كلمة فورمات ... هذا النوع هو الفورمات السريع سيظهر لك الان رسالة تاكيدية تحتوي في اخرها على (Y,N) اضغط حرف الــ Y للموافقة وحرف الــ N لالغاء العملية ...
بعد ان نضغط موافقة سيتم الان فرمتتة القرص فرمتة سريعة ... ثم سيعرض سوال يريد منك كتابة تسمية للقرص اضغط انتر ليكون القرص من دون اسم ( يعني راح يكون اسمه C بس ) بعد ما يرجع المؤشر لهذه الكتابة A:\
هنا يعني انو الفورمات خلص ...
ملاحظة : للفورمات البطيئ نكتب بدل format c:/s/q هذه الجملة format c:/s
اوكى يا حلو J ...
الان بعد ما نفرمت الاقراص الي نبغاها حتى لو كانت كلها عادي .. (شباب في رحلة ) .. نروح للفقرة الرابعة ...
رابعا : جينا الان للمرحلة الاخيرة وهي انزال الويندوز
الحين لازم يكون عندنا السي دي روم ندخل السي دي تبع الويندوز في السواقة الخاصة وندعس
Ctrl+Alt+Delet هذه لكي نعمل اعادة تشغيل للويندوز ....
طبعا اخرج قرص بدء التشغيل خارجا قبل اعادة التشغيل ... الان اذا ما اشتغل عندك السي دي روم وما تحمل الجهاز عليه لازم ترجع تسوي اعادة تشغيل وتضغط زي المرة الاولى زر Delet بسرعة حتى تدخل على شاشة (الستارت اب ) ومكان ما دخلت اول مرة ترجع تدخل هنا على البووت وتغير من A تخليها(Cd-Rom) تمام ... بعدين ادعس F10 وبعدين حرف الـــ Y وانتر ...
الان راح يسوي اعادة تشغيل وبعدين راح يحمل من السي دي روم .. الان راح يجيبلك 4 خيارات الاول يعني انزال الويندوز باللغة الانجليزية والثاني تحميل الويندوز العربي .. والثالث والرابع ما عليك منهم لانو مالهم داعي الحين .. اوكى شوف اللغة الي تبغاه وادعس انتر .. الحين راح نبدا عملية التحميل..
المهم طبعا انتا الحين هتعرف لوحدك كيف تنزله هو اصلا ما فيه شي تنزيله اول شي بعد ما تختار التحميل باللغة الي تبغاها راح يجيبلك تحت خيارات انتر للاكمال و F3 للخروج .. وهكذا .. طبعا انتا خليك معاه اكمال على طوووول .. وبعدين بتدخل في الويندوز بتحس نفسك انجزت J بيطلب منك ادخال اسمك واسم الشركة وبعدها الوقت وبعدها البلد الي تبغاه .. انتا شوف وش يبغى ودلعه ..اوكى
بعد ما يخلص وتشوف الويندوز يمكن تستحقر نفسك شوي لانو ما في الوان ما في صوت ما في برامج ...
لكن احنا الحين نبدا شغل على اصوله ...
اول شي قبل لا تسوي شي تعال نروح سوى عشان نعرف الكروت ..
اولا نشوف كرت الشاشة .. ادعس كليك يمين على سطح المكتب وروح على اعدادت او setting
بتلاقي خيار للالوان شوف كم لون انزل بالسهم تحت شوف اذا مكتوب 16 لون وبس ما في 256 لون او 32 بت او اكثر يعني ما تعرفت اذا موجودة هذي الاعدادات 256 او 32 بت .... الخ يعني انها معرفة بس عليك انك تختار احسن شي وتسوي اعادة تشغيل ... بس لو ما كان فيه الا 16 لون هنا لازم نروح نعرف كرت الشاشة ...
من وين نعرفه ؟؟ نروح اول شي على جهاز الكمبيوتر وندعس عليه كليك يمين ونروح على device manager او ادارة الاجهزة .. بعدين نفس المكان الي في الصورة الي فوق المشروح فيه كرت الشاشة نروحلو ونضغط على زر الزائد الموجود راح يعرض الان نوع كرت الشاشة طبعا اذا ما كانت معرفة راح يكون مكتوب standard ... المهم نضغط على هذي الكلمة دبل كليك راح يفتح الحين شاشة ثانية وراح يكون فيها فورم ثاني فوق اسمو drivers ثاني واحد .. ادخل عليه راح تحصل زر مكتوب عليه update driver او تحديث التعريف اضغط عليه وبعدين ادعس التالي وخلي الويندوز هو الي يبحث عليه ان طلعه كان بها وان ما عرفه كيفو انتا ادخل على الديسك او السي دي روم وشوف وين اتعريف حق كرت الشاشة وسويلو تحميل كانو برنامج عادي .. اوكى
وعلى نفس الطريقة بتحمل باقي الكروت المودم .. والصوت ..
بعد ما تخلص من تعريف الكروت يمكن تتعبك شويا عادي بتصير مع المحترفين ... الحين نزل هذه البرامج واذا ما تبغى عادي مش شرط كيفك ..
Ofiice2002
WinZip 8.0
Real player
******s media player7.0
Msn Massenger
Norton anti virus
ACDsee32
هذه من اهم البرامج او البرامج التي لا بد ان تكون على جهاز كل شخص منا ...
أتمنى الكل يستفيد im3
:
+
:
مواقع النشر (المفضلة)