السلام عليكم
مساء الخيرات وصباح الخيرات على الجميع
اول شي ابارك لكم على هالخيرات اللي جتنا اليومين هذي
والله يديمها علينا وعليكم يارب
قصيده لشاعر / سعود القت المطيري
اعجبتني كثير واعجبني شيلتها بعد وحبيت ان قلها لكم
http://www.youtube.com/watch?v=vVTl4OX4wYk
[poem=font="Simplified Arabic,6,silver,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ماحلا السجة مع البر للصدر الكتوم = في فياض يدله البال مع يشمومها
علها وبل الحيا من مبدرة الوسوم =مزنة(ن) غرا تداحم قنوف غيومها
يرتوي منها وطا الارض وتقض الحزوم = وبلها ودان ما ينقطع ديمومها
ترجع الارض المحل من عطا الرب الرحوم= وتانس النفس الشقية بنفح نسومها
المحاجر فايضه والطيور ابها تعوم =وام سالم تنزل وتعتلي في حومها
بهجة اللي وسط جاشه كما لفح السموم = مبطي ونفسه تزايم ثقال همومها
الفيافي مخضره والسما مردم غيوم = والنفوس الساليه غاطسه في نومها
ما يحجب الشوف مبنى ولا قلة يموم = ديرة(ن) كل يسولف بطيب نيومها
مدهل بكار(ن) لعود(ن) مقدر ومحشوم =في هواها النفس تشقى ولاحد يلومها
غاليه واتلاد من يوم زرقات السهوم = تشبح النظرة بهاذيك هذي تومها
ما سجع بالصوت دلالها يامن يسوم = لا شراها من بغاها مع اول سومها
لاعرضت قامت تبختر بممشى فيه زوم= من مواطيها الصغيرة عجل درهومها
منفهق سنامها ناسع الغارب ردوم= مايل(ن) عرقوبها منهدل خرطومها
ارقبه سناد والخد راهي ومعدوم= والاذاني فهق دون الفتر بوقومها
تدهشك لامنها جات من المبرك تقوم = تمتعك بقيامها كنه احد يهومها
ذيلها فوق الشبر والوبر حسك(ن) بروم =صورة(ن) تشدى السحابه ورا تنعومها
راهيات الطول سناد سمحات الجروم =تيها تزهى الجنايب بزين جرومها
شامتين بذيلها كبر بصمات البهوم =شامة(ن) في وقمها مثلها بخشومها
ما حلا لا كفها صوت مودها قدوم=بعدما تفاوقت درت بمغنومها
مع عتيم الليل والضو وهاج شعوم =وامهات الخير تجتر في مطعومها
صحبة اللي فالنوايب يسدون اللزوم = استدارت دلة الكيف عقب اولومها
وابتدا حذف الشمغ وابتدا سرد العلوم = نسيت النفس الشقية جميع همومها[/poem]
وسلامتكم
حيران
مواقع النشر (المفضلة)